ചുരുങ്ങിയ കാലം കൊണ്ട് പ്രേക്ഷകരുടെ മനം കീഴടക്കിയ മോനിഷ വിടപറഞ്ഞിട്ട് ഇരുപത്തിനാല് വര്ഷം,
മോനിഷ വിടപറഞ്ഞിട്ട് ഇന്നേക്ക് ഇരുപത്തിനാല് വര്ഷം. മോനിഷ ചുരുങ്ങിയ കാലം കൊണ്ട് അഭിനയിച്ച് തീര്ത്ത ചിത്രങ്ങളിലൂടെ പ്രേക്ഷകരുടെ മനസ്സു കീഴടക്കി. മോനിഷയുടെ ഓര്മകള് വര്ഷങ്ങള്ക്കിപ്പുറവും ആരാധക മനസ്സില് മങ്ങാതെ നില്ക്കുന്നു. പതിനഞ്ചാം വയസില് അഭിനയിച്ച ആദ്യ ചിത്രം നഖക്ഷതങ്ങളിലൂടെ മികച്ച നടിയ്ക്കുള്ള ദേശീയ പുരസ്കാരം നേടിയിരുന്നു നഖക്ഷതങ്ങളിലൂടെയാണ് മോനിഷ മലയാള സിനിമയിലേക്ക് രംഗപ്രവേശനം നടത്തിയത്.
പെരുന്തച്ചനും, കമലദളവുംതുടങ്ങി ഇരുപത്തഞ്ചോളം ചിത്രങ്ങളില് വേഷമിട്ട മോനിഷ മലയാളത്തിന്റെ സ്നേഹം ഏറ്റുവാങ്ങി. മോനിഷ 6 വര്ഷത്തെ സിനിമാ ജീവിതത്തിലൂടെ പ്രേക്ഷകരുടെ സ്ഥിരപ്രതിഷ്ഠ നേടി.
കോഴിക്കോട് ജില്ലിയിലെ പന്നിയങ്കരയിലാണ് മോനിഷ ഉണ്ണി ജനിച്ചത്. ചെറുപ്പകാലം മുതല് തന്നെ നൃത്തത്തില് അതീവ പ്രാവണ്യം നേടിയ മോനിഷയ്ക്ക് സിനിമയിലേയ്ക്കുള്ള വഴി തുറന്നതും നൃത്തത്തിലൂടെയായിരുന്നു. വാഹനപകടത്തിന്റെ രൂപത്തില് മരണം മോനിഷയെ കീഴ്പ്പെടുത്തിയപ്പോള് മലയാളത്തിലെ ഏറ്റവും തിരക്കേറിയ നായികമാരില് ഒരാളായി അവര് വളര്ന്നിരുന്നു.
1992 ല് മോനിഷയുടെ പിറന്നാള് ദിനമായ ഡിസംബര് അഞ്ചിന് ചെപ്പടിവിദ്യ എന്ന സിനിമയുടെ ചിത്രീകരണത്തിനായുള്ള യാത്രയില് ആലപ്പുഴയ്്ക്ക് അടുത്ത് ചേര്ത്തലയില് വെച്ചായിരുന്നു ആ അപകടം. അത് കൊണ്ട് തന്നെയാണ് അപകടം നടന്ന എക്സറെ കവല എന്ന സ്ഥലത്തെ മോനിഷക്കവല എന്ന് വിളിക്കുന്നത്.
https://www.facebook.com/Malayalivartha
