നടി സബര്‍ണയുടെ കാമുകന്‍ ബോളിവുഡിലെ പ്രമുഖ യുവനടനെന്ന് സൂചന. സബര്‍ണ മുംബൈലേക്ക് പോയതിനു പിന്നില്‍ ഈ യുവനടനാണെന്നും അഭ്യൂദമുണ്ട്. യുവ നടനെ അന്വേഷണ ഉദ്യോഗസ്ഥര്‍ ചോദ്യം ചെയ്യുമെന്ന് ഉന്നത ഉദ്യോഗസ്ഥരെ ഉദ്ദരിച്ച് മാധ്യമങ്ങള്‍ റിപ്പോര്‍ട്ട് ചെയ്യുന്നു. ബോളിവുഡ് സിനിമയില്‍ അഭിനയിക്കാനുള്ള മോഹവുമായി സബര്‍ണ മുംബൈയില്‍ പോയിരുന്നു. ഇതിനു പ്രേരകമായത് ഈ നടനാണെന്നാണ് ഡയറി കുറുപ്പുകളില്‍ പറയുന്നത്. ഇതാണ് യുവനടനെ ചോദ്യം ചെയ്യാന്‍ പോലീസിനെ പ്രേരിപ്പിക്കുന്നത്. എന്നാല്‍ മുംബൈയിലെത്തിയ സബര്‍ണ ഈ യുവ നടന്റെ ദുര്‍നടപ്പുകളില്‍ മാനസികമായി തളര്‍ന്നിരുന്നെന്നും സുഹൃത്തുക്കള്‍ പറയുന്നു. ഇവരെയും പൊലീസ് ചോദ്യം ചെയ്യുന്നുണ്ട്.
മുംബൈയില്‍ നിന്ന് തിരിച്ചെത്തിയ സബര്‍ണ പിന്നീട് ഫ്‌ലാറ്റില്‍ നിന്നും പുറത്തിറങ്ങിയില്ല. തന്നെ ചതിച്ച യുവനടനെതിരെ വഞ്ചനാകേസ് കൊടുക്കാനും നടി തീരുമാനിച്ചിരുന്നതായി ഡയറി കുറുപ്പുകളില്‍ പറയുന്നുണ്ട്.
ആത്മഹത്യക്ക് തൊട്ടുമുന്‍പുള്ള ദിവസങ്ങളില്‍ നടി കടുത്ത മാനസിക സമ്മര്‍ദ്ദത്തിന് അടിമയായിരുന്നെന്നും കഴിഞ്ഞദിവസങ്ങളില്‍ സുഹൃത്തുക്കളെ ഉദ്ധ്യരിച്ച് മാദ്ധ്യമങ്ങള്‍ റിപ്പോര്‍ട്ട് ചെയ്തിരുന്നു. താമസിക്കുന്ന വീടിന്റെ വാടക കൊടുക്കാന്‍ പോലും കഴിയാത്ത സാമ്പത്തിക പ്രശ്‌നം താരം നേരിട്ടിരുന്നു. വീട്ടില്‍ നിന്ന് ലഭിച്ച ഡയറിയിലും സാമ്പത്തിക പ്രശ്‌നങ്ങളെക്കുറിച്ച് നടി പറഞ്ഞതായി സുഹൃത്തുക്കള്‍ മൊഴി നല്‍കിയിരുന്നു.
'സൈക്കോളജി ബിരുദധാരിയാണ് സബര്‍ണ. തീരുമാനങ്ങള്‍ കൃത്യതയോടെ എടുക്കാറുള്ള സബര്‍ണയക്ക് കുടുംബപരമായി യാതൊരു പ്രശ്‌നങ്ങളുമില്ലന്ന് പോലീസ് പറയുന്നു. സബര്‍ണ ഒരിക്കലും ആത്മഹത്യ ചെയ്യില്ല. മരണത്തില്‍ സംശയമുണ്ടെന്ന് സബര്‍ണയുടെ പിതാവ് പറയുന്നു. പൂര്‍ണ നഗ്‌നയായിട്ടാണ് സബര്‍ണയുടെ മൃതദേഹം പൊലീസ് കണ്ടെത്തിയത്. സബര്‍ണയുടെ മുറിയില്‍ നാലു പേര്‍ വന്ന പോയതായും വിവരങ്ങള്‍ ലഭിച്ചിട്ടുണ്ട്. മൃതദേഹത്തില്‍ മുറിവുകള്‍ ഉള്ളതായും കണ്ടെത്തിയിരുന്നു.
സണ്‍ ടിവിയിലെ ഹിറ്റ് സീരിയലായ പസമലര്‍ അടക്കം നിരവധി സീരിയലുകളില്‍ ശ്രദ്ധേയ വേഷം അഭിനയിച്ച നടിയാണ് സബര്‍ണ. വിജയ് ടിവിയുടെ പുതു കവിതെ അടക്കം നിരവധി ഷോകളും അവര്‍ ചെയ്തിട്ടുണ്ട്. മഴവില്‍ മനോരമയിലെ മായാമോഹിനി എന്ന സീരിയലില്‍ നായികയായി അഭിനയിച്ചിട്ടുണ്ട്. ചെന്നൈയിലെ വീട്ടില്‍ സബര്‍ണ്ണ ഒറ്റയ്ക്കായിരുന്നു താമസിച്ചിരുന്നത്. സബര്‍ണ്മയുടെ അച്ഛന്‍ അനന്ദ് കുമാറും അമ്മ പുഷ്പ ലതയും സഹോദരനും വിരുഗംബാക്കത്താണ് താമസം