കെ.പി.എ.സി ലളിത മണിരത്‌നത്തിന്റെ ചിത്രത്തില്‍ നഴ്‌സായി അഭിനയിച്ചു. ചെന്നൈയിലെ ചിത്രീകരണം പൂര്‍ത്തിയാക്കിയ ശേഷം കഴിഞ്ഞ ദിവസമാണ് ലളിത വടക്കാഞ്ചേരിയിലെ വീട്ടിയിലെത്തിയത്. കാറ്റ് വെളിയിടെ എന്നാണ് ചിത്രത്തിന്റെ പേര്്. കാര്‍ത്തിയും അതിഥിറാവുമാണ് ജോഡികള്‍. ഒരുപാട് ആര്‍ടിസ്റ്റുകള്‍ ഇല്ലാത്ത സിനിമയാണിതെന്ന് താരം പറഞ്ഞു. നാല് ദിവസത്തെ വര്‍ക്കിനാണ് ചെന്നൈയിലേക്ക് വിളിപ്പിച്ചത്, പക്ഷെ, തീര്‍ന്നപ്പോള്‍ എട്ട് ദിവസമായി. വടക്കാഞ്ചേരിയിലെ വീട്ടില്‍ മകന്‍ സിദ്ധാര്‍ത്ഥുമുണ്ട്. മണിരത്‌നത്തിന്റെ അലൈപായുതേയില്‍ മുമ്പ് അഭിനയിച്ചിട്ടുണ്ട്. കമലാഹാസനൊപ്പം രാജപാര്‍വെയിലും അജിത്തിനൊപ്പം കിരീടത്തിലും അഭിനയിച്ചു. ഫാസിലിന്റെ അനിയത്തിപ്രാവിന്റെ റീമേക്കിലും അഭിനയിച്ചു.
ചാക്കോച്ചന്‍ നിര്‍മിച്ച ഉദയായുടെ സിനിമയില്‍ അഭിനയിച്ചു. അടുത്തത് സിദ്ധിഖിന്റെ സിനിമയാണ്. കൊച്ചൗവ്വ പൗലോ അയ്യപ്പകൊയ്‌ലോ എന്നാണ് സിനിമയുടെ പേര് . ചുരുക്കത്തില്‍ കെ.പി.എ.സി എന്ന് പറയും. ആ സിനിമയില്‍ കെ.പി.എ.സി ലളിത അഭിനയിച്ചു. ഈ തിരക്കുകളുടെയെല്ലാം ഇടയില്‍ ഫിലിംചേമ്പര്‍ ഓഫ് കോമേഴ്‌സ് തിരുവനന്തപുരത്ത് സിനിമാ ജനപ്രതിനിധികള്‍ക്കും മറ്റ് ചലച്ചിത്രസ്ഥാപനങ്ങളിലെ ചെയര്‍മാന്‍മാര്‍ക്കും നല്‍കിയ സ്വീകരണത്തിലും പങ്കെടുത്തു. കാലിന്റെ വേദന പ്രശ്‌നമാണെങ്കിലും എല്ലാകാര്യത്തിനും ഓടിനടക്കുക ലളിതയുടെ ശീലമാണ്. തിരക്കുകളില്ലെങ്കില്‍ അമ്പലങ്ങളില്‍ പോകും. ഭാഗ്യലക്ഷ്മിയാണ് പ്രധാന കൂട്ടുകാരി. രണ്ടുപേരും ചേര്‍ന്ന് നിരവധി ക്ഷേത്രങ്ങളില്‍ പോയിട്ടുണ്ട്.
അലൈയ്പായുതേ കഴിഞ്ഞ് തമിഴില്‍ നിന്ന് നിരവധി ഓഫറുകള്‍ വന്നിരുന്നു. എന്നാല്‍ എറണാകുളത്ത് നിന്ന് മാറി നില്‍ക്കാന്‍ പറ്റാത്ത സാഹചര്യമായതിനാല്‍ ഒഴിവാക്കുകയായിരുന്നു. പുതിയ മണിരത്‌നം ചിത്രം ഇറങ്ങിക്കഴിഞ്ഞും. ഓഫറുകള്‍ വരുമെന്ന് താരം പറഞ്ഞു. എന്നാല്‍ സുഹാസിനി നിര്‍ബന്ധിച്ചത് കൊണ്ട് മാത്രമാണ് തമിഴിലേക്ക് പോയതെന്നും മറ്റ് ചിത്രങ്ങളില്‍ അഭിനയിക്കാന്‍ സാഹചര്യങ്ങള്‍ അനുവദിക്കുന്നില്ലെന്നും താരം പറഞ്ഞു.