നവവധു സ്ത്രീയല്ലെന്ന് വരന് തിരിച്ചറിഞ്ഞത് രണ്ടാഴ്ച കഴിഞ്ഞപ്പോള്...!
ഉഗാണ്ടയിലെ മുഹമ്മദ് മുതുംബ എന്ന ഇമാം വിവാഹം കഴിക്കാന് ഒരു പെണ്കുട്ടിയെ തിരയുകയായിരുന്നു. അപ്പോഴാണ് ഹിജാബ് ധരിച്ച് സുന്ദരിയായ ഒരു യുവതിയെ കണ്ടത്. അയാളുടെ പ്രണയാഭ്യര്ഥന അവള് സ്വീകരിക്കുകയും ചെയ്തു. ഇമാം അവളുടെ മാതാപിതാക്കളെ കണ്ട് വിവാഹം കഴിക്കാനുള്ള ആഗ്രഹം അറിച്ചു. തുടര്ന്ന് നിക്കാഹ് നടത്തി. എന്നാല് അവര് സ്ത്രീധന തുക മുഴുവനായി നല്കിയില്ല. അത് തീര്ത്തു നല്കുന്നതുവരെ വധുവുമായി ശാരീരിക ബന്ധമുണ്ടാവരുതെന്ന് വധുവിന്റെ വീട്ടുകാര് തന്നെ പറഞ്ഞപ്പോള് അവര് നിലപാടുകള് ഉള്ളവരാണല്ലോയെന്ന് ഇമാമിനും തോന്നി. നിക്കാഹിനു ശേഷം തനിക്ക് ആര്ത്തവമാണെന്ന് പറഞ്ഞ് ഇമാമിനെ അകറ്റി നിര്ത്താന് വധു പ്രത്യേകം ശ്രദ്ധിക്കുകയും ചെയ്തിരുന്നു.
എന്നാല് ദിവസങ്ങള്ക്ക് മുമ്പ് ഇമാമിന്റെ 'വധു' മതില് ചാടി അടുത്ത വീട്ടില് നിന്നും വസ്ത്രവും ടിവിയും മോഷ്ടിക്കാന് ശ്രമിച്ചതോടെ അയല്ക്കാര് പോലീസില് പരാതി നല്കി. പരാതിയുടെ അടിസ്ഥാനത്തില് ഇമാമും ഭാര്യയും പോലീസ് സ്റ്റേഷനിലെത്തി. സ്ത്രീകള് ധരിക്കുന്ന പരമ്പരാഗത ഇസ്ലാം വസ്ത്രം ധരിച്ചാണ് ഇയാള് ഇമാമിനൊപ്പം പോലീസ് സ്റ്റേഷനില് പോയത്. ഒരു സ്ത്രീയായ പ്രതിയെ പരിശോധിക്കുന്ന പോലെ ഇവരെ പരിശോധിച്ചപ്പോഴാണ് സത്യം പുറത്തറിയുന്നത്.
ഇയാള് സ്ത്രീയല്ല പുരുഷനാണെന്ന കാര്യം പുറത്തറിഞ്ഞതോടെ പോലീസ് ഇയാളെ അറസ്റ്റ് ചെയ്തു. ഇമാമിന്റെ പണം തട്ടിയെടുക്കാനാണ് ഇത്തരത്തില് വേഷം കെട്ടിയതെന്ന് ചോദ്യം ചെയ്യലില് ഇയാള് പൊലീസിനോടു പറഞ്ഞു. കുടുംബത്തിലെ മറ്റുള്ളവര്ക്കായി തിരച്ചില് തുടരുകയാണ്.
https://www.facebook.com/Malayalivartha