പതിനൊന്നാമത് അന്താരാഷ്ട്ര യോഗ ദിനം നാളെ ആഘോഷിക്കും. നാളെ കേന്ദ്ര ആയുഷ് വകുപ്പ് സംഘടിപ്പിക്കുന്ന യോഗാസംഗമത്തില്‍ കേരളത്തില്‍ നിന്നുള്‍പ്പെടെ നാലുലക്ഷത്തിലേറെ സംഘടനകളും സ്ഥാപനങ്ങളും പങ്കുചേരും.

ഏകലോകത്തിനും ആരോഗ്യത്തിനും യോഗ എന്നതാണ് ഈ വര്‍ഷത്തെ വിഷയം. സര്‍ക്കാര്‍ സംഘടനകള്‍, വിദ്യാഭ്യാസ സ്ഥാപനങ്ങള്‍, സ്വകാര്യ സ്ഥാപനങ്ങള്‍, റസിഡന്റ്‌സ് അസോസിയേഷനുകള്‍, എന്‍.ജി.ഒകള്‍, സാമൂഹിക സംഘടനകള്‍ തുടങ്ങിയവ രാവിലെ 6.30 മുതല്‍ 7.45 വരെ യോഗസംഗമം സംഘടിപ്പിക്കും.

കാശ്മീര്‍ മുതല്‍ കേരളം വരെ വേദിയാകും. ആന്ധ്രാപ്രദേശിലെ വിശാഖപട്ടണത്ത് പ്രധാനമന്ത്രി നരേന്ദ്രമോദി പങ്കെടുക്കുന്നതാണ്. ഏറ്റവുമധികം സാമൂഹികപങ്കാളിത്തം നേടുന്ന പരിപാടിയായി യോഗാസംഗമം മാറുമെന്ന് ആയുഷ് അധികൃതര്‍ . ആയുഷ് വകുപ്പില്‍ രജിസ്റ്റര്‍ ചെയ്ത സംഘടനകളുടെ പരിപാടിയില്‍ പങ്കെടുക്കുന്നവര്‍ക്ക് അംഗീകാരപത്രവും, അഭിനന്ദന കത്തുകളും കേന്ദ്ര സര്‍ക്കാര്‍ നല്‍കുന്നതാണ്.