രണ്ടാമത് ഇന്ത്യ ചൈന ലഫ്റ്റനന്റ് ജനറല് തല ചര്ച്ച പൂര്ത്തിയായി; ചൈനീസ് ഭാഗത്തെ മോള്ഡോയിലെ ക്യാമ്പിലായിരുന്നു ചര്ച്ച; ധാരണ ചൈന പാലിക്കാത്തതാണ് സംഘര്ഷമുണ്ടായത് എന്ന് വ്യക്തമാക്കി ഇന്ത്യ;
സംഘര്ഷ കലുഷിചത സാഹചര്യത്തിലും രണ്ടാമത് ഇന്ത്യ ചൈന ലഫ്റ്റനന്റ് ജനറല് തല ചര്ച്ച പൂര്ത്തിയായി. ഇന്ത്യ - ചൈന അതിര്ത്തിയില് ലൈന് ഓഫ് ആക്ച്വല് കണ്ട്രോള് യുടെ ചൈനീസ് ഭാഗത്തെ മോള്ഡോയിലെ ക്യാമ്പിലാണ് കമാന്ഡര് തല ചര്ച്ച നടന്നത്. നാളെ വിദേശകാര്യമന്ത്രിമാരുടെ യോഗം നടക്കുന്നതിന് മുമ്പായിരുന്നു സേനാതലത്തിലെ ഉന്നതതല യോഗം. മെയ് നാലിനു മുമ്പുള്ള സാഹചര്യം അതിര്ത്തിയില് പുനഃസ്ഥാപിക്കണമെന്ന് ഇന്ത്യ ചര്ച്ചയില് ശക്തമായി ആവശ്യപ്പെട്ടു. നിയന്ത്രണരേഖയില് നിന്ന് പിന്മാറണമെന്നും ഇന്ത്യന് സൈന്യം ചൈനയോട് ആവശ്യപ്പെട്ടിട്ടുണ്ട്.
കഴിഞ്ഞയാഴ്ചത്തെ സംഘര്ഷത്തില് ചൈനീസ് കമാന്ഡിംഗ് ഓഫീസറും കൊല്ലപ്പെട്ടു എന്ന് ചൈന വ്യാഴാഴ്ച നടന്ന സേനാതല ചര്ച്ചകളില് സമ്മതിച്ചുവെന്നാണ് സൂചന. ഇതിനിടെ സിക്കിമില് നടന്ന സംഘര്ഷത്തിന്റെ ചില സ്ഥിരീകരിക്കാത്ത ദൃശ്യങ്ങളും ഇന്ന് പുറത്തുവന്നു. ഈ മാസം ആറിന് ആദ്യ ഇന്ത്യ ചൈന കമാന്ഡര് തല ചര്ച്ച കിഴക്കന് ലഡാക്കില് നടന്നിരുന്നു. അന്ന് അതിര്ത്തിയില് നിന്ന് പിന്മാറാന് ഉണ്ടാക്കിയ ധാരണ ചൈന പാലിക്കാത്തതാണ് പിന്നീട് സംഘര്ഷത്തിലേക്ക് നയിച്ചത്. കഴിഞ്ഞയാഴ്ച മേജര് ജനറല് തലത്തിലുള്ള ചര്ച്ചയ്ക്കു ശേഷമാണ് ഇന്ന് കമാന്ഡര്മാര് തന്നെ വീണ്ടും യോഗം ചേര്ന്നത്.
അതേസമയം 'പോരാടാന് പിറന്നവര്, അവര് അതുതന്നെ ചെയ്യും, അവര് ബാറ്റല്ല (വവ്വാല്), ബാറ്റ്മാന്' ചൈനയെ പരിഹസിച്ച് ബിഹാര് റജിമെന്റിന്റെ വിജയഗാഥ പറയുന്ന വിഡിയോ ട്വീറ്റ് ചെയ്ത് സൈന്യത്തിന്റെ നോര്ത്തേണ് കമാന്ഡ്. ഗല്വാന് താഴ്വരയില് ചൈനീസ് സൈന്യത്തിന്റെ കടന്നുകയറ്റം ധീരമായി നേരിട്ട് വീരമൃത്യു വരിച്ചത് ബിഹാര് റജിമെന്റിലെ ജവാന്മാരാണ്. ഒരു മിനിറ്റ് 57 സെക്കന്ഡ് ദൈര്ഘ്യമുള്ള വിഡിയോ ക്ലിപ്പാണ് ട്വീറ്റ് ചെയ്തിരിക്കുന്നത്. 21 വര്ഷം മുന്പ് കാര്ഗില് യുദ്ധത്തില് ബിഹാര് റെജിമെന്റ് നേടിയ വിജയം ആഘോഷിക്കുന്ന വിഡിയോയാണിത്. ഗല്വാന് പോരാട്ടത്തെക്കുറിച്ച് ഇതില് പരാമര്ശമില്ല. എന്നാല് ചൈനയെ പരിഹസിക്കാന് മറന്നിട്ടുമില്ല. 1857, 1948, 1965, 1971, 1999 എന്നീ വര്ഷങ്ങളില് രാജ്യത്തിനു വേണ്ടി ബിഹാര് റെജിമെന്റ് നടത്തിയിട്ടുള്ള ധീരമുന്നേറ്റങ്ങളാണു വിഡിയോയ്ക്ക് ആധാരം.
https://www.facebook.com/Malayalivartha
