ശരീരഭാരം കൂടുന്നുണ്ടോ...!, എന്നാല്‍ അതിനു കാരണം ഈ പ്രശ്‌നങ്ങളാകാം, ഭക്ഷണക്രമത്തിലും ജീവിതശൈലിയിലും ലളിതമായ ഈ മാറ്റങ്ങള്‍ വരുത്തി നോക്കൂ
എന്തെല്ലാം മാര്‍ഗങ്ങള്‍ പരീക്ഷിച്ചിട്ടും ശരീരഭാരം കൂടുന്നതല്ലാതെ കുറയുന്നില്ല എന്ന പരാതിയാണ് പലര്‍ക്കുമുള്ളത്. ഇത്തരത്തില്‍ പെട്ടെന്ന് ശരീര ഭാരം കൂടുന്നുണ്ടെങ്കില്‍ നിങ്ങളുടെ ഭക്ഷണക്രമത്തിലും ജീവിതശൈലിയിലും ലളിതമായ മാറ്റങ്ങള്‍ വരുത്തേണ്ടതുണ്ട്. ശരീരഭാരം നിര്‍ണയിക്കുന്നതിന് പിന്നില്‍ ശാരീരിക പ്രവര്‍ത്തനങ്ങള്‍, സമ്മര്‍ദ്ദ നില, ഉറക്ക രീതി എന്നിവ ഉള്‍പ്പെടെ നിരവധി ഘടകങ്ങളുണ്ട്. ആരോഗ്യവുമായി ബന്ധപ്പെട്ട ചില കാര്യങ്ങളെ കുറിച്ച് അറിയാം.
* ഉറക്കമില്ലായ്മ
നിങ്ങളുടെ ഉറക്ക രീതി പലവിധത്തില്‍ നിങ്ങളുടെ മൊത്തത്തിലുള്ള ആരോഗ്യവുമായി ബന്ധപ്പെട്ടിരിക്കുന്നു. ഇത് നിങ്ങളുടെ ശരീരത്തെയും സ്വാധീനിക്കും. ആരോഗ്യ വിദഗ്ധരുടെ അഭിപ്രായത്തില്‍, ഉറക്കക്കുറവുള്ള ആളുകള്‍ അവരുടെ ഊര്‍ജ ആവശ്യങ്ങള്‍ നിറവേറ്റുന്നതിനായി കൂടുതല്‍ കലോറി കഴിക്കുന്നു. ഇത് ശരീര ഭാരം വര്‍ദ്ധിപ്പിക്കും.
* സമ്മര്‍ദ്ദം
അനിയന്ത്രിതമായ സമ്മര്‍ദ്ദം നിങ്ങളുടെ ഭക്ഷണശീലങ്ങളെ നിയന്ത്രിക്കുന്ന ഹോര്‍മോണുകളുടെ സ്രവത്തെ ബാധിക്കുന്നു. ഇത് ഭക്ഷണത്തോടുള്ള കൂടുതല്‍ ആസക്തിക്ക് കാരണമാവുകയും നിങ്ങള്‍ പതിവിലും കൂടുതല്‍ ഭക്ഷണം കഴിക്കുകയും ചെയ്യും. വിട്ടുമാറാത്ത സമ്മര്‍ദ്ദം നിരവധി രോഗങ്ങളുടെ അപകടസാധ്യതയുമായി ബന്ധപ്പെട്ടിരിക്കുന്നു. അതിനാല്‍ ധ്യാനം, യോഗ, വ്യായാമം, തുടങ്ങിയ സമ്മര്‍ദം നിയന്ത്രിക്കുന്നു സ്ട്രസ്സ് മാനേജ്‌മെന്റ് ടെക്‌നികുകള്‍ പരീക്ഷിക്കുക.
* ആര്‍ത്തവവിരാമം
ആര്‍ത്തവവുമായി ബന്ധപ്പെട്ട് സ്ത്രീകള്‍ നേരിടുന്ന ഒരു അവസ്ഥയാണ് പിസിഒഎസ്. ഇത് ഹോര്‍മോണ്‍ അസന്തുലിതാവസ്ഥയിലേക്ക് നയിക്കുകയും ശരീരഭാരം വര്‍ദ്ധിപ്പിക്കുകയും ചെയ്യും. സ്ഥിരമായ വ്യായാമം ആരോഗ്യകരമായ ഭാരം നിലനിര്‍ത്തുന്നതിലും പിസിഒഎസ് ലക്ഷണങ്ങള്‍ നിയന്ത്രിക്കുന്നതിലും ഒരു പ്രധാന പങ്കു വഹിക്കുന്നു. ആര്‍ത്തവവിരാമം ആര്‍ത്തവ ചക്രത്തിന്റെ അവസാനത്തെ അടയാളപ്പെടുത്തുന്നു. ഇത് സ്ത്രീകളില്‍ ശരീരഭാരം വര്‍ദ്ധിപ്പിക്കും.
* തൈറോയ്ഡ് പ്രശ്‌നങ്ങള്‍
നിങ്ങളുടെ തൈറോയ്ഡ് ഗ്രന്ഥി ശരീരത്തിന്റെ ആവശ്യങ്ങള്‍ നിറവേറ്റുന്നതിനായി തൈറോയ്ഡ് ഹോര്‍മോണ്‍ ഉല്‍പ്പാദിപ്പിക്കുന്നു. ഈ അവസ്ഥയാണ് ഹൈപ്പോതൈറോയിഡിസം. ശരീരഭാരം കൂടുന്നത് ഹൈപ്പോതൈറോയിഡിസത്തിന്റെ ലക്ഷണങ്ങളില്‍ ഒന്നാണ്. വരണ്ട ചര്‍മം, ക്ഷീണം, മലബന്ധം, പേശികളുടെ ബലഹീനത, മുടികൊഴിച്ചില്‍, സന്ധി വേദന തുടങ്ങിയ മറ്റു ലക്ഷണങ്ങള്‍ നിങ്ങള്‍ അനുഭവിക്കുകയാണെങ്കില്‍ ഹൈപ്പോതൈറോയിഡിസം ഉണ്ടോയെന്നത് പരീക്ഷിക്കുക.
* ബീഞ്ച് ഈറ്റിംഗ് ഡിസോര്‍ഡര്‍
ഇടയ്ക്കിടെ അനിയന്ത്രിതമായി അമിത ഭക്ഷണം കഴിക്കുന്ന ഒരു തരം ഭക്ഷണ ക്രമക്കേടാണ് ബീഞ്ച് ഈറ്റിംഗ് ഡിസോര്‍ഡര്‍. ശരീരഭാരം ഉള്‍പ്പെടെ നിരവധി ആരോഗ്യ പ്രശ്‌നങ്ങളുമായി ഇത് ബന്ധപ്പെട്ടിരിക്കുന്നു. ഇത്തരം വിവിധ കാരണങ്ങള്‍ ശരീരത്തില്‍ ഏറ്റക്കുറച്ചിലുകള്‍ക്ക് ഇടയാക്കും. നിങ്ങള്‍ വേഗത്തിലും വിശദീകരിക്കാനാവാത്ത വിധത്തിലും ശരീരഭാരം വര്‍ധിപ്പിക്കുന്ന പ്രശ്‌നം അനുഭവിക്കുകയാണെങ്കില്‍, അടിസ്ഥാന കാരണം നിര്‍ണയിക്കാന്‍ നിങ്ങള്‍ ഡോക്ടറെ കാണണം.
https://www.facebook.com/Malayalivartha
