വാര്ത്തകള് സത്യം തന്നെ; വിവാഹമോചനം നേടാനുള്ള കാരണങ്ങള് ഏറ്റുപറഞ്ഞ് വിജയ്യുടെ പിതാവ്
അമലാ പോളും എഎല് വിജയ്യും തമ്മിലുള്ള വിവാഹമോചന വാര്ത്തകള് സ്ഥിരീകരിച്ച് വിജയ്യുടെ പിതാവ് എഎല് അളഗപ്പന്. വിവാഹമോചനത്തെ മാധ്യമങ്ങളില് വന്ന വാര്ത്തകള് സത്യമാണെന്നും ഇക്കാര്യം സംബന്ധിച്ചുള്ള ചര്ച്ചകള് നടന്നുകൊണ്ടിരിക്കുകയാണെന്നും അളഗപ്പന് ഒരു തമിഴ്മാധ്യമത്തോട് പറഞ്ഞു.
വിവാഹശേഷം അമല തമിഴ് ചിത്രങ്ങളില് തുടരെ അഭിനയിക്കുന്നതും കരാര് ഒപ്പിടുന്നതുമാണ് പ്രശ്നത്തിന് തുടക്കമായത്. അഭിനയിക്കുന്നതില് വിജയ്യ്ക്ക് ഇഷ്ടമല്ലായിരുന്നു. അതിന്റെ പേരില് ഇരുവരും തമ്മില് ചെറിയൊരു വഴക്ക് ഉണ്ടായി. അതിന് ശേഷം ഇനി ചിത്രങ്ങളില് അഭിനയിക്കില്ലെന്ന് അമല തീരുമാനമെടുത്തിരുന്നു. എന്നാല് പിന്നീടും അമല ചിത്രങ്ങള് ചെയ്തു. അത് വിജയ്യ്ക്കും ഞങ്ങള്ക്കും അംഗീകരിക്കാന് സാധിച്ചില്ല. ഇത് ഞങ്ങള് അമലയുടെ കുടുംബവുമായി സംസാരിച്ചു. എന്നാല് അമല ഇത് കേള്ക്കാന് പോലും തയാറായിരുന്നില്ല. അമലയും വിജയ്യും ഇതേപ്പറ്റി എന്തുസംസാരിച്ചെന്ന് എനിക്ക് അറിയില്ല. ഞങ്ങള്ക്ക് ഞങ്ങളുടെ മകനാണ് മുഖ്യം.
കേട്ട വാര്ത്ത നൂറ് ശതമാനം സത്യമാണ്. ഇനി നിയമപരമായ കാര്യങ്ങളുമായി മുന്നോട്ട് പോകും. അളഗപ്പന് പറഞ്ഞു. അതേസമയം, ഇക്കാര്യത്തില് അമല പോള് ഇതുവരെയും പ്രതികരിച്ചിട്ടില്ല. അമല തന്റെ മൊബൈല് ഫോണിന്റെ ഇന്കമിംഗ് തടഞ്ഞുവച്ചിരിക്കുകയാണെന്നും ചില തമിഴ് മാധ്യമങ്ങള് റിപ്പോര്ട്ട് ചെയ്യുന്നു. വിഷയത്തില് മാതാപിതാക്കളുടെ തീരുമാനവുമായി താന് മുന്നോട്ട് പോകുമെന്നാണ് വിജയ് പ്രതികരിച്ചത്. വിഷയത്തില് കുടുംബങ്ങള് ബന്ധപ്പെട്ട് കിടക്കുന്നുണ്ടെന്നും ഇപ്പോള് ഇതിനെക്കുറിച്ച് ഒന്നും പറയാന് ആഗ്രഹിക്കുന്നില്ലെന്നും വിജയ് പറഞ്ഞിരുന്നു.
ഇനിടെ പ്രമുഖ നടനുമായി അമലാ പോളിനുള്ള ബന്ധമാണ് ദാമ്പത്യബന്ധത്തിന് വിള്ളലേല്ക്കാന് കാരണമെന്നു റിപ്പോര്ട്ടുകള് വന്നിരുന്നു. നടനുമായുള്ള ബന്ധം അറിഞ്ഞതോടെ വിജയ്യെയും അമലയെയും ഒരുമിച്ച് പൊതുപരിപാടികളിലൊന്നും കണ്ടിട്ടില്ലെന്നും മിക്കപ്പോഴും ഈ നടനൊപ്പമാണ് അമല എത്താറുള്ളതെന്നും റിപ്പോര്ട്ടുകളില് പറയുന്നു. നിലവില് അമല കൊച്ചിയിലും വിജയ് ചെന്നൈയിലുമാണ് താമസം.
https://www.facebook.com/Malayalivartha
