ഭൂകമ്പം കശക്കിയെറിഞ്ഞ നേപ്പാളിനെ ഭൂമിയിലെ നരകമാക്കി മാറ്റുന്ന രീതിയില്‍ കച്ചവടക്കാര്‍. കവറില്‍ 212 രൂപ പ്രിന്റ് ചെയ്ത പാല്‍പ്പൊടി പായ്ക്കറ്റിന് വില 400 രൂപ, 800 രൂപയ്ക്ക് പോയിരുന്ന ദൂരം യാത്ര ചെയ്യാന്‍ ഇപ്പോള്‍ ടാക്‌സി െ്രെഡവര്‍മാര്‍ ചോദിക്കുന്നത് 5000 രൂപ. ഭൂചലനം തകര്‍ത്തെറിഞ്ഞതോടെ പുര കത്തുമ്പോള്‍ വാഴ വെട്ടുന്നവരുടെ എണ്ണം കൂടിയത് നേപ്പാളില്‍ ജനജീവിതം കൂടുതല്‍ ദുരിതമാക്കുന്നു. കിട്ടാക്കനിയായതോടെ അവശ്യവസ്തുക്കള്‍ക്ക് പോലും പൊന്നുംവിലയായി.
നെസ്‌ലേയുടെ പാല്‍പ്പൊടി പായ്ക്കറ്റിന് മുകളില്‍ ഇരട്ടിവിലയുടെ സ്റ്റിക്കര്‍ പതിച്ചാണ് വില്‍പ്പന നടത്തുന്നത്. ജീവഹാനിയും നാശനഷ്ടവും കൊണ്ട് നരകമായി മാറിയ നേപ്പാളിലെ ഏറ്റവും പുതിയ പ്രതിസന്ധി വിലക്കയറ്റം തന്നെയാണ്. ചെറുകിടക്കാരും മൊത്തക്കച്ചവടക്കാരും, ഹോട്ടലുകാരും, ടാക്‌സി െ്രെഡവര്‍മാരും, റിക്ഷാവാലകളുമെല്ലാം ഈ അവസരത്തെ പണം കൊയ്യാനുള്ള അവസരമാക്കി മാറ്റുകയാണെന്നാണ് അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്തിരിക്കുന്നത്.
പച്ചക്കറി വില 50 ശതമാനമാണ് കൂടിയത്. ചിലയിടങ്ങളില്‍ മാത്രം ലഭ്യമാകുന്ന മാംസം ഏറ്റവും ചെലവേറിയ വസ്തുക്കളില്‍ ഒന്നാണ്. അതേസമയം കൃത്രിമ ക്ഷാമം സൃഷ്ടിച്ച് സാധനത്തിന് വിലക്കയറ്റം ഉണ്ടാക്കിയാല്‍ കര്‍ശന നടപടി നേരിടേണ്ടി വരുമെന്ന് ആഭ്യന്തരമന്ത്രാലയം മുന്നറിയിപ്പ് നല്‍കിയിട്ടുണ്ട്. വിവിധ സര്‍ക്കാര്‍ ഏജന്‍സികളേയും ഇക്കാര്യം ഉറപ്പാക്കാന്‍ സജ്ജമാക്കിയിട്ടുണ്ട്.

ഇന്ധന ദൗര്‍ലഭ്യത്തിന്റെ പ്രശ്‌നം നേരിടുന്നില്ലെന്നും അതുകൊണ്ട് തന്നെ യാത്രാ നിരക്ക് കൂട്ടേണ്ട സാഹചര്യമില്ലെന്നും നേപ്പാള്‍ പോലീസ് വിഭാഗം പറയുന്നു. എങ്ങും തിക്കും തിരക്കുമാണ്. ആഹാരസാധനങ്ങള്‍ വാങ്ങുന്നതിനായി കടകളിലും തിരക്കാണ്.
വീടുകള്‍ തകര്‍ന്ന് അനേകര്‍ തെരുവില്‍ കഴിയാന്‍ നിര്‍ബ്ബന്ധിതമാകുമ്പോള്‍ കാഠ്മണ്ഡുവിലെ അമേരിക്കന്‍ ഉടമസ്ഥതയിലുള്ള ഫൈവസ്റ്റാര്‍ ഹോട്ടല്‍ ധനികരെ മാത്രമാണ് സഹായിക്കുന്നതെന്ന് ആരോപണം ഉയരുന്നുണ്ട്. ഏക്കറുകള്‍ വരുന്ന ഹോട്ടല്‍ പരിസരങ്ങളില്‍ പോലും സാധാരണക്കാരെ അടുപ്പിക്കുന്നില്ലെന്നാണ് പരാതികള്‍. ഇതേ തുടര്‍ന്ന് നാട്ടുകാരോട് ഇത്തരം ഹോട്ടല്‍ ബഹിഷ്‌ക്കരിക്കാനുള് ലാമയുടെ ഫേസ്ബുക്ക് പോസ്റ്റിന് ആയിരക്കണക്കിന് ഷെയറുകളാണ് ഉണ്ടായിരിക്കുന്നത്. താല്‍ക്കാലിക ടെന്റുകള്‍ തയ്യാറാക്കി അവിടെ താമസിച്ചു കൊണ്ട് തകര്‍ന്ന അവശിഷ്ടങ്ങള്‍ക്കിടയില്‍ തങ്ങളുടെ ഉറ്റവരെ തെരയുകയാണ് നേപ്പാളുകാര്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha