എതിരാളികളുടെ പേടി സ്വപ്നം 'ബ്ലാക്ക് മാമ്പ';അന്ത്യ യാത്രയിൽ ഒപ്പം മകളും; ലോക പ്രശസ്ത അമേരിക്കന് ബാസ്കറ്റ്ബോള് താരം കോബി ബ്രയന്റ് ഹെലികോപ്റ്റർ അപകടത്തിൽ മരിച്ചു
ലോക പ്രശസ്ത അമേരിക്കന് ബാസ്കറ്റ്ബോള് താരം കോബി ബ്രയന്റ്(41) ഹെലികോപ്റ്റർ അപകടത്തിൽ മരിച്ചു. ലൊസാഞ്ചലസിനു സമീപം കാലാബാസിലായിരുന്നു ലോകത്തെ നടുക്കിയ അപകടമുണ്ടായത്. കോബി ബ്രയന്റിന്റെ പതിമൂന്നുകാരിയായ മകൾ ജിയാനയും അപകടത്തിൽപെട്ടു.
ഇരുവരെയും കൂടാതെ ഏഴോളം യാത്രക്കാർ ഹെലികോപ്റ്ററിൽ ഉണ്ടായിരുന്നു. ഹെലികോപ്റ്ററിലുണ്ടായിരുന്ന ഒൻപതുപേരും മരിച്ചതായി രാജ്യാന്തരമാധ്യമങ്ങൾ സ്ഥിരീകരിച്ചു. അപകടത്തിൽപെട്ട മറ്റുള്ളവരെ തിരിച്ചറിഞ്ഞിട്ടില്ല. രാവിലെ പ്രാദേശിക സമയം പത്ത് മണിക്കാണ് അപകടമുണ്ടായത്. യുഎസ് ഫ്രാഞ്ചൈസ് ബാസ്കറ്റ്ബോള് ടൂര്ണമെന്റ് എന്ബിഎയിലെ ലൊസാഞ്ചലസ് ലേക്കേഴ്സിന്റെ മുന് താരമാണ് കോബി ബ്രയന്റ്.
20 വർഷം നീണ്ടുനിന്ന കോബി ബ്രയന്റിന്റെ കായിക ജീവിതം ഇതിഹാസസമമായിരുന്നു. ലൊസാഞ്ചലസ് ലേക്കേഴ്സിനു വേണ്ടി ഉഴിഞ്ഞുവച്ചതായിരുന്നു ആ ജീവിതം. എന്ബിഎ മത്സരക്രമത്തിലെ ഏറ്റവും ഉയര്ന്ന പദവിയായ ഓള്സ്റ്റാര് 18 തവണയാണ് കോബി നേടിയത്.അഞ്ച് തവണ ചാംപ്യന്ഷിപ്പും സ്വന്തമാക്കി.
കാലിഫോര്ണിയയ്ക്ക് സമീപം കലബസാസിലുണ്ടായ ഹെലികോപ്റ്റര് അപകടത്തിലാണ് എന്ബിഎയുടെ ചരിത്രത്തിലെ ഏറ്റവും മികച്ച ബാസ്കറ്റ് ബോള് താരമായി കണക്കാക്കുന്ന കോബി ബ്രയന്റ് കൊല്ലപ്പെട്ടത്. രണ്ട് തവണ ഒളിംപിക്സസ് സ്വര്ണം നേടിയ കോബി, 2016ല് വിരമിച്ച ശേഷവും ബാസ്കറ്റ്ബോള് രംഗത്ത് സജീവമായിരുന്നു.
18 തവണ ഓള് സ്റ്റാര് ടീമിലും 15 തവണ ഓള് എന്ബിഎ ടീമിലും ഉള്പ്പെട്ട കിംഗ് കോബി, 2008 ബിജിംഗ് ഒളിംപിക്സിലും 2012 ലണ്ടന് ഒളിംപിക്സിലും സ്വര്ണം നേടിയ അമേരിക്കന് ടീമില് അംഗമായിരുന്നു. 007-2008 കാലഘട്ടത്തിലെ എന്ബിഎ താരങ്ങളില് ഏറ്റവും വിലയേറിയ താരമായിരുന്നു കോബി. എന്ബിഎ ചരിത്രത്തിലെ മൂന്നാമത്തെ ഉയര്ന്ന സ്കോര് നേട്ടം കോബിയുടെ പേരിലാണ്.
