ബ്രിട്ടനിൽ വെറും ആ​റാ​ഴ്​​ച മാ​ത്രം പ്രാ​യ​മു​ള്ള മകനെ ക്രൂ​ര​മാ​യി മ​ർ​ദി​ച്ചു കൊ​ല​പ്പെ​ടു​ത്തി​യ കൗമാരക്കാരനായ പിതാവിന്​ ജീ​വ​പ​ര്യ​ന്തം വിധിച്ച് കോടതി . കുഞ്ഞിന്റെ മാ​താ​വി​നെ 30 മാ​സ​ത്തെ തടവും വിധിച്ചു.വി​ൻ​സ്​​റ്റ​ർ ക്രൗ​ൺ കോ​ട​തി​യാ​ണ്​ ശി​ക്ഷ വി​ധി​ച്ച​ത്.

ഡൗ​ൾ​ട​ൺ ഫി​ലി​പ്​​സെന്ന 17 കാരനാണ് കു​ഞ്ഞി​നെ ദാ​രു​ണ​മാ​യി ഉ​പ​ദ്ര​വി​ച്ച്‌ കൊലപ്പെടുത്തിയത് . അ​യ​ൽ​വീ​ട്ടി​ലെ പാ​ർ​ട്ടി​യി​ൽ അ​മി​ത​മാ​യി മ​ദ്യ​പി​ക്കു​ക​യും മ​യ​ക്കു​മ​രു​ന്ന്​ ഉ​പ​യോ​ഗി​ക്കു​ക​യും ചെ​യ്​​ത ഇയാൾ ​വീ​ട്ടി​ൽ തി​രി​ച്ചെ​ത്തി​യ​​പ്പോ​ഴാണ്​ കുഞ്ഞിനെ മർദ്ധിച്ചത് . എന്നാൽ കൃ​ത്യ​സ​മ​യ​ത്ത്​ വൈ​ദ്യ​സ​ഹാ​യം എ​ത്തി​ക്കാ​ത്ത​തി​നും കു​ട്ടി​ക്ക്​ സു​ര​ക്ഷ​യൊ​രു​ക്കു​ന്ന​തി​ൽ വീ​ഴ്​​ച വ​രു​ത്തി​യ​തി​നു​മാ​ണ് കുഞ്ഞിന്റെ മാതാവായ അ​ല​ന്ന സ്​​കി​ന്ന​റി​നെ കോടതി ശിക്ഷിച്ചത്.

ഫെ​ബ്രു​വ​രി 11നാ​ണ്​ സം​ഭ​വം ന​ട​ന്ന​ത്. മർദനത്തിൽ കു​ഞ്ഞി​​െൻറ ത​ല​യോ​ട്ടി​യും വാ​രി​യെ​ല്ലും കാ​ലും ത​ക​ർ​ന്നി​രു​ന്നു. മൂ​ക്ക്​ ക​ടി​ച്ചെ​ടു​ത്ത നി​ല​യി​ലും. തു​ട​ർ​ന്ന്​ വീ​ട്ടി​ൽ​നി​ന്ന്​ പു​റ​ത്തു​പോ​യ ഫി​ലി​പ്​​സ്​ ക​ട​യി​ൽ ക​യ​റി ശാ​ന്ത​മാ​യി ഭ​ക്ഷ​ണം ക​ഴി​ക്കു​ക​യും ചെ​യ്​​തു. ഇ​തി​​െൻറ സി.​സി.​ടി.​വി ദൃ​ശ്യ​ങ്ങ​ൾ കോ​ട​തി​യി​ൽ ഹാ​ജ​രാ​ക്കി​യി​രു​ന്നു.

ഗ​ർ​ഭി​ണി​യാ​യി​രു​ന്ന​പ്പോ​ഴും ഫി​ലി​പ്​​സ്​ അ​ല​ന്ന​യെ ഉ​പ​ദ്ര​വി​ക്കു​മാ​യി​രു​ന്നു. കു​ഞ്ഞ്​ സോ​ഫ​യി​ൽ​നി​ന്ന്​ വീ​ണ​താ​ണെ​ന്നാ​യി​രു​ന്നു ഫി​ലി​പ്​​സ്​ കോ​ട​തി​യി​ൽ ന​ൽ​കി​യ മൊ​ഴി. എ​ന്നാ​ൽ, സം​ഭ​വ​സ​മ​യം ഫി​ലി​പ്​​സി​​െൻറ വീ​ട്ടി​ൽ​നി​ന്ന്​ വ​ലി​യ ശ​ബ്​​ദ​ത്തി​ൽ കു​ഞ്ഞി​​െൻറ ക​ര​ച്ചി​ൽ കേ​ട്ട​താ​യി അ​യ​ൽ​വാ​സി​ക​ൾ പൊ​ലീ​സി​നോ​ട്​ പ​റ​ഞ്ഞത്.