കോവിഡ് വാക്സിനേഷന് എടുത്തവര് രാജ്യത്തിന് പുറത്തുപോയി മടങ്ങുന്ന സമയം ക്വാറന്റൈനില് കഴിയണോയെന്ന കാര്യത്തില് ഔദ്യോഗിക തീരുമാനം ആയിട്ടില്ല
കോവിഡ് വാക്സിനേഷന് എടുത്തവര് രാജ്യത്തിന് പുറത്തുപോയി മടങ്ങുന്ന സമയം ക്വാറന്റൈനില് കഴിയണമോയെന്ന കാര്യത്തില് ഔദ്യോഗിക തീരുമാനം ആയിട്ടില്ലെന്ന് അറിയിച്ച് അധികൃതര്. ഇക്കാര്യത്തില് ദേശീയ സ്ട്രാറ്റജിക് കമിറ്റിയുടെ തീരുമാനം ഇതുവരെ ഉണ്ടായിട്ടില്ലെന്ന് ഹമദ് ജനറല് ആശുപത്രി മെഡിക്കല് ഡയറക്ടര് ഡോ.യൂസഫ് അല് മസലമണി അറിയിക്കുകയുണ്ടായി . ഖത്തര് ടെലിവിഷന് നല്കിയ അഭിമുഖത്തിലാണ് അദ്ദേഹം ഇക്കാര്യങ്ങള് വിശദമാക്കിയത്. കോവിഡ് വാക്സിനേഷന് സര്ട്ടിഫിക്കറ്റ് ഉണ്ടെങ്കിലും ചിലപ്പോള് രാജ്യങ്ങളില് പ്രവേശിക്കുമ്ബോള് കോവിഡ് പരിശോധനയ്ക്ക് വിധേയമാക്കും. വാക്സിനേഷന്റെ ഫലപ്രാപ്തി ഉറപ്പാക്കുന്നതിനാണ് പരിശോധനയെന്നും ഡോ.മസലമണി വ്യക്തമാക്കി. വാക്സിനേഷന് എടുത്തവര് വിദേശയാത്രക്ക് ശേഷം മടങ്ങിയെത്തുമ്പോള് ഖത്തറിലും കോവിഡ് പരിശോധന നടത്തും.
രാജ്യത്തെ മുഴുവന് പേര്ക്കും ഈ വര്ഷം തന്നെ കോവിഡ് വാക്സിന് ലഭിക്കും. നിലവില് മുന്ഗണനാ പട്ടിക പ്രകാരമാണ് വാക്സിന് നല്കുന്നത്. രാജ്യത്ത് ഫൈസര്-ബയോടെക്കിന്റെ രണ്ടാമത്തെ ഡോസ് കോവിഡ് വാക്സിന് സ്വീകരിച്ചവര്ക്കും ഗുരുതരമായ ആരോഗ്യപ്രശ്നങ്ങളില്ലെന്ന് വാക്സിനേഷന് വകുപ്പ് മേധാവി ഡോ.സോഹ അല് ബയാത് വ്യക്തമാക്കി. വാക്സിന് എടുത്തവരും നിര്ബന്ധമായും കോവിഡ് മുന്കരുതല് പാലിക്കണമെന്നും അവര് ഓര്മപ്പെടുത്തിയിരിക്കുകയാണ്. നേരിയ ശരീര വേദന, പനി എന്നിവ മാത്രമാണ് മിക്കവര്ക്കം ഉണ്ടായ ആരോഗ്യപ്രശ്നങ്ങള്. ചില ഭക്ഷണപാനീയങ്ങള് കോവിഡ് വാക്സിന്റെ നെഗറ്റീവ് ഫലത്തിന് ഇടയാക്കുമെന്ന വാര്ത്തകളും ഡോ.സോഹ നിഷേധിച്ചു.
https://www.facebook.com/Malayalivartha
