കേരള രാഷ്ട്രീയത്തിൽ ചർച്ചാവിഷയമായി മാറിയ രാഹുൽ മാങ്കൂട്ടത്തിലിനെതിരായ കേസുകളും തുടർന്നുണ്ടായ കോൺഗ്രസ് അച്ചടക്ക നടപടിയും പാർട്ടിയിൽ വലിയ പൊട്ടിത്തെറിക്ക് വഴിവെക്കുന്നു. രാഹുലിനെ കൈവിടുന്ന കോൺഗ്രസ് നേതൃത്വത്തിന്റെ നിലപാടിനെതിരെ സോഷ്യൽ മീഡിയയിലും പാർട്ടി ഗ്രൂപ്പുകളിലും അണികൾ കടുത്ത വിമർശനമാണ് ഉയർത്തുന്നത്. വരാനിരിക്കുന്ന തിരഞ്ഞെടുപ്പുകളിൽ ഈ നിലപാട് പാർട്ടിയെ 'അടപടലം' തോൽപ്പിക്കുമെന്ന മുന്നറിയിപ്പാണ് യുവപ്രവർത്തകർ നൽകുന്നത്.