കെഎസ്ആര്ടിസി ഡ്രൈവറെ മര്ദിച്ചുവെന്ന ആരോപണത്തില് വിശദീകരണവുമായി മിത്ര
കെഎസ്ആര്ടിസി ഡ്രൈവറെയും ട്രാഫിക് കണ്ട്രോളിങ് ഇന്സ്പെക്ടറെയും നടി മിത്ര കുര്യന് മര്ദിച്ച സംഭവത്തില് കഥകള് മാറിമറിയുന്നു. കെഎസ്ആര്ടിസി ഡ്രൈവറെയും ട്രാഫിക് കണ്ട്രോളിങ് ഇന്സ്പെക്ടറെയും താന് മര്ദ്ദിച്ചുവെന്ന പരാതി അടിസ്ഥാന രഹിതമെന്ന് മിത്രാ കുര്യന് പ്രതികരിച്ചു. ഞായറാഴ്ച വൈകിട്ട് 4.30ന് പെരുമ്പാവൂര് സ്റ്റാന്ഡിലാണ് സംഭവം. ബസ് സ്റ്റാന്ഡില് അതിക്രമിച്ച് കയറി മര്ദിച്ചതായാണ് പരാതി.
തന്റെ കാറുമായി ഉരസിയ കെഎസ്ആര്ടിസി ബസ്, അപകടം നടന്നിട്ടും നിര്ത്താതെ അമിത വേഗത്തില് പാഞ്ഞുപോയതിനെ ചോദ്യം ചെയ്യുക മാത്രമാണ് ചെയ്തതെന്നും ഇതേക്കുറിച്ച് പരാതി പറയാന് ഡിപ്പോയില് എത്തിയതെന്നും മിത്രാ കുര്യന് പറയുന്നു. കാറില് ബസ് തട്ടിയത് ചോദിക്കാന് ചെന്ന തന്നോട് ജീവനക്കാര് അപമര്യാദയായി പെരുമാറിയെന്നാണ് മിത്രയുടെ വിശദീകരണം.
ബസ് സ്റ്റാന്ഡില് പരാതി നല്കാന് വേണ്ടിയാണ് ചെന്നത്. എന്നാല് അവിടെ ചെന്നപ്പോള് കുറെ ആളുകള് പ്രശ്നമുണ്ടാക്കാന്വേണ്ടി തന്നെ വരുകയായിരുന്നു. ഇവര് വണ്ടിയുടെ താക്കോലും ഊരിയെടുക്കുക ഉണ്ടായി. നമ്മുടെ പരാതി അവര് കേള്ക്കാന് പോലും തയാറാകുന്നില്ലായിരുന്നു. എനിക്കെതിരെ ഇവര് ഉന്നയിച്ചിരിക്കുന്ന ആരോപണം അടിസ്ഥാനരഹിതമാണ്. മിത്ര കുര്യന് പറയുന്നു.
എന്നാല് മിത്ര സ്റ്റാന്ഡില് കയറി െ്രെഡവര് എ രാമദാസിനെയും തടയാന് ചെന്ന കണ്ട്രോളിങ് ഇന്സ്പെക്ടര് എ.എ വിജയനെയും മര്ദിച്ചെന്നാണ് കെഎസ്ആര്ടിസി അധികൃതര് പൊലീസില് നല്കിയ പരാതിയില് പറയുന്നത്. നടിയുടെ മര്ദനത്തില് പരുക്കേറ്റ ഡ്രൈവര് എ രാമദാസും കണ്ട്രോളിംഗ് ഇന്സ്പെക്ടര് എ.എ വിജയനും ആശുപത്രിയില് ചികിത്സ തേടിയിട്ടുണ്ട്. സ്റ്റാന്ഡിനകത്ത് മറ്റുവാഹനങ്ങള്ക്ക് പ്രവേശനമില്ലെന്നിരിക്കെ അതിക്രമിച്ച് കയറുകയും പെട്രോള് പമ്പിന് സമീപം കാര് നിര്ത്തി മിത്ര അസഭ്യം പറഞ്ഞെന്നും പരാതിയിലുണ്ട്.
https://www.facebook.com/Malayalivartha
