ലാലേട്ടന്‍ ടെന്‍ഷനിലാ.... തമിഴ്, തെലുങ്ക്, മലയാളം ഭാഷകളിലായി പുറത്തിങ്ങുന്ന വിസ്മയം വെള്ളിയാഴ്ച
ലാലേട്ടന്‍ ആകെ ടെന്‍ഷനിലാണ്. ഏറെ പ്രതീക്ഷയോടെയാണ് തമിഴ്, തെലുങ്ക്, മലയാളം ഭാഷകളിലായി ഈ മാസം അഞ്ചിന് സിനിമ റിലീസ് ചെയ്യുന്നത്. ചന്ദ്രശേഖര്‍ യെല്ലേറ്റി സംവിധാനം ചെയ്ത മനുമന്ത എന്ന സിനിമ തെലുങ്കിലും വിസ്മയം എന്ന പേരില്‍ മലയാളത്തിലുമാണ് സിനിമ റിലീസ് ചെയ്യുന്നത്. എന്നാല്‍ മമ്മൂട്ടിയുടെ കസബയ്ക്കും വൈറ്റിനും കിട്ടിയ മാധ്യമ ശ്രദ്ധ കിട്ടിയില്ലെന്ന പരാതിയുമുണ്ട്.
മോഹന്‍ലാലിന്റെ അഭിനയ ജീവിതത്തില്‍ ആദ്യമായി മൂന്നു ഭാഷകളിലായി ഒരേ ദിവസം അദ്ദേഹം നായകനായി അഭിനയിച്ച സിനിമ റിലീസ് ചെയ്യുന്നു. നാലു കഥകളും ഒരു കഥയിലേക്കു മാറുന്ന അനിതരസാധാരണ സിനിമയായതിനാലാണു വിസ്മയം എന്ന പേരിട്ടത്. അനായാസം മനോഹരമായാണു മോഹന്‍ലാല്‍ ഈ ചിത്രത്തിലെ വേഷം കൈകാര്യം ചെയ്തതെന്നു സംവിധായകന്‍ ചന്ദ്രശേഖരന്‍ യെല്ലേറ്റി അഭിപ്രായപ്പെടുന്നു. എന്നിട്ടും വേണ്ട പ്രചരണം കിട്ടിയില്ല. സിനിമയ്ക്ക് അഭിപ്രായം ഉണ്ടെങ്കില്‍ മാത്രം ലാല്‍ ചിത്രങ്ങള്‍ക്ക് ആളുകള്‍ തിയേറ്ററെത്തൂവെന്നത് നടനും കടുത്ത വെല്ലുവിളിയാണ്. എന്നാല്‍ വിസ്മയം ഇതെല്ലാം മറികടക്കുമെന്നാണ് നടന്റെ പ്രതീക്ഷ. ദക്ഷിണേന്ത്യ മുഴുവന്‍ ആരാധകരുള്ള താരമായി ഈ സിനിമ തന്നെ മാറ്റുമെന്നാണ് മോഹന്‍ലാലിന്റേയും പ്രതീക്ഷ.
നമത എന്നാണു തമിഴിലെ പേര്. കാല്‍നൂറ്റാണ്ടിനു ശേഷം മോഹന്‍ലാല്‍ ഒരു തെലുങ്ക് ചിത്രത്തില്‍ അഭിനയിക്കുന്നുവെന്ന പ്രത്യേകതയും ഈ ചിത്രത്തിനുണ്ട്. തെലുങ്ക് സംവിധായകന്‍ ചന്ദ്രശേഖര്‍, പുലിമുരുകന്റെ സെറ്റിലെത്തിയാണു കഥ പറഞ്ഞതെന്നും കഥയില്‍ വിസ്മയം പൂണ്ട താന്‍ പടം ചെയ്യാന്‍ സമ്മതിക്കുകയായിരുന്നുവെന്നും മോഹന്‍ലാല്‍ പറഞ്ഞു. ചിത്രത്തിനു വിസ്മയം എന്ന പേര് താന്‍ നിര്‍ദേശിക്കുകയായിരുന്നു. മനുമന്ത എന്നാല്‍ നമ്മളൊന്നാണ് എന്നാണര്‍ഥം. നാലുകഥകളും ഒരു കഥയിലേക്കു മാറുന്ന സിനിമയായതിനാലാണ് വിസ്മയം എന്ന പേരിട്ടത്.
അന്യഭാഷയിലുള്ള ഇതിന്റെ ഡബ്ബിംഗും നിര്‍വ്വഹിച്ചത് താന്‍ തന്നെയാണ്. ഇതെല്ലാം ഒരു പ്രത്യേക ഇന്‍സിഡന്‍സായാണ് താന്‍ കാണുന്നത്. വളരെ പ്രയാസപ്പെട്ടാണ് അഭിനയം പൂര്‍ത്തിയാക്കിയിട്ടുള്ളത്. റോഡാണെങ്കിലും ചേരിയാണെങ്കിലും ലോക്കേഷന്‍ എല്ലാം തന്നെ യഥാര്‍ത്ഥ പശ്ചാത്തലത്തില്‍ നിന്നുള്ളതാണ്. പ്രാദേശികമായി സംസാരിക്കുന്ന തെലുങ്ക് ഭാഷയാണ് സിനിമയില്‍ ഉപയോഗിച്ചിരിക്കുന്നത്. 70 മണിക്കൂറിലേറെ സമയം ചെലവഴിച്ചാണ് ഡബ്ബിങ് പൂര്‍ത്തിയാക്കിയത്.
https://www.facebook.com/Malayalivartha
