രണ്ടാം തരംഗമായി കോവിഡ്​ വീണ്ടും ലോകം ജയിച്ചുതുടങ്ങിയതോടെ ഓഫീസിലെത്തി ജോലി ചെയ്​തിരുന്നവർ ഓൺലൈനായതി​െൻറ ഗുണം പിന്നെയും ഇരട്ടി ലാഭമാക്കി മാറ്റി ഗൂഗ്​ൾ​. മാതൃകമ്പനിയായ ആൽഫബെറ്റി​െൻറ 2021 ആദ്യപാദത്തിലെ വരുമാനം മാത്രം കഴിഞ്ഞ വർഷം സമാന കാലയളവിനെ അപേക്ഷിച്ച്​ 34 ശതമാനമാണ്​ വർധിച്ചത്​- 5530 കോടി ഡോളർ അതായത് 4,11,639.65 കോടി രൂപ.

ആളുകൾ കൂടുതലായി ഓൺലൈനിലെത്തിയതോടെ പരസ്യ വരുമാനം കുത്തനെ കൂടിയതാണ്​ ഗൂ​ഗി​ളിന്​ നേട്ടമായത്​. സമാന കാലയളവിലെ ലാഭം ഇരട്ടിയായും വർധിച്ചു- 1793 കോടി ഡോളർ. കമ്പനി ലാഭമുണ്ടാക്കുന്ന തുടർച്ചയായ മൂന്നാം സാമ്പത്തിക പാദവർഷമാണിത്​.

യൂടൂബ്​ വരുമാനമായി മാത്രം 600 കോടി ഡോളറാണ്​ ഈ കാലയളവിൽ ഗൂ​ഗിളിന്​ ലഭിച്ചത്​. അതും 49 ശതമാനം വർധന. കൊറോണ ആദ്യമായി ലോകത്തെ ഭീതിയിലാഴ്​ത്തിയ കഴിഞ്ഞ വർഷം ആദ്യ പാദത്തിൽ നേരിയ തളർച്ച കാണിച്ച ഗൂ​ഗി​ളും ആൽഫബെറ്റും വർഷം പൂർത്തിയായതോടെ മികച്ച വരുമാനമുണ്ടാക്കിയിരുന്നു.

വിവിധ രാജ്യങ്ങൾ ലോക്​ഡൗണിലായതാണ്​ അനുഗ്രഹമായതെന്നും ഇവ എടുത്തു മാറ്റുന്നതോടെ നേട്ടം തുടരാനാകില്ലെന്നും ആൽഫബെറ്റ്​ ചീഫ്​ ഫിനാൻഷ്യൽ ഓഫീസർ റത്​ പൊറട്ട്​ വ്യക്തമാക്കി.

ഗൂ​ഗിൾ നൽകുന്ന ക്ലൗഡ്​ കമ്പ്യൂട്ടിങ്​ സേവനം മഹാമാരി കാലത്ത്​ ഏറ്റവും കൂടുതൽ ജനപ്രീതി നേടിയതാണ്​. ​ജീവനക്കാർ അവരവരുടെ വീടുകളിൽ ജോലി ചെയ്യുന്ന സംവിധാനമായതോടെ കമ്പനികൾ സ്വന്തം ​സംവിധാനങ്ങളിൽ വിവരങ്ങൾ സൂക്ഷിക്കുന്നതിന്​ പകരം ഗൂ​ഗി​ൾ ക്ലൗഡ്​ സേവനം പ്രയോജനപ്പെടുത്തുന്നത്​ കുത്തനെ കൂടിയിരുന്നു. 46 ശതമാനമാണ്​ ക്ലൗഡ്​ ബിസിനസ്​ വരുമാന വർധന. പക്ഷേ, ആമസോണും മൈക്രോസോഫ്​റ്റുമാണ്​ ക്ലൗഡ്​ സേവനങ്ങളിൽ ബഹുദൂരം മുന്നിലുള്ളത്​.

വരുമാനം കൂടിയ ആൽഫബെറ്റ്​ പുതുതായി കൂടുതൽ ഓഫീസുകളും ഡേറ്റ സെൻററുകളും തുടങ്ങുമെന്നും 10,000 അധിക തൊഴിലുകൾ സൃഷ്​ടിക്കുമെന്നും ഗൂ​ഗിൾ സി.ഇ.ഒ സുന്ദർ പിച്ചൈ അറിയിച്ചു. വിവിധ മേഖലകളിൽ ഗൂ​ഗിൾ വിവിധ രാജ്യങ്ങളിൽ കേസുകൾ നേരിടുന്നതിനിടെയാണ്​ റെക്കോഡ്​ പരസ്യവരുമാന വർധന.

ഫെബ്രുവരിയിൽ കമ്പനിക്കു കീഴിലെ ഏഷ്യൻ, വനിത ജീവനക്കാർക്ക്​ 260 കോടി ഡോളർ നഷ്​ട പരിഹാരം നൽകുമെന്ന്​ ഗൂ​ഗി​ൾ പ്രഖ്യാപിച്ചിരുന്നു. പക്ഷേ, ഇത്തരം പ്രതിസന്ധികളൊന്നും കമ്പനിയുടെ കുതിപ്പിൽ കാര്യമായ ക്ഷീണമുണ്ടാക്കുന്നില്ലെന്നാണ്​ പുതിയ റിപ്പോർട്ട്​ നൽകുന്ന സൂചന.