കാവ്യാ മാധവനെ കുറിച്ചുള്ള വെളിപ്പെടുത്തലുമായി താരത്തിന്റെ ആദ്യഭര്‍ത്താവിന്റെ അമ്മ. ഏറെ കൊട്ടിഘോഷിച്ച് നടത്തിയ കാവ്യനിഷാല്‍ വിവാഹം തകരാന്‍ കാരണം ദിലീപുമായി കാവ്യക്കുണ്ടായിരുന്ന ബന്ധമായിരുന്നുവെന്നും കാവ്യയ്ക്ക് വിവാഹം കഴിക്കാന്‍ താല്‍പര്യമുണ്ടായിരുന്നില്ലെന്നും നിഷാലിന്റെ അമ്മ മാധ്യമ പ്രവര്‍ത്തകനോട് വെളിപ്പെടുത്തുന്ന ഓഡിയോ പുറത്തു വന്നു. ഒരു പ്രമുഖ ഓണ്‍ലൈന്‍ പത്രംമാണ് ഇക്കാര്യം റിപ്പോര്‍ട്ട് ചെയ്തത്.

കാവ്യയുടെ മുന്‍ഭര്‍ത്താവായിരുന്ന നിഷാല്‍ ചന്ദ്രയെ വധിക്കാന്‍ ദിലീപ് ക്വട്ടേഷന്‍ കൊടുത്തതായും ഓഡിയോയില്‍ പറയുന്നുണ്ട്. കൊച്ചിയിലുള്ള ഒരു സംഘത്തിനെ വെച്ച് നിഷാലിനെ വകവരുത്താനായിരുന്നു ദിലീപിന്റെ പദ്ധതിയെന്നും പുറത്തുവന്ന ഓഡിയോയില്‍ പറയുന്നുണ്ട്.

കൂടാതെ നിഷാലിനെ ലഹരി മരുന്നുകള്‍ക്ക് അടിമയാണെന്ന് അപകീര്‍ത്തിപ്പെടുത്തിയത് കാവ്യയുടെ അമ്മയാണെന്നും ചില ഓണ്‍ലൈന്‍ മാധ്യമങ്ങള്‍ പുറത്തു വിട്ട ഓഡിയോയില്‍ പറയുന്നു. കാവ്യാ-നിഷാല്‍ വിവാഹ മോചനത്തിനു ശേഷം റെക്കോര്‍ഡ് ചെയ്ത ഓഡിയോയാണ് ഇപ്പോള്‍ പുറത്തുവന്നിരിക്കുന്നത്.

കാവ്യാ മാധവന്‍ ആദ്യ വിവാഹത്തിന് മൂന്നുദിവസം മുമ്ബ് ആത്മഹത്യക്ക് ശ്രമിച്ചതായും വെളിപ്പെടുത്തലുണ്ട്. കാവ്യയ്‌ക്കെതിരെ രൂക്ഷമായ രീതിയിലാണ് ഓഡിയോയിലെ ശബ്ദത്തിനുടമകള്‍ സംസാരിക്കുന്നത്. പബ്ലിസിറ്റിക്ക് വേണ്ടിയാണ് കാവ്യയുടെ അമ്മ മാധ്യമങ്ങളില്‍ നിഷാലിനെ കുറിച്ച് മോശമായി എഴുതിപ്പിച്ചതെന്നും ഇന്റര്‍വ്യു ചെയ്ത മാധ്യമപ്രവര്‍ത്തകര്‍ തന്നെയാണ് ഇക്കാര്യം വെളിപ്പെടുത്തിയതെന്നും ഓഡിയോയില്‍ പറയുന്നു.

'എന്റെ മകനെ കൊല്ലാന്‍ ക്വട്ടേഷന്‍ കൊടുത്തയാളാണ് ദിലീപ്. ഇതാണ് ദിലീപ് എന്ന് അറിയണം' നിഷാലിന്റെ അമ്മ ഓഡിയോയില്‍ വ്യക്തമാക്കുന്നു. ദിലീപും കാവ്യാ മാധവനും ചേര്‍ന്നാണ് കളിക്കുന്നത് മുഴുവന്‍. വിവാഹം കഴിച്ച് ഭര്‍തൃവീട്ടിലെത്തിയപ്പോള്‍ തന്റെ ഇഷ്ടപ്രകാരമല്ല വിവാഹം കഴിച്ചത് എന്നും കാവ്യ പറഞ്ഞിരുന്നു.

വിവാഹശേഷവും കാവ്യയ്ക്ക് ദിലീപിന്റെ ഫോണ്‍ കോളുകള്‍ സ്ഥിരമായി വരാറുണ്ടായിരുന്നു. കാവ്യാനിഷാല്‍ വിവാഹത്തിന് മഞ്ജുവും മകളും മാത്രമാണ് വന്നത്, ദിലീപ് വന്നില്ല, അന്ന് ദിലീപ് കോട്ടയത്തായിരുന്നുവെന്നും നിഷാലിന്റെ അമ്മ പറയുന്നുണ്ട്. കൂടാതെ കാവ്യയ്ക്ക് എല്ലാ കാര്യങ്ങള്‍ക്കും കൂട്ടായി നിന്നത് മുന്‍ ചലച്ചിത്രതാരം സുജ കാര്‍ത്തികയായിരുന്നുവെന്നും ഇവര്‍ മൂന്നുപേരും ചേര്‍ന്നാണ് സകല കളികളും കളിക്കുന്നതെന്നും നിഷാലിന്റെ അമ്മ വെളിപ്പെടുത്തുന്നു.

അതേസമയം നിഷാല്‍ വിവാഹ മോചിതനായ കാര്യം അറിഞ്ഞ് കലാരഞ്ജിനിയും മേനകാ സുരേഷും ഉള്‍പ്പടെ ചലച്ചിത്ര താരങ്ങളില്‍ പലരും വിളിച്ചിരുന്നുവെന്നും നിങ്ങള്‍ക്ക് പറ്റിയ ബന്ധമല്ല ഇതെന്ന് നേരത്തെ മുന്നറിയിപ്പ് തന്നിരുന്നതല്ലേ, നിഷാല്‍ രക്ഷപ്പെട്ടെന്ന് കരുതിയാല്‍ മതിയെന്ന് പറഞ്ഞ് സമാധാനിപ്പിക്കുകയും ചെയ്തതെന്നും അവര്‍ പറയുന്നു.

പ്രണയിച്ചിട്ടുണ്ടോ എന്നാണത്രെ കാവ്യ നിഷാലിനോട് ആദ്യം ചോദിച്ചത്. കാവ്യയുടെ അമ്മയ്ക്ക് അറിയേണ്ടിയിരുന്നത് നിഷാലിന് പാചകം അറിയുമോ എന്നായിരുന്നു. വളരെ മോശം വ്യക്തിയാണ് കാവ്യ എന്ന് നിഷാല്‍ പിന്നീട് അമ്മയോട് വെളിപ്പെടുത്തിയിരുന്നുവെന്നും എന്നാല്‍ ആദ്യം എല്ലാം മറ്റുള്ളവരില്‍ നിന്നും മറച്ചു വെച്ച് മുന്നോട്ട് പോവുകയായിരുന്നുവെന്നും ഓഡിയോയില്‍ പറയുന്നു. അതേസമയം ഓഡിയോ നിഷാലിന്റെ അമ്മയുടേത് തന്നെയാണോ എന്ന കാര്യത്തിലും വ്യക്തതയില്ല.