ഇസ്രായേലിനെതിരെ പടയൊരുക്കം: ഇസ്ലാമിക രാജ്യങ്ങള് ഒന്നിക്കണമെന്ന് എര്ദോഗന്, ചര്ച്ചയ്ക്കൊരുങ്ങി പാകിസ്താന്
പലസ്തീന് ഭീകരര്ക്കെതിരായ ഇസ്രായേലിന്റെ അധിനിവേശം തടയാന് ഇസ്ലാമിസ്റ്റ് രാജ്യങ്ങള് ഒന്നിക്കണമെന്ന് ആവശ്യപ്പെട്ട് തുര്ക്കി പ്രസിഡന്റ് രജപ് ത്വയ്ബ് എര്ദോഗന്.
ഇസ്രായേലിനെതിരെ പ്രതികരിക്കാന് തുര്ക്കി മുസ്ലീം രാജ്യങ്ങള്ക്കൊപ്പം ചേര്ന്ന് പ്രവര്ത്തിക്കുമെന്നും എര്ദോഗന് പറഞ്ഞു . വിവിധ ഇസ്ലാം രാജ്യങ്ങളിലെ ഭരണകര്ത്താക്കളുമായി എര്ദോഗന് ഇസ്രായേലിനെതിരായ നീക്കങ്ങളെ പറ്റി സംസാരിച്ചതായും റിപ്പോര്ട്ടുകളുണ്ട്.
ജോര്ദാനിലെയും കുവൈത്തിലെയും നേതാക്കളുമായും, ഖത്തറിലെ അമീര്, ഷെയ്ഖ് തമീം ബിന് ഹമദ് അല് താനി, മലേഷ്യന് രാജാവ് അബ്ദുല്ല സുല്ത്താന് അഹ്മദ് ഷാ എന്നിവരുമായും സംസാരിച്ച എര്ദോഗന് ഇസ്രായേലിനെതിരെ ശക്തമായ നടപടി സ്വീകരിക്കുമെന്നും മാധ്യമങ്ങളോട് പറഞ്ഞു.
പലസ്തീന് ഇസ്ലാമിക മതമൗലികവാദ ഗ്രൂപ്പായ ഹമാസിന് പൂര്ണ്ണ പിന്തുണയുമായി എര്ദോഗന് നേരത്തേ രംഗത്ത് വന്നിരുന്നു. പലസ്തീന് അതോറിറ്റി പ്രസിഡന്റ് മഹമൂദ് അബ്ബാസ്, ഹമാസ് പൊളിറ്റിക്കല് ബ്യൂറോ ചീഫ് ഇസ്മായില് ഹനിയേയുമായും എര്ദോഗന് സംസാരിച്ചിരുന്നു.
എല്ലായ്പ്പോഴും പലസ്തീന് തുര്ക്കി പിന്തുണ നല്കുമെന്നും അവരോടൊപ്പം നില്ക്കുമെന്നും എര്ദോഗന് ഹമാസിന് വാഗ്ദാനം നല്കിയതായാണ് റിപ്പോര്ട്ട് . എര്ദോഗന് തങ്ങളുടെ ഒരേയൊരു 'രക്ഷകന്' ആണെന്ന് പാലസ്തീനികളും വിശ്വസിക്കുന്നുണ്ട്.
അതേസമയം, തുര്ക്കിയിലെയും, സൗദി അറേബ്യയിലെയും ഭരണ കര്ത്താക്കളുമായി സംസാരിക്കാന് പാകിസ്താന് പ്രധാനമന്ത്രി ഇമ്രാന് ഖാന് വിദേശകാര്യമന്ത്രി ഷാ മഹമൂദ് ഖുറേഷിക്ക് നിര്ദേശം നല്കി. സ്ഥിതി ഗതികള് ചര്ച്ച ചെയ്യാന് ഓര്ഗനൈസേഷന് ഓഫ് ഇസ്ലാമിക് കോര്പ്പറേഷന്റെ സ്ഥിരം പ്രതിനിധികളുടെ അടിയന്തരയോഗവും ജിദ്ദയില് ചേര്ന്നിട്ടുണ്ട്.
https://www.facebook.com/Malayalivartha
