ഇന്ത്യൻ കൊറോണ വൈറസ് വകഭേദങ്ങള്‍ കുട്ടികളെ കൂടുതല്‍ ബാധിക്കുമെന്ന ആശങ്കയെ തുടര്‍ന്ന്​ സിംഗപ്പൂരില്‍ ബുധനാഴ്ച മുതല്‍ സ്കൂളുകള്‍ അടക്കും. മാസങ്ങളോളം കോവിഡ്​ കേസുകള്‍ പൂ​ജ്യത്തിലെത്തിയെങ്കിലും പ്രാദേശികമായി വീണ്ടും വ്യാപനം സ്​ഥിരീകരിച്ചതിനാല്‍ സര്‍ക്കാര്‍ നിയന്ത്രണങ്ങള്‍ കര്ഷണമാക്കുവാൻ തുടങ്ങിയത്.

പ്രൈമറി, സെക്കന്‍ഡറി സ്കൂളുകളും ജൂനിയര്‍ കോളജുകളും ബുധനാഴ്ച മുതല്‍ മേയ് 28 വരെ ഒാണ്‍ലൈന്‍ ക്ലാസുകളിലേക്ക്​ മാറുമെന്ന്​ അധികൃതര്‍ വ്യക്തമാക്കി. കഴിഞ്ഞദിവസം സിംഗപ്പൂരില്‍ 38 കോവിഡ്​ കേസുകള്‍ സ്ഥിരീകരിച്ചിരുന്നു.

ഇത് എട്ട് മാസത്തിനിടയിലെ ഏറ്റവും ഉയര്‍ന്ന പ്രതിദിന നിരക്കാണ്. ഇതില്‍ ട്യൂഷന്‍ സെന്‍ററിലെ ക്ലാസില്‍ പ​െങ്കടുത്ത എട്ട്​ കുട്ടികളുംഉൾപ്പെടുന്നതിനാലാണ് ഇത്തരത്തിൽ നിയന്ത്രണങ്ങൾ വർധിപ്പിക്കുന്നത്.

'ഇന്ത്യയില്‍ കണ്ടെത്തിയ ബി.1.617 വൈറസ്​ വകഭേദം കുട്ടികളെ കൂടുതല്‍ ബാധിക്കുന്നതായി സൂചനയുണ്ട്​. ഇത് ആശങ്കയുണ്ടാക്കുന്ന കാര്യമാണ്. അതേസമയം, രോഗബാധിതരായ കുട്ടികളുടെ നില ഗുരുതമല്ല' എന്ന് വിദ്യാഭ്യാസ മന്ത്രി ചാന്‍ ചുന്‍ സിംഗ് പറഞ്ഞു. 16 വയസ്സിന് താഴെയുള്ളവര്‍ക്ക് പ്രതിരോധ കുത്തിവെപ്പ്​ നല്‍കാനുള്ള പദ്ധതികളും സിംഗപ്പൂര്‍ ആസൂത്രണം നടത്തുകയാണ്

കോവിഡ്​ കേസുകള്‍ വീണ്ടും റിപ്പോര്‍ട്ട്​ ചെയ്യാന്‍ തുടങ്ങിയതോടെ ഹോ​േങ്കാങ്ങുമായുള്ള എയര്‍ ബബിള്‍ സംവിധാനവും ഇല്ലാതാകാന്‍ സാധ്യതയേറി​. മേയ്​ 26 മുതലാണ്​ ഇരു രാജ്യങ്ങളും തമ്മില്‍ യാത്രകള്‍ പുനരാരംഭിക്കാന്‍ തീരുമാനിച്ചിരുന്നത്​.

വ്യാപനം കുറക്കുന്നതി​െന്‍റ ഭാഗമായി സിംഗപ്പൂരില്‍ പൊതുസമ്മേളനങ്ങള്‍ക്ക്​ നിയന്ത്രണമേര്‍പ്പെടുത്തി. റെസ്റ്റോറന്‍റുകളില്‍ ഭക്ഷണംകഴിക്കലും ജിമ്മുകളുടെ പ്രവര്‍ത്തനവും നിരോധിച്ചു.

അതേസമയം, കോവിഡിനെ മികച്ച രീതിയില്‍ കൈകാര്യം ചെയ്​ത നാടുകളില്‍ സിംഗപ്പൂര്‍ ഇപ്പോഴും മുന്‍പന്തിയില്‍ തന്നെയാണ്​. 5.7 ദശലക്ഷം ജനങ്ങളുള്ള ഇവിടെ ഇതുവരെ 61,000 കേസുകളും 31 മരണങ്ങളുമാണ്​ റിപ്പോർട്ട് ചെയ്തിരിക്കുന്നത്.