സുരക്ഷാ സേനയെ ലക്ഷ്യമിട്ട് റോഡില് ബോംബ് വയ്ക്കവേ സ്ഫോടനം: പാക്ക് ഐഎസ് മേധാവി കൊല്ലപ്പെട്ടു
ഇസ്ലാമിക് സ്റ്റേറ്റിന്റെ(ഐഎസ്) പാക്കിസ്ഥാന് മേധാവി ഹാഫിസ് മുഹമ്മദ് സയീദ് സുരക്ഷാ സേനയെ ലക്ഷ്യമിട്ട് റോഡില് ബോംബു വയ്ക്കവേ അതു പൊട്ടിത്തെറിച്ചു കൊല്ലപ്പെട്ടു. ഖൈബര് ഗോത്ര മേഖലയിലെ ടൂര് ദാര മേഖലയിലുണ്ടായ ശക്തമായ സ്ഫോടനത്തില് സയീദിന്റെ രണ്ടു കൂട്ടാളികളും മരിച്ചതായി പാക്ക് സേനാ വൃത്തങ്ങള് അറിയിച്ചെങ്കിലും സയീദിന്റെ മരണം ഐഎസ് സ്ഥിരീകരിച്ചിട്ടില്ല.
നേരത്തേ പാക്ക് താലിബാന് കമാന്ഡറായിരുന്ന ഹാഫിസ് സയീദ് കഴിഞ്ഞ ഒക്ടോബറിലാണ് മറ്റു നാലു പ്രമുഖര്ക്കൊപ്പം താലിബാന് ബന്ധം ഉപേക്ഷിച്ച് ഐഎസില് ചേര്ന്നത്. തുടര്ന്ന് ഐഎസ്, സയീദിനെ അവരുടെ പാക്ക് ഘടകത്തിന്റെ മേധാവിയായി നിയമിച്ചു.
യെമനിലെ അല്ഖായിദ തലവന് ഇബ്രാഹീം അല് റുബായ്ഷ കഴിഞ്ഞ ദിവസം യുഎസ്-ന്റെ പൈലറ്റില്ലാ വിമാനത്തില് നിന്നുള്ള മിസൈല് ആക്രമണത്തില് കൊല്ലപ്പെട്ടിരുന്നു. ദക്ഷിണ യെമനില് വാഹനത്തില് സഞ്ചരിക്കവേയാണ് അല്ഖായിദയുടെ താത്ത്വികാചാര്യരില് പ്രമുഖനായിരുന്ന റുബായ്ഷ മറ്റ് അഞ്ചു ഭീകരരോടൊപ്പം കൊല്ലപ്പെട്ടത്.
യുഎസിനെക്കാള് ഇസ്ലാമിന്റെ ശത്രു ഫ്രാന്സാണെന്ന ഇബ്രാഹീം അല് റുബായ്ഷയുടെ ജനുവരിയിലെ പ്രസ്താവന ഏറെ ശ്രദ്ധ നേടിയിരുന്നു. ഇയാളുടെ തലയ്ക്കു യുഎസ് 50ലക്ഷം ഡോളര് വിലയിട്ടിരുന്നു. ഇയാള് ഫ്രാന്സിനെ ആക്രമിക്കാന് ആഹ്വാനം നല്കിയതിനു തൊട്ടുപിന്നാലെയാണ് ഫ്രാന്സില് ഷാര്ളി എബ്ദോ മാസികയുടെ ഓഫിസിനു നേരെ ആക്രമണം നടന്നത്.
റുബായ്ഷയുമായി ബന്ധപ്പെട്ടു രണ്ടു വര്ഷം മുന്പ് കേരളത്തിലുണ്ടായ വിവാദവും ശ്രദ്ധേയമായിരുന്നു.2013ല് കാലിക്കറ്റു സര്വകലാശാല രണ്ടാം വര്ഷ ഇംഗ്ലീഷ് ബിരുദ വിദ്യാര്ഥികളുടെ പാഠപുസ്തകത്തില് ഇയാളുടെ \'ഓഡ് ടു ദ് സി എന്ന കവിത ഉള്ക്കൊള്ളിച്ചിരുന്നു.മാധ്യമങ്ങള് ഇക്കാര്യം വെളിച്ചത്തുകൊണ്ടു വന്നതിനെ തുടര്ന്നു കാലിക്കറ്റു സര്വകലാശാല ഇതൊഴിവാക്കി.ഉടനെ മനുഷ്യാവകാശപ്പോരാളിയുടെ കവിത ഒഴിവാക്കിയെന്നു പറഞ്ഞ് ഒരു സംഘം എഴുത്തുകാര് രംഗത്തെത്തി.അമേരിക്കന് സാമ്രാജ്യത്വം, ഗ്വാണ്ടനാമോ ജയിലിലടച്ച ധീരപോരാളിയുടെ കവിതയായി ഇതിനെ കാണണമെന്നായിരുന്നു അവരുടെ വാദം.
ഗ്വാണ്ടനാമോ ജയിലില് നിന്നു മോചിതനായപ്പോള് റുബായ്ഷ അല്ഖായിദയില് ചേര്ന്നു ജിഹാദ് പോരാട്ടം നടത്തിവരികയായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivarthahttps://www.facebook.com/Malayalivartha
