യെമനിലെ വ്യോമാക്രമണം അവസാനിപ്പിക്കാന്‍ സൗദി തീരുമാനിച്ചതായി സൂചന. സഖ്യസേനയുടെ നേതൃത്വം വഹിക്കുന്ന സൗദി യെമനിലെ നടപടികള്‍ അടുത്ത ഘട്ടത്തിലേക്ക് കടക്കുന്നതായി പ്രഖ്യാപിച്ചു. അതേ സമയം രാജ്യത്തിന്റെ യെമനോടു ചേര്‍ന്നുള്ള അതിര്‍ത്തിയില്‍ ആശങ്കപ്പെടാനൊന്നുമില്ലെന്നും, ശാന്തമാണെന്നും സൗദി വിലയിരുത്തിയതായും റിപ്പോര്‍ട്ടുകളുണ്ട്. ഇതും സമാധാനത്തിന്റെ പാതയിലേക്കുള്ള ശ്രമങ്ങളുടെ ആരംഭമായാണ് നിരീക്ഷകര്‍ വിലയിരുത്തുന്നത്. യെമനിലെ കഴിഞ്ഞ 27 ദിവസമായുള്ള സഖ്യകക്ഷികളുടെ വ്യോമാക്രണത്തില്‍ ഹൂതികളുടെ ശക്തി കേന്ദ്രങ്ങള്‍ തകര്‍ത്തിരുന്നു.

ഇതുവരെ സംഘര്‍ഷത്തില്‍ ആയിരത്തിനടുത്താളുകള്‍ കൊല്ലപ്പെട്ടതായി ലോകാരോഗ്യ സംഘടന റിപ്പോര്‍ട്ട് ചെയ്തിരുന്നു. ഇറാന്റെ സഹായത്തോടെ ഹൂതി വിമതരാണ് കലാപം ആരംഭിച്ചത്, യെമന്‍ തലസ്ഥാനമായ സന വിമതര്‍ കയ്യടക്കിയതോടെയാണ് സൗദിയുടെ നേതൃത്വത്തിലുള്ള സഖ്യസേന ഹൂതികള്‍ക്കെതിരെ വ്യോമാക്രമണം ആരംഭിച്ചത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha