ജീവിതം സാക്ഷി... ഒന്നിക്കാമെന്ന് പ്രതീക്ഷയോടെ വന്ന ചേട്ടന്മാരുടെ അവിഹിതം പുറത്തുവിട്ട് നാണം കെടുത്തി; പരിപാടി ചുരുട്ടിക്കെട്ടുന്നതിങ്ങനെ
നടി ഉര്വശി അവതാരകയായെത്തിയ ജീവിതം സാക്ഷിയെന്ന റിയാലിറ്റി ഷോയ്ക്ക് പിടിവീഴുന്നു. കൈരളി ചാനല് പരിപാടിയില് സംസ്ക്കാരശൂന്യമായി പെരുമാറിയെന്ന പരാതിയില് നടി ഉര്വശിക്കും അവര് പരിപാടി നടത്തുന്ന ചാനലിനും മനുഷ്യാവകാശ കമ്മീഷന് നോട്ടീസയച്ചു. ആണുങ്ങളെ പെണ്ണുങ്ങളെപ്പോലെ കരയിപ്പിക്കുന്ന ഈ പരിപാടി ഏറെ വിമര്ശനം ക്ഷണിച്ചു വരുത്തി.
ന്യായാധിപന്മാരുടെ സാന്നിദ്ധ്യത്തില് ഉര്വശി അവതാരക ആയുള്ള പരിപാടിയില് നടി പുരുഷന്മാരോട് മോശമായി പെരുമാറിയെന്നാണ് ആരോപണം. കമ്മീഷന് ആക്ടിംഗ് ചെയര്മാന് പി മോഹന്ദാസ് സംസ്ഥാന ലീഗല് സര്വീസസ് അതോറിറ്റിയില് നിന്നുമാണ് വിശദീകരണം ആവശ്യപ്പെട്ടിട്ടുള്ളത്.
ഒരു മാസത്തിനകം വിശദീകരണം നല്കണമെന്നതാണ് നോട്ടീസ്. കേരള സമൂഹത്തിലെ ദാമ്പത്യ പ്രശ്നങ്ങളെ കുറിച്ച് സംസാരിക്കുകയും പരിഹാരം നിര്ദേശിക്കുകയും ചെയ്യുന്ന പരിപാടിയിലാണ് ഉര്വ്വശി അവതാരകയാകുന്നത്. പരിപാടിയില് ഉര്വ്വശി പുരുഷന്മാരോട് മോശമായി പെരുമാറുന്നു എന്നതാണ് പരാതി. പരിപാിടയില് പങ്കെടുത്തവര് പ്രശ്നങ്ങള് ചര്ച്ച ചെയ്യുന്നതിനിടയില് ഉര്വ്വശി മോശമായി പ്രതികരിക്കുകയും ക്ഷോഭിച്ച് സംസ്ക്കാര ശൂന്യമായി സംസാരിക്കുകയും ചെയ്തെന്ന് പരാതിയില് പറയുന്നു. അടുത്ത മാസം ഒമ്പതിന് കേസ് പരിഗണിക്കും.
കൈരളി ടിവിയിലാണ് ദാമ്പത്യജീവിതത്തിലെ പ്രശ്നങ്ങള് കൈകാര്യം ചെയ്യുന്ന പരിപാടി സംപ്രേക്ഷണം ചെയ്തിരുന്നത്. സാമ്പത്തികമായി പിന്നോക്കം നില്ക്കുന്ന കുടുംബങ്ങളിലെ പ്രശ്നങ്ങള് വിരമിച്ച ജഡ്ജിമാരുടെ സാന്നിധ്യത്തില് പരിഹരിക്കാന് ശ്രമിക്കുന്നതായിരുന്നു പരിപാടിയുടെ രീതി. കേരള ലീഗല് സര്വീസ് അതോറിറ്റിയായിരുന്നു പരിപാടിക്ക് നിയമസഹായം നല്കിയിരുന്നത്. എന്നാല്, ഒരു കുടുംബത്തിലെയും പ്രശ്നങ്ങള് തീര്ന്നില്ലെന്ന് മാത്രമല്ല, കൂടുതല് വഷളാകുകയും ചെയ്തു. സാമ്പത്തികമായി പിന്നോക്കം നില്ക്കുന്ന കുടുംബങ്ങളിലെ പ്രശ്നങ്ങള് പ്രേക്ഷകരെ പിടിച്ചിരുത്തുംപോലെയായിരുന്നു സംപ്രേക്ഷം ചെയ്തിരുന്നത്.
ഉര്വശിയുടെ അവതരണത്തില് മുന്നേറിയിരുന്ന പരിപാടി റേറ്റിംഗിലും മുന്നിലായിരുന്നു. പരപുരുഷ ബന്ധവും ലൈംഗികപ്രശ്നങ്ങളെയും ഒരു മറയുമില്ലാതെ അവതരിപ്പിച്ചിരുന്ന പരിപാടിക്കെതിരേ നേരത്തെയും പരാതി ഉയര്ന്നിരുന്നു. ഇത്തരത്തില് പരിപാടിയില് വിളിച്ചുവരുത്തി അപമാനിതനായ യുവാവാണ് ആദ്യം പരാതിയുമായി രംഗത്തെത്തിയത്. പരിപാടിക്കിടെ യുവാവിന് തൊട്ടടുത്ത വീട്ടിലെ സ്ത്രീയുമായി അവിഹിതബന്ധമുണ്ടെന്നും മറ്റും വെളിപ്പെടുത്തല് ഉണ്ടായി. ഇതോടെ യുവാവിന് നാട്ടില് നില്ക്കത്തില്ലാത്ത അവസ്ഥയും ഉണ്ടായി.
വീട്ടിലും നാട്ടിലും മോശക്കാരനായി മാറിയതോടെ മനുഷ്യാവകാശ കമ്മീഷനെ സമീപിക്കാന് ഇയാള് തീരുമാനിക്കുകയായിരുന്നു. ഇതിനു തൊട്ടുപിന്നാലെ ചില മനുഷ്യാവകാശപ്രവര്ത്തകരും പരാതിയുമായെത്തി. റോയല് കവടിയാര് പ്രൊട്ടക്ഷന് ഫോറം പ്രസിഡന്റ് ഷെഫിന് നല്കിയ പരാതിയിലാണ് ഇപ്പോഴത്തെ നടപടി. ഈ പരാതികളിലാണ് മനുഷ്യാവകാശ കമ്മീഷന് വിശദീകരണം തേടിയത്.
https://www.facebook.com/Malayalivartha
