സിനിമാക്കാരുടെ കരളെല്ലാം വാടിയോ? അനിയനു പുറമേ ജ്യേഷ്ഠനേയും കൊണ്ടു പോയത് കരള് തന്നെ
കരള് രോഗം മൂലം അകാലത്തില് പൊലിഞ്ഞ താരങ്ങളുടെ നീണ്ട നിര തന്നെയുണ്ട്. അടുത്ത കാലത്തെ മാത്രമെടുത്താല് രാജേഷ് പിള്ള, കലാഭവന് മണി, ടി.എ. ഷാഹിദ്... അങ്ങനെ നീളുന്ന ലിസ്റ്റില് അവസാനത്തേതാണ് പ്രശസ്ത തിരക്കഥാ കൃത്ത് ടി.എ. റസാഖും. സിനിമാക്കാരുടെ വഴിവിട്ട ജീവിതമാണ് പലപ്പോഴും ഇവരുടെ അകാലത്തിലെ മരണത്തിലെത്തിക്കുന്നത്.
മലയാള സിനിമയില് ഗ്രാമ്യഭാഷയില് കഥകള് പറഞ്ഞ തിരക്കഥാകൃത്തുക്കള് ആയിരുന്നു ടിഎ റസാഖും സഹോദരന് ടിഎ ഷാഹിദും. ആദ്യം ഷാഹിദ് ആണ് വിട പറഞ്ഞത്, ഇപ്പോഴിതാ റസാഖും. അതും താരതമ്യേന ചെറിയ പ്രായത്തില് തന്നെ. 2012 സെപ്തംബര് 28 നായിരുന്നു ടിഎ ഷാഹിദ് അന്തരിച്ചത്. അപ്പോള് അദ്ദേഹത്തിന്റെ പ്രായം വെറും 41 വയസ്സായിരുന്നു.
ബാലേട്ടന്, മാമ്പഴക്കാലം തുടങ്ങിയ സൂപ്പര് ഹിറ്റ് ചിത്രങ്ങളുടെ തിരക്കഥാകൃത്തായിരുന്നു ഷാഹിദ്. സ്വന്തമായി ഒരു സിനിമ സംവിധാനം ചെയ്യാനിരിക്കവേയായിരുന്നു അപ്രതീക്ഷിതമായി ഷാഹിദിനെ മരണം തട്ടിയെടുത്തത്. നാല് വര്ഷത്തിന് ശേഷം ഇപ്പോഴിതാ സഹോദരന് ടിഎ റസാഖിനേയും കരള് രോഗം ജീവിതത്തില് നിന്ന് തട്ടിയെടുത്തിരിക്കുന്നു. പ്രായം 58 വയസ്സ് മാത്രം.
പെരുമഴക്കാലം, രാപ്പകള്, ഉത്തമന്, കാണാക്കിനാവ് തുടങ്ങി ഒരുപിടി നല്ല ചിത്രങ്ങള് മലയാളിക്ക് സമ്മാനിച്ചാണ് റസാഖ് വിടപറഞ്ഞിരിക്കുന്നത്. ഷാഹിദിന് ശേഷം റസാഖും വിടവാങ്ങുമ്പോള് അത് ഒരു നാടിന്റെ തന്നെ നൊമ്പരമാവുകയാണ്. കൊണ്ടോട്ടിക്കാരുടെ സ്വന്തം ടിഎ ബ്രദേഴ്സ്.
https://www.facebook.com/Malayalivartha