ഓണത്തിന്റെ വരവറിയിച്ച് ഇന്ന് തൃപ്പൂണിത്തുറ അത്തച്ചമയ ഘോഷയാത്ര... അത്താഘോഷ പരിപാടികളുടെ സംസ്ഥാന ഉദ്ഘാടനം മുഖ്യമന്ത്രി വി ഡി സതീശന് നിര്വഹിക്കും
അത്തം പിറന്നു, ഓണത്തിന്റെ വരവറിയിച്ച് ഇന്ന് തൃപ്പൂണിത്തുറ അത്തച്ചമയ ഘോഷയാത്ര. തൃപ്പൂണിത്തുറ ഗവ. ബോയ്സ് ഹയര് സെക്കന്ഡറി സ്കൂള് മൈതാനിയില് രാവിലെ 9 ന് അത്താഘോഷ പരിപാടികളുടെ സംസ്ഥാന ഉദ്ഘാടനം മുഖ്യമന്ത്രി വി ഡി സതീശന് നിര്വഹിക്കുന്നതാണ്.
ചലച്ചിത്ര താരം മനോജ് കെ ജയന് ഘോഷയാത്ര ഫ്ലാഗ് ഓഫ് ചെയ്യും. സംസ്ഥാനത്തിന്റെ വിവിധ ഭാഗങ്ങളില് നിന്നായി രണ്ടായിരത്തോളം കലാകാരന്മാരാണ് ഘോഷയാത്രയില് പങ്കെടുക്കുന്നത്.
അതേസമയം അവധി ദിവസമായതിനാല് വന് ജനത്തിരക്ക് ഉണ്ടാകാനാണ് സാധ്യതയേറെയാണ്. അതിനാല് തന്നെ വിപുലമായ സുരക്ഷാ സംവിധാനങ്ങളും ഗതാഗത ക്രമീകരണങ്ങളും ഏര്പ്പെടുത്തി.
അത്താഘോഷത്തിനെത്തുന്ന കാണികള്ക്ക് കുടിവെള്ളം, വാഹന പാര്ക്കിങ്, ടോയ്ലെറ്റ്, വൈദ്യസഹായം എന്നിവയും ഒരുക്കിയിട്ടുണ്ടെ്. സുരക്ഷാക്രമീകരണങ്ങള്ക്കും ഘോഷയാത്രയുടെ സുഗമമായ നടത്തിപ്പിനുമായി 500 ഓളം പൊലീസ്, വാളന്റിയര്മാര് എന്നിവരെ ചുമതലപ്പെടുത്തിയിട്ടുണ്ട്. വാഹനപാര്ക്കിങ് സൗകര്യം: തൃപ്പൂണിത്തുറ സംസ്കൃത കോളജ് ഗ്രൗണ്ട്, സംസ്കൃത സ്കൂള് ഗ്രൗണ്ട്, ഗവ. ഗേള്സ് ഹൈസ്കൂള് ഗ്രൗണ്ട്, എന്.എസ്.എസ്. കോളജ് ഗ്രൗണ്ട്, കരിങ്ങാച്ചിറ ചര്ച്ച് ഗ്രൗണ്ട്, ശ്രീവെങ്കിടേശ്വര സ്കൂള് ഗ്രൗണ്ട് എന്നിവിടങ്ങളിലാണ് പാര്ക്കിങ് സൗകര്യം ഏര്പ്പെടുത്തിയിട്ടുള്ളത്.
"
https://www.facebook.com/Malayalivartha
