ഇതിലും മികച്ച സമയമില്ല... ലോകം മുഴുവന് കൊറോണ വൈറസ് മഹാമാരിയെ നേരിടുമ്പോള് രാജ്യാന്തര സംഘടനകളെ കൈപ്പിടിയിലൊതുക്കാനൊരുങ്ങി ചൈന...
ലോകം മുഴുവന് കൊറോണ വൈറസ് മഹാമാരിയെ നേരിടുമ്പോള് രാജ്യാന്തര സംഘടനകളെ കൈപ്പിടിയിലൊതുക്കാനൊരുങ്ങുകയാണ് ചൈന. കോവിഡ്19 രോഗത്തെക്കുറിച്ച് ആദ്യഘട്ടത്തില് ചൈന മറച്ചുവച്ചെന്നും ഇതിനെ ലോകാരോഗ്യ സംഘടന (ഡബ്ല്യുഎച്ച്ഒ) സഹായിച്ചെന്നുമാരോപിച്ച് കഴിഞ്ഞയാഴ്ച ഡബ്ല്യുഎച്ച്ഒയുമായുള്ള എല്ലാ ബന്ധവും യുഎസ് അവസാനിപ്പിച്ചിരുന്നു. ഒരു മാസത്തിനുള്ളില് ചൈനയ്ക്കെതിരെ ശക്തമായ നടപടിയെടുത്തില്ലെങ്കില് സംഘടനയ്ക്കു നല്കുന്ന ഫണ്ടുകള് വകമാറ്റുമെന്നും യുഎസ് പ്രസിഡന്റ് ഡോണള്ഡ് ട്രംപ് ഭീഷണിപ്പെടുത്തി.
ഡബ്ല്യുഎച്ച്ഒയുടെ ഏറ്റവും വലിയ ഫണ്ടിങ് സ്രോതസ്സ് യുഎസ് ആയിരുന്നു. അതിനാല്ത്തന്നെ യുഎസിന്റെ പിന്മാറ്റം സാമ്പത്തികമായി സംഘടനയെ ദുര്ബലമാക്കും. ട്രംപിന്റെ നീക്കം യൂറോപ്യന് യൂണിയനിലും പരിഭ്രമമുണ്ടാക്കി. മഹാമാരിയുടെ കാലത്ത് ഇങ്ങനൊരുനീക്കം നടത്തരുതെന്നും പുനഃപരിശോധിക്കണമെന്നും യൂറോപ്യന് യൂണിയന് ട്രംപിനോട് അഭ്യര്ഥിക്കുകയുമുണ്ടായി.
അതേസമയം, ട്രംപിന്റെ ഈ നീക്കം ഡബ്ല്യുഎച്ച്ഒ പോലുള്ള സംഘടനകളെ ചൈനയുടെ കൈവശമെത്തിക്കാനേ ഉപകരിക്കൂയെന്ന് ഇന്ത്യയുടെ മുന് വിദേശകാര്യ സെക്രട്ടറി വിജയ് ഗോഖലെ യുഎസ് മാധ്യമമായ ന്യൂയോര്ക്ക് ടൈംസിലെഴുതിയ ലേഖനത്തില് ചൂണ്ടിക്കാട്ടുന്നതായി വാര്ത്താ ഏജന്സിയായ ഐഎഎന്എസ് റിപ്പോര്ട്ട് ചെയ്തു. യുഎസ് ഇടറുകയും ലോകം പ്രതിസന്ധിയിലേക്കു കൂപ്പുകുത്തുകയും ചെയ്താല് ചൈനയ്ക്ക് ഡബ്ല്യുഎച്ച്ഒയും ഐക്യരാഷ്ട്രസംഘടനയും പോലുള്ളവയെ കൈപ്പിടിയിലൊതുക്കാനുള്ള അവസരമാണ് സംജാതമാകുന്നത്. കോവിഡ് മൂലം പ്രതിച്ഛായ മങ്ങിയിരിക്കുന്ന രാജ്യത്തെ എങ്ങനെയെങ്കിലും മികച്ചതായി കൊണ്ടുവരാനുള്ള പോരാട്ടത്തിലാണ് ചൈനയെന്ന് ഗോഖലയെ ഉദ്ധരിച്ച് ഐഎഎന്എസ് പറയുന്നു.
'ഹോങ്കോങ്ങിനെ കൈപ്പിടിയിലൊതുക്കാനുള്ള ചൈനയുടെ ശ്രമങ്ങളും ഈ ഘട്ടത്തില് ചേര്ത്തുവായിക്കപ്പെടണം. അവരുടെ ശ്രമങ്ങളെ രണ്ടു ഭാഗങ്ങളായി വിലയിരുത്തണം ഒന്ന് ആദ്യ ഘട്ടത്തില് തിരിച്ചടിയേറ്റെങ്കിലും കൊറോണ വൈറസിനെതിരെ ശക്തമായി പോരാടി വിജയിച്ച രാജ്യമെന്ന പ്രതിച്ഛായ മികച്ചരീതിയില് വില്ക്കാനാണ് അവരുടെ ശ്രമം. രണ്ട് ചൈനയുടെ പ്രതിച്ഛായ മോശമാക്കുന്നവര്ക്കെതിരെയുള്ള ആക്രമണം.
ലോകക്രമത്തെ പെട്ടെന്നു പിടിച്ചെടുത്തു പ്രശ്നങ്ങളുണ്ടാക്കാന് ചൈന ശ്രമിച്ചേക്കില്ല. പക്ഷേ, പതിയെ അതു മുഴുവനായി നേടിയെടുക്കാനാണു നീക്കമുണ്ടാവുക. ലോകനേതാവെന്ന തരത്തില് യുഎസ് പാലിച്ചുപോന്ന കര്ത്തവ്യം പെട്ടെന്ന് ഇട്ടിട്ടുപോകരുത്. ലോകത്തിന് അമേരിക്കയുടെ നേതൃത്വം ആവശ്യമുണ്ട്. സ്വാതന്ത്ര്യത്തിനും മനുഷ്യന്റെ അന്തസത്തയ്ക്കുമുള്ള ആദരവിനെ അവര് ഓര്മിപ്പിക്കുന്നു. ഇതു മനുഷ്യകുലത്തിന്റെ പങ്കാളിത്ത ഭാവിയിലേക്കുള്ള മികച്ച വഴിയായും മാറുന്നു.
എന്നാല് ബെയ്ജിങ് മോഡല് പ്രകാരം സ്വതന്ത്ര രാഷ്ട്രീയ തിരഞ്ഞെടുക്കലുകളില്ലാത്ത ഏകാധിപത്യ ഭരണം നടത്തുന്ന ഒരൊറ്റ പാര്ട്ടി ചിലര്ക്ക് ആകര്ഷകമായേക്കാം. അതൊരിക്കലും വിശാലമായി അനുകരിക്കാനാവില്ല. എന്നാല് എല്ലാവര്ക്കും എവിടെയും ജനാധിപത്യം പിന്തുടരാനാകും. പാശ്ചാത്യ ലോകത്തിന് ജനാധിപത്യത്തിന്റെ ആഗോള അധികാരത്തിന്മേല് വിശ്വാസം നഷ്ടപ്പെട്ടാല് ഇന്ത്യ മുതല് ഇന്തൊനീഷ്യ വരെ, ഘാന മുതല് യുറഗ്വായ് വരെ ചൈനയ്ക്ക് അതുപോലെതന്നെ ലോകത്തെ കീഴടക്കാം' ഗോഖലെ പറ
https://www.facebook.com/Malayalivartha