ബാസ്കറ്റ്ബോള് ഹാള് ഓഫ് ഫെയിമില് കോബി ബ്രയന്റിനെ ഉള്പ്പെടുത്താനുള്ള പ്രാരംഭനടപടികള് ആരംഭിച്ചതിനിടയ്ക്കാണ് താരത്തിന്റെ മരണം. ഇന്ത്യന് ക്രിക്കറ്റ് ടീം ക്യാപ്റ്റന് വിരാട് കോലി, വൈസ് ക്യാപ്റ്റന് രോഹിത് ശര്മ, ഫുട്ബോള് താരങ്ങളായ ലിയോണല് മെസി, ക്രിസ്റ്റിയാനോ റൊണാള്ഡൊ തുടങ്ങിയവരെല്ലാം താരത്തിന് ആദരാഞ്ജലി അര്പ്പിച്ചു. കല- സാംസ്കാരിക- രാഷ്ട്രീയ രംഗത്തെ പലരും കോബിന് ആദരമര്പ്പിച്ചിരുന്നു.
ബാസ്ക്കറ്റ്ബോള് കോര്ട്ടിനുള്ളില് വിഷപ്പാമ്പ് പോലെയായിരുന്നു കോബി ബ്രയാന്റ്. എതിരാളികളെ വെട്ടിയൊഴിഞ്ഞുള്ള കോബിന്റെ കോര്ട്ടിലെ നീക്കം അദ്ദേഹത്തിന് 'ബ്ലാക്ക് മാമ്പ' എന്ന വിളിപ്പേര് നല്കി. എന്നാല് ബ്ലാക്ക് മാമ്പ എന്ന് ആരാധകര് വിളിക്കുന്ന ഈ പേരിന് പിന്നില് മാത്രമല്ല, അച്ഛനും അമ്മയും നല്കിയ കോബി ബ്രയാന്റ് എന്ന പേരിന് പിന്നിലും ഒരു രഹസ്യമുണ്ട്. വളരെ രസകരമായ ഒരു രഹസ്യം.
ആറ് അടി ആറ് ഇഞ്ചും ഉയരമുള്ള കോബിയെ ഇതിഹാസ താരം എന്നാണ് ലോസ് ഏഞ്ചല്സ് ലേക്കേഴ്സിലെ നിലവിലെ സൂപ്പര് താരമായ ലെബ്റോണ് ജെയിംസ് വിശേഷിപ്പിക്കുന്നത്. ഓള് ടൈം സ്കോറിങ് ലിസ്റ്റില് മൂന്നാം സ്ഥാനത്തുണ്ടായിരുന്ന കോബിയെ കഴിഞ്ഞ ദിവസം ലെബ്റോണ് ജെയിംസ് പിന്നിലാക്കിയിരുന്നു. കരിയറില് ആകെ 33643 പോയിന്റാണ് കോബിയുടെ പേരിലുള്ളത്.
ഓള് ടൈം സ്കോറിങ്ങില് മൂന്നാം സ്ഥാനം എന്നതിനേക്കാള് കോബിയെ പ്രശസ്തനാക്കിയത് 2006 ജനുവരി 22-ന് നടന്ന ഒരു മത്സരമാണ്. ടൊറൊന്റോയ്ക്കെതിരായ മത്സരത്തില് ലേക്കേഴ്സിനായി കോബി നേടിയത് 81 പോയിന്റാണ്. മത്സരത്തില് 122-104ന് ലേക്കേഴ്സ് വിജയിക്കുകയും ചെയ്തു. ഒരൊറ്റ മത്സരത്തില് ഏറ്റവും കൂടുതല് പോയിന്റ് എന്ന റെക്കോഡില് രണ്ടാം സ്ഥാനത്തെത്താനും കോബിക്ക് കഴിഞ്ഞു. 1962-ലെ മത്സരത്തില് 100 പോയിന്റ് നേടിയ വില്ട്ട് ഷാമ്പെര്ലെയ്ന് മാത്രമാണ് ഈ റെക്കോഡില് കോബിക്ക് മുന്നിലുള്ളത്.
2016-ലായിരുന്നു ലേക്കേഴ്സിനായി ബ്ലാക്ക് മാമ്പ അവസാനമായി കോര്ട്ടിലിറങ്ങിയത്. 50 ഷോട്ടില് നിന്ന് അന്ന് 60 പോയിന്റ് നേടി. ലോസ് ഏയ്ഞ്ചല്സിലസെ സ്റ്റാപ്പ്ള്സ് സെന്ററില് ഉതാ ജാസിനെതിരേ ആയിരുന്നു ഈ മത്സരം.
https://www.facebook.com/Malayalivartha