ഒരിടവേളയ്ക്ക് പിന്നാലെ വീണ്ടും ഗൾഫ് രാഷ്ട്രങ്ങളിൽ കൊറോണ പിടിമുറുക്കുകയാണ്. കൂടുതൽ നിയന്ത്രണങ്ങൾ ഏർപ്പെടുത്തി വാക്‌സിനേഷൻ പുരോഗമിച്ച് വരുകയാണ് എങ്കിലും കടുത്ത ആശങ്കയാണ് നിലനിൽക്കുന്നത്. അത്തരത്തിലുള്ള വാർത്തകളാണ് കുവൈറ്റിൽ നിന്നും പുറത്തു വരുന്നത്....

കുവൈറ്റില്‍ ഐസിയുവിലും, കൊവിഡ് വാര്‍ഡുകളിലും ചികിത്സയില്‍ കഴിയുന്ന കൊവിഡ് രോഗികളുടെ എണ്ണം വര്‍ധിക്കുന്നതായി റിപ്പോർട്ട്. രാജ്യത്തെ ആരോഗ്യസാഹചര്യം 'അപകട വലയ'ത്തിലേക്ക് കടന്നുവെന്ന മുന്നറിയിപ്പാണ് ഉന്നത സര്‍ക്കാര്‍ വൃത്തങ്ങള്‍ നൽകുന്നത്. രാജ്യത്ത് കൊവിഡ് സാഹചര്യം ഇനിയും മോശമായാല്‍, പ്രവര്‍ത്തനങ്ങളെല്ലാം നിരോധിച്ച്‌ അടിയന്തിരമായി നിയന്ത്രണം ഏര്‍പ്പെടുത്തിയേക്കുമെന്നാണ് ലഭ്യമാകുന്ന വിവരം.

അല്‍ അദാന്‍, ജഹ്‌റ, ഫര്‍വാനിയ ആശുപത്രികളില്‍ നിരവധി കൊവിഡ് രോഗികളാണ് ചികിത്സയിലുള്ളത്. രാജ്യത്തെ മറ്റ് ആശുപത്രികളിലെയും സ്ഥിതി വ്യത്യസ്തമല്ല. കൊവിഡ് രോഗികളുടെ എണ്ണം വര്‍ധിക്കുന്നത് ആരോഗ്യപ്രവര്‍ത്തകര്‍ക്കും ജോലിയും ഇരട്ടിയാക്കുകയാണ്. ജാബര്‍ ആശുപത്രിയില്‍ പ്രതിദിനം 160-ഓളം കൊവിഡ് രോഗികള്‍ എത്തുന്നതായാണ് വിവരം. രാജ്യത്തെ ആരോഗ്യസ്ഥിതി വിലയിരുത്തി ആരോഗ്യമന്ത്രി ഡോ. ബാസില്‍ അല്‍ സബ വ്യാഴാഴ്ച സമഗ്രമായ റിപ്പോര്‍ട്ട് അവതരിപ്പിക്കുന്നതായിരിക്കും. ഇതില്‍ ഭാഗികമായോ, അല്ലെങ്കില്‍ പൂര്‍ണമായോ കര്‍ഫ്യൂ ഏര്‍പ്പെടുത്തുന്നതടക്കമുള്ള പരിഹാര മാര്‍ഗങ്ങളും ഉണ്ടാകുമെന്ന് സൂചനയുണ്ട്.

ഏറെ നാളുകൾക്ക് ശേഷമാണ് കടുത്ത നിയന്ത്രണങ്ങളോടെ കടകമ്പോളങ്ങൾ എല്ലാം തന്നെ തുറന്നത്. ഈ സാഹചര്യത്തിൽ വീണ്ടു കോവിഡ് സങ്കീര്ണമാകുന്നതും കൂടാതെ വീണ്ടും നിയന്ത്രണം കടുപ്പിക്കേണ്ടി വരുന്നതും പ്രവാസികളെ സാരമായി തന്നെ ബാധിക്കും.

