ജാതകത്തിലല്ല മനപ്പൊരുത്തത്തിലാണ് ചേര്‍ച്ച വേണ്ടതെന്ന് തെളിയിച്ച് മോഹന്‍ലാലും സുചിത്രയും. ലാലും തമിഴ് സിനിമാ നിര്‍മ്മാതാവ് ബാലാജിയുടെയും മകള്‍ സുചിത്രയും തമ്മിലുള്ള വിവാഹ ബന്ധം28 വര്‍ഷം പിന്നിട്ടു. ജാതകപൊരുത്തം ഇല്ലായിരുന്നുവെന്നും എന്നിട്ടും ദാമ്പത്യ ജീവിതത്തില്‍ അസ്വാരാസ്യങ്ങളില്ലാതെ ഈ ദമ്പതികള്‍ മുന്നോട്ടുപോകുന്നു.

ഇരുവരുടെയും പ്രണയം വിവാഹാലോചനയിലേക്ക് എത്തിയ സമയത്താണ് ജാതകപൊരുത്തം വില്ലനാകുന്നത്. ഇരുവരുടെയെും ജാതക പൊരുത്തം ശരിയില്ലെന്ന് ജോത്സ്യന്‍ പറഞ്ഞതിനെ തുടര്‍ന്ന് വിവാഹം വേണ്ടെന്ന് വച്ചിരുന്നു. എന്നാല്‍ ജ്യോത്സ്യന്‍ പറഞ്ഞത് തെറ്റാണെന്നും ജാതകപൊരുത്തം ഉണ്ടെന്നും ഉറപ്പ് വരുത്തി വിവാഹം നടത്തുകയായിരുന്നു. 

1988 ഏപ്രില്‍ 28 നാണ് മോഹന്‍ലാല്‍ സുചിത്രയുടെ കഴുത്തില്‍ താലി ചാര്‍ത്തിയത്. സുചിത്രയ്ക്ക് മോഹന്‍ലാലിനോടുള്ള ആരാധനയാണ് പിന്നീട് പ്രണയമായത്. എന്നാല്‍ സുചിത്രയുടെ നിശബ്ദ പ്രണയത്തെക്കുറിച്ച് മോഹന്‍ലാല്‍ മനസ് തുറന്നിരിക്കുകയാണ്.

വിവാഹത്തിനു രണ്ടു വര്‍ഷം മുന്‍പുതന്നെ നിര്‍മ്മാതാവായ ബാലാജിയുടെ മകള്‍ സുചിത്രയുടെ ആലോചന വന്നിരുന്നു. എന്നാല്‍ ജാതകച്ചേര്‍ച്ചയില്ലാത്തതുകൊണ്ട് വേണ്ടെന്ന് വയ്ക്കുകയായിരുന്നു. ശേഷം മോഹന്‍ലാല്‍ സിനിമയുടെ തിരക്കുകളിലേയ്ക്കും സുചി ചെന്നൈയിലേയ്ക്കും മടങ്ങി.

പിന്നീട് നാളുകള്‍ക്ക് ശേഷം കോഴിക്കോട് വന്നപ്പോള്‍ സഹോദര തുല്യനായ ബേബി മറൈന്‍ ഉടമ ബാബുച്ചായന്‍ വഴി അതേ ആലോചന വീണ്ടും വന്നു. അവിടെ വച്ചാണ് അറിയുന്നത് അന്ന് ജാതകച്ചേര്‍ച്ചയില്ലാതെ വന്നത് ആരോ ജാതകം തെറ്റായി കുറിച്ചതുകൊണ്ടാണ് എന്ന്. അന്വേഷിച്ചപ്പോള്‍ അറിഞ്ഞ വിവരം ജാതകം ചേരില്ല എന്നറിഞ്ഞിട്ടും ആ രണ്ടു വര്‍ഷവും സുചിത്ര തനിക്ക് വേണ്ടി കാത്തിരിക്കുകയായിരുന്നു എന്നാണെന്നും ലാല്‍ പറയുന്നു.

ഇതിനിടയില്‍ തനിയെ ഉള്ള ഒരു ട്രെയിന്‍ യാത്രയ്ക്കിടയില്‍ അതേ ട്രെയിനില്‍ സുചിത്ര കയറാനിടയായതും ഈ പ്രണയ സാഫല്യത്തിനുള്ള നിമിത്തമായിത്തന്നെ കാണുകയാണ് താനെന്ന് ലാല്‍ പറയുന്നു.