'വെറുപ്പിന് ഇവിടെ അഭയമില്ല'', ''വെറുപ്പിനു മേല് സ്നേഹം'! കാനഡയില് ഭീകരാക്രമണത്തില് കരുതിക്കിയരയായ കുടുംബത്തിന് പിന്തുണ അറിയിച്ച് ആയിരങ്ങളുടെ ഏഴു കിലോമീറ്റര് മാര്ച്ച്
കാനഡയില് പിക് അപ് ട്രക് ഓടിച്ചു കയറ്റി കൊല ചെയ്ത മുസ്ലിം കുടുംബത്തിന് പിന്തുണയുമായി ആയിരങ്ങള്. നടക്കാനിറങ്ങിയ അഞ്ചംഗ കുടുംബത്തിലെ നാലു പേര്ക്കു മേലാണ് നഥാനിയേല് വെല്റ്റ്മാന് എന്ന 20 കാരന് ട്രക് ഓടിച്ചുകയറ്റിയത്. ഇവര്ക്കൊപ്പമുണ്ടായിരുന്ന ഒമ്പത്വയസ്സുകാരന് അദ്ഭുതകരമായി രക്ഷപ്പെട്ടു.
തെക്കു പടിഞ്ഞാറന് പ്രവിശ്യയായ ഒണ്ടേറിയോയിലെ ലണ്ടന് പട്ടണത്തില് ഏഴു കിലോമീറ്റര് ദൂരം നടന്നാണ് ആയിരങ്ങള് കുടുംബത്തിന് പിന്തുണ അറിയിച്ചത്. ഭീകരാക്രമണം നടന്ന സ്ഥലത്തു നിന്ന് പരിസരത്തെ മസ്ജിദ് വരെയായിരുന്നു റാലി. 'വെറുപ്പിന് ഇവിടെ അഭയമില്ല'', ''വെറുപ്പിനു മേല് സ്നേഹം'' എന്നിങ്ങനെ പ്ലക്കാര്ഡുകള് ഇവര് കൈയിലേന്തി.
30,000 മുസ്ലിം ജനസംഖ്യയുള്ള പ്രദേശമാണ് കാനഡയിലെ ലണ്ടന് പട്ടണം. വിവിധ മത വിഭാഗങ്ങളുടെ പങ്കാളിത്തത്തോടെയായിരുന്നു റാലി. ലണ്ടനു പുറമെ ടോറന്റോ, ഓട്ടവ, മോന്ട്രിയാല്, ക്യുബെക് എന്നിവിടങ്ങളിലും സമാനമായി പ്രകടനങ്ങള് നടന്നു.
ഭീകരാക്രമണം നടത്തിയ വെല്റ്റ്മാനെ വ്യാഴാഴ്ച കോടതിയില് ഹാജരാക്കി. നാലു കൊലക്കുറ്റവും ഒരു വധശ്രമ കേസുമാണ് ഇയാള്ക്കെതിരെ പൊലീസ് ചുമത്തിയിരിക്കുന്നത്. കൊലപാതകം ഭീകരാക്രമണമാണെന്ന് കാനഡ പ്രധാനമന്ത്രി ജസ്റ്റീന് ട്രൂഡോ കുറ്റപ്പെടുത്തിയിരുന്നു. ആസൂത്രിതമായാണ് കൊലപാതകം നടന്നതെന്ന് അന്വേഷണം നടത്തുന്ന പൊലീസ് ഉദ്യോഗസ്ഥന് പോള് വെയ്റ്റ് പറഞ്ഞു.
https://www.facebook.com/Malayalivartha