ഓണക്കാലത്തെ യാത്രാത്തിരക്ക് പരിഗണിച്ച് ബംഗളൂരുവിൽ നിന്ന് തിരുവനന്തപുരത്തേക്ക് സ്‌പെഷൽ ട്രെയിൻ പ്രഖ്യാപിച്ചു. ആകെ 20 കോച്ചുകളുള്ള ട്രെയിനാണ് പ്രഖ്യാപിച്ചത്. ഇതിൽ ഒരു എസി ചെയർ കാർ, മൂന്ന് എസി ത്രീ ടയർ കോച്ചുകൾ, 10 സ്ലീപ്പർ കോച്ചുകൾ, 4 ജനറൽ കോച്ചുകൾ എന്നിവ ഉൾപ്പെടുകയും ചെയ്യുന്നു.

20 വൈകുന്നേരം 5.10ന് ബംഗളൂരുവിൽ നിന്ന് പുറപ്പെട്ട് പിറ്റേന്ന് രാവിലെ 10 മണിക്ക് കൊച്ചുവേളിയിലെത്തും. 22 ഉച്ചയ്ക്ക് 12.40നാണ് മടക്കയാത്ര. 23-ാം തീയതി രാവിലെ 6 മണിക്ക് ബംഗളൂരുവിലെത്തുന്നതാണ്.

കൃഷ്ണരാജപുരം, ബംഗാരപേട്ട്, കുപ്പം, ജോലാർപേട്ട്, സേലം, ഈറോഡ്, തിരുപ്പൂർ, കോയമ്പത്തൂർ, പാലക്കാട്, ഷൊർണൂർ, തൃശൂർ, ആലുവ, എറണാകുളം, കോട്ടയം, ചങ്ങനാശേരി, തിരുവല്ല, ചെങ്ങന്നൂർ, മാവേലിക്കര, കായംകുളം, കരുനാഗപ്പള്ളി, കൊല്ലം, വർക്കല എന്നിവയാണ് പ്രധാന സ്റ്റോപ്പുകളുള്ളത്.