റമദാനില്‍ മക്കയിലെ ഹറം പരിസരങ്ങളും ഹറമിലേക്കെത്തുന്ന റോഡുകളും നിരീക്ഷിക്കാന്‍ സുരക്ഷ വിമാനങ്ങള്‍ സജ്ജമായതായി സുരക്ഷ സേന മേധാവി ജനറല്‍ ഹസന്‍ ബിന്‍ സാഇദ്​ ആല്‍ ബസാം അറിയിച്ചു. സുരക്ഷ, ആരോഗ്യം, സേവന വിഭാഗങ്ങളുമായി സഹകരിച്ച്‌​ തീര്‍ഥാടകര്‍ക്ക്​ വേണ്ട സേവനങ്ങള്‍ നല്‍കാനാണ്​ വിമാനങ്ങള്‍ ഒരുക്കിയിരിക്കുന്നത്​.

പുണ്യ സ്​ഥലങ്ങളിലേയും മക്കയിലേയും ഹെലിപാഡുകള്‍ ഇതിനായി ഉപയോഗപ്പെടുത്തും. സുരക്ഷാനിരീക്ഷണത്തിനു പുറമെ ട്രാഫിക്ക് നിരീക്ഷണം, ആംബുലന്‍സ്​, മെഡിക്കല്‍ സേവനം, രക്ഷാപ്രവര്‍ത്തനം തുടങ്ങിയവക്കും വിമാനങ്ങള്‍ ഉപ​യോഗിക്കും. അത്യാധുനിക സംവിധാനങ്ങളോട്​ കൂടിയതാണ്​ ഒരോ വിമാനങ്ങളും.​ ബന്ധപ്പെട്ട വകുപ്പുകള്‍ക്ക്​ വേഗത്തില്‍ റിപ്പോര്‍ട്ടുകളും ചിത്രങ്ങളും അയക്കാനുള്ള സൗകര്യം വിമാനത്തിലുണ്ടെന്നും ക്യാപ്​റ്റന്‍ പറഞ്ഞു.