അതേസമയം കു​വൈ​ത്തി​ൽ ഇ​തു​വ​​രെ 24 ല​ക്ഷ​ത്തി​ലേ​റെ ഡോ​സ്​​ കോ​വി​ഡ്​ പ്ര​തി​രോ​ധ വാ​ക്​​സി​ൻ ന​ൽ​കി​യ​താ​യി ആ​രോ​ഗ്യ​മ​ന്ത്രാ​ല​യം വ്യ​ക്​​ത​മാ​ക്കി. ഞാ​യ​റാ​ഴ്​​ച വ​രെ 23,75,455 ഡോ​സ്​ വാ​ക്​​സി​നാ​ണ്​​​ ന​ൽ​കിയിരിക്കുന്നത്. കൂടാതെ 14,52,148 പേ​ർ ഒ​രു ഡോ​സ്​ മാ​ത്രം സ്വീ​ക​രി​ച്ച്​ ര​ണ്ടാ​മ​ത്തെ അ​പ്പോ​യ​ൻ​​മെൻറ്​ കാ​ത്തി​രി​ക്കു​ക​യാ​ണ്.

9,23,307 പേ​ർ ര​ണ്ട്​ ഡോ​സും സ്വീ​ക​രി​ച്ചു. ഒ​രു​ദി​വ​സം 45,000ത്തി​ൽ താ​ഴെ ഡോ​സു​ക​ൾ ന​ൽ​കി​വ​രു​ന്നു​ണ്ട്. സെ​പ്​​റ്റം​ബ​ർ മാ​സ​ത്തോ​ടെ 30 ല​ക്ഷം പേ​ർ​ക്ക്​ കു​ത്തി​വെ​പ്പ്​ എ​ടു​ക്കാ​നാ​ണ്​ ല​ക്ഷ്യ​മി​ടു​ന്ന​ത്.ഭൂ​രി​ഭാ​ഗം​പേ​രും കു​ത്തി​വെ​പ്പ്​ എ​ടു​ക്കു​ന്ന​തോ​ടെ സാ​മൂ​ഹി​ക പ്ര​തി​രോ​ധ​ശേ​ഷി കൈ​വ​രു​ക​യും കോ​വി​ഡ്​ കേ​സു​ക​ൾ കു​റ​യു​ക​യും ചെ​യ്യു​മെ​ന്നാ​ണ്​ പ്ര​തീ​ക്ഷ. 31 പ്രാ​ഥ​മി​കാ​രോ​ഗ്യ​കേ​ന്ദ്ര​ങ്ങ​ൾ ഉ​ൾ​പ്പെ​ടെ 36 കേ​ന്ദ്ര​ങ്ങ​ളി​ലൂ​ടെ​യാ​ണ്​ വാ​ക്​​സി​ൻ ന​ൽ​കി​വ​രു​ന്ന​ത്.

മൊ​ബൈ​ൽ വാ​ക്​​സി​നേ​ഷ​ൻ യൂ​നി​റ്റു​ക​ൾ​വ​ഴി ഇ​തു​വ​രെ ഒ​ന്ന​ര​ല​ക്ഷം പേ​ർ​ക്ക്​ വാ​ക്​​സി​ൻ ന​ൽ​കി​യ​താ​യും ആ​രോ​ഗ്യ​മ​ന്ത്രാ​ല​യ വ​ക്​​താ​വ്​ ഡോ. ​അ​ബ്​​ദു​ല്ല അ​ൽ സ​ന​ദ്​ അ​റി​യി​ച്ചു.പൊ​തു​ജ​ന​ങ്ങ​ളു​മാ​യി നേ​രി​ട്ട്​ ഇ​​ട​പെ​ടു​ന്ന തൊ​ഴി​ൽ വി​ഭാ​ഗ​ങ്ങ​ൾ​ക്കാ​ണ്​ ആ​രോ​ഗ്യ​ജീ​വ​ന​ക്കാ​ർ അ​വ​രു​ടെ അ​ടു​ത്തെ​ത്തി വാ​ക്​​സി​ൻ ന​ൽ​കു​ന്ന​ത്. 10​ മൊ​ബൈ​ൽ വാ​ക്​​സി​നേ​ഷ​ൻ യൂ​നി​റ്റു​ക​ൾ വ​ഴി​യാ​ണ്​ ഇ​ത്.