മേടം രാശി (അശ്വതി, ഭരണി, കാർത്തിക ആദ്യ കാൽഭാഗം): സമൂഹത്തിൽ മാന്യതയും പ്രശസ്തിയും വർദ്ധിക്കുന്ന ദിവസമാണിത്. സംസാരത്തിലെ ചാതുര്യം വഴി മറ്റുള്ളവരുടെ ആദരവ് നേടിയെടുക്കാൻ സാധിക്കും. വലിയ വികസന പദ്ധതികളുടെ ആസൂത്രണ സംഘത്തിൽ ഉൾപ്പെടാൻ അവസരം ലഭിക്കുന്നത് വലിയ സന്തോഷം നൽകും. ബന്ധുക്കളുടെ സമാഗമവും പ്രതീക്ഷിക്കാം.

ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം): ആരോഗ്യ കാര്യങ്ങളിൽ അതീവ ജാഗ്രത പാലിക്കേണ്ട ദിവസമാണിത്. ഉദര സംബന്ധമായോ ശ്വാസകോശ സംബന്ധമായോ ഉള്ള ബുദ്ധിമുട്ടുകൾ അലട്ടാൻ ഇടയുണ്ട്. കുടുംബ പ്രശ്നങ്ങൾ രൂക്ഷമാകാതെ നോക്കണം. അനാവശ്യ തർക്കങ്ങൾ ഒഴിവാക്കുന്നത് സമാധാനം നിലനിർത്താൻ സഹായിക്കും.

മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം): ദീർഘകാലമായി ജോലി അന്വേഷിക്കുന്നവർക്ക് അർഹമായ തൊഴിൽ ലഭിക്കുന്ന ശുഭദിനമാണിത്. തൊഴിൽ രംഗത്ത് മികച്ച വിജയം കൈവരിക്കാൻ സാധിക്കും. കുടുംബപരമായി വലിയ സന്തോഷവും സമാധാനവും അനുഭവപ്പെടും.

കർക്കിടകം രാശി (പുണർതം അവസാന കാൽഭാഗം, പൂയം, ആയില്യം): പുതിയ ബന്ധങ്ങളിൽ ഏർപ്പെടുമ്പോൾ വളരെയധികം ജാഗ്രത പാലിക്കണം. ധനനഷ്ടത്തിനും അനാവശ്യമായ അപവാദങ്ങൾക്കും സാധ്യതയുള്ളതിനാൽ വ്യക്തിപരമായ കാര്യങ്ങളിൽ സംയമനം പാലിക്കുന്നത് നന്നായിരിക്കും. അനാവശ്യമായ ഇടപെടലുകൾ ഒഴിവാക്കുക.

ചിങ്ങം രാശി (മകം, പൂരം, ഉത്രം ആദ്യ കാൽഭാഗം): വ്യക്തിജീവിതത്തിലെ മനോസങ്കർഷങ്ങൾ മാറി മനസ്സിന് ശാന്തത ലഭിക്കും. ദമ്പതികൾക്കിടയിൽ പരസ്പര വിശ്വാസവും ഐക്യവും വർദ്ധിക്കും.  ബിസിനസ്സ്   രംഗത്ത് പ്രവർത്തിക്കുന്നവർക്ക് പുതിയ സുവർണ്ണ അവസരങ്ങൾ തേടിയെത്തും.

കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം): സഹപ്രവർത്തകരുടെ പൂർണ്ണ സഹകരണം ലഭിക്കുന്നതിനാൽ ഏറ്റെടുത്ത കാര്യങ്ങൾ സമയബന്ധിതമായി പൂർത്തിയാക്കാൻ സാധിക്കും. രോഗങ്ങളിൽ നിന്ന് ശമനവും ശത്രുദോഷങ്ങളിൽ നിന്ന് ആശ്വാസവും ലഭിക്കും. സാമ്പത്തിക നേട്ടവും തൊഴിൽ വിജയവും ഈ ദിവസത്തിന്റെ സവിശേഷതകളാണ്.

തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം): ശാരീരികമായ ക്ഷീണവും ആരോഗ്യ പ്രശ്നങ്ങളും നേരിടാൻ സാധ്യതയുണ്ട്. ഭക്ഷണ സുഖക്കുറവും മനഃസ്വസ്ഥത കുറയുന്ന സാഹചര്യങ്ങളും ഉണ്ടായേക്കാം. ശത്രുക്കളിൽ നിന്നുള്ള ദോഷാനുഭവങ്ങൾ ഉണ്ടാകാതെ പ്രത്യേകം ശ്രദ്ധിക്കണം.

വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട): ഭക്ഷണ കാര്യങ്ങളിൽ വളരെയധികം ശ്രദ്ധിക്കണം; ഭക്ഷണവിഷബാധയ്ക്ക് സാധ്യത കാണുന്നു. ശത്രുഭയവും നിയമപരമായ തർക്കങ്ങളിൽ തിരിച്ചടികളും നേരിടാൻ ഇടയുണ്ട്. ബന്ധുക്കളുമായി അഭിപ്രായവ്യത്യാസങ്ങൾ ഉണ്ടാകാതെ നോക്കുന്നത് മനഃസമാധാനം നിലനിർത്താൻ സഹായിക്കും.

ധനു രാശി (മൂലം, പൂരാടം, ഉത്രാടം ആദ്യ കാൽഭാഗം): കലാ, സാംസ്കാരിക, രാഷ്ട്രീയ മേഖലകളിൽ പ്രവർത്തിക്കുന്നവർക്ക് പ്രശസ്തിയും സാമ്പത്തിക നേട്ടവും ഉണ്ടാകുന്ന ദിവസമാണിത്. തൊഴിൽരഹിതർക്ക് മികച്ച തൊഴിലവസരങ്ങൾ ലഭിക്കും. പൊതുരംഗത്ത് സജീവമായി ഇടപെടാൻ സാധിക്കും.

മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം): സമൂഹത്തിൽ മാന്യതയും അംഗീകാരവും ലഭിക്കും. കുടുംബത്തിൽ നിന്ന് ഗുണാനുഭവങ്ങൾ ഉണ്ടാകാൻ സാധ്യതയുണ്ട്. രോഗങ്ങളിൽ നിന്ന് മോചനവും സാമ്പത്തിക നേട്ടവും ഈ രാശിക്കാർക്ക് ഇന്ന് അനുകൂലമായി ഭവിക്കും.

കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം): ആരോഗ്യകാര്യത്തിൽ അതീവ ജാഗ്രത വേണം. പുറത്തുനിന്നുള്ള ഭക്ഷണം കഴിക്കുമ്പോൾ ശ്രദ്ധിക്കുക. നിയമപരമായ കാര്യങ്ങളിൽ പരാജയപ്പെടാൻ സാധ്യതയുള്ളതിനാൽ വിവേകത്തോടെ പ്രവർത്തിക്കുക. ബന്ധുക്കളുമായുള്ള ബന്ധം വഷളാകാതെ നോക്കണം.

മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി): മനസ്സിന് ഭയമോ ആശങ്കയോ ഉണ്ടാക്കുന്ന സാഹചര്യങ്ങൾ നേരിടേണ്ടി വന്നേക്കാം. കാര്യതടസ്സങ്ങളും സാമ്പത്തിക പ്രയാസങ്ങളും അനുഭവപ്പെട്ടേക്കാം. മനഃസ്വസ്ഥത കുറയാൻ ഇടയുള്ളതിനാൽ പ്രാർത്ഥനകളിലും ധ്യാനത്തിലും സമയം ചെലവഴിക്കുന്നത് ഉചിതമായിരിക്കും.