ഒരു ബാലനടനായാണ് ബാബുരാജ് സിനിമയില്‍ അരങ്ങേറ്റം കുറിച്ചത് . മലയാളസിനിമയില്‍ 1993ല്‍ റിലീസ് ചെയ്ത 'ഭീഷ്മാചാര്യ' എന്ന ചലച്ചിത്രത്തിലൂടെയായിരുന്നു ബാബുരാജിന്റെ അരങ്ങേറ്റം. ഗോഡ്ഫാദര്‍ എന്ന മലയാളച്ചലച്ചിത്രത്തിന്റെ റീമേക്ക് ആയ 'ഹല്‍ചല്‍' എന്ന ഹിന്ദി ചിത്രത്തിലും ബാബുരാജ് വില്ലനായി ബാബുരാജ് അഭിനയിച്ചിട്ടുണ്ട്.വില്ലന്‍ വേഷങ്ങളിലൂടെയെത്തി കോമഡി റോളുകളിലൂടെ മലയാളിയുടെ മനസില്‍ സ്ഥാനം കണ്ടെത്തിയ അഭിനേതാവാണ് ബാബുരാജ്. 2011ല്‍ പുറത്തിറങ്ങിയ സോള്‍ട്ട് ആന്റ് പെപ്പര്‍ എന്ന സിനിമയില്‍ ബാബുരാജ് ശ്രദ്ധേയമായ വേഷത്തില്‍ അഭിനയിച്ചിരുന്നു. അതുവരെ വില്ലന്‍ കഥാപാത്രങ്ങളിലൂടെ മാത്രം കണ്ടിരുന്ന ബാബുരാജിന്റെ പുതിയ വേഷം മലയാളികള്‍ ഇരു കൈകളും നീട്ടിയാണ് സ്വീകരിച്ചത്.

2009ല്‍ സുരേഷ് ഗോപി നായകനായെത്തിയ ബ്ലാക്ക് ഡാലിയ എന്ന മലയാളചലച്ചിത്രത്തിലൂടെ ബാബുരാജ് ഒരു സംവിധായകന്‍ എന്ന നിലയിലും അരങ്ങേറ്റം കുറിച്ചു. പൃഥ്വിരാജ് പ്രധാനവേഷത്തിലെത്തുന്ന 'മനുഷ്യമൃഗം' എന്ന ചിത്രത്തിന്റെയും സംവിധായകന്‍ ബാബുരാജാണ്. ബാബുരാജിന്റെ ഭാര്യയായ വാണി വിശ്വനാഥായിരുന്നു ഈ ചലച്ചിത്രത്തിന്റെ നിര്‍മ്മാതാവ്.
മലയാള സിനിമയിലെ ആക്ഷന്‍ റാണിയായി തിളങ്ങി നിന്നിരുന്ന കാലത്ത് ഒരു മുന്‍ നിര നായക പരിവേഷമില്ലാതിരുന്ന ബാബുരാജിനെ വാണി വിശ്വനാഥ് വിവാഹം കഴിച്ചെന്ന വാര്‍ത്ത മലയാളികളെ ഞെട്ടിച്ചിരുന്നു.കൊലക്കേസില്‍ ബാബുരാജ് ജയിലില്‍ കിടന്നിട്ടുണ്ടെന്ന് അറിയാമായിരുന്നു. ലോ കോളജില്‍ പഠിക്കുമ്പോഴാണ് ബാബുരാജ് കേസില്‍പ്പെടുന്നത്. അദ്ദേഹത്തിന്റെ കൂട്ടുകാര്‍ ഒരു കൊലക്കേസില്‍പ്പെട്ടു, ബാബുവും അക്കൂടെ ഉണ്ടാകുമെന്ന ഊഹത്തില്‍ പോലീസ് അദ്ദേഹത്തെ പ്രതിയാക്കുകയായിരുന്നു. എല്‍എല്‍ബിക്ക് നല്ല മാര്‍ക്ക് വാങ്ങി ജയിച്ചത് ബാബുവേട്ടന് തുണയായെന്നും വാണി പറയുന്നു.
ഒരു പന്തായത്തിലൂടെയാണ് ഞങ്ങള്‍ തമ്മിലുള്ള ബന്ധം വളര്‍ന്നത്. ഒരു സിനിമയുടെ ഷൂട്ടിംഗിനിടെ ഞാനൊരു പാട്ടിന്റെ ചരണം ചൊല്ലി. അതിന്റെ പല്ലവി പറയാമോയെന്ന് ബാബുവേട്ടനോട് ചോദിച്ചു. പുള്ളിക്ക് അറിയില്ലെന്ന് കരുതിയാണ് ചോദിച്ചതെങ്കിലും ഉത്തരം അനായാസം പറഞ്ഞു. പിന്നീട് സൗഹൃദം പ്രേമത്തിലേക്ക് വഴിമാറാന്‍ അധികം വൈകിയില്ല.അവസരം ലഭിച്ചാല്‍ മലയാള സിനിമയിലേക്ക് ഉടന്‍ തിരിച്ചെത്തുമെന്നും വാണി പറഞ്ഞു.നാല് മലയാളം ചിത്രങ്ങളും ഒരു തമിഴ് ചിത്രവും ബാബുരാജ് നിര്‍മ്മിച്ചിട്ടുണ്ട്.