യുക്രൈന് യൂറോപ്യന് യൂണിയനില് അംഗത്വം; പുടിന് കട്ട കലിപ്പില്; ലക്ഷ്യം നേടിയെടുത്ത് സെലന്സ്കി; റഷ്യയ്ക്ക് കിട്ടിയത് എട്ടിന്റെ പണി
യുക്രൈന് ആഴ്ചകള്ക്കുള്ളില് യൂറോപ്യന് യൂണിയനില് ഔദ്ധ്യോഗിക അംഗമാകാമെന്ന് യൂറോപ്യന് യൂണിയന് മേധാവി ഉര്സുല വോണ് ഡെര് ലെയ്ന്. ഇതിനായി യുക്രൈന് എല്ലാ സഹായങ്ങളും വാഗ്ദാനം ചെയ്തിരിക്കുകയാണ് ഉര്സുല. നാറ്റോയില് അംഗത്വം വേണമെന്ന ആവശ്യം യുക്രൈന് നിരന്തരം ആവശ്യപ്പെട്ട് തുടങ്ങിയതിനാലാണ് തങ്ങള് യുക്രൈനിലേക്കുള്ള സൈനിക നടപടി ആരംഭിച്ചതെന്നാണ് റഷ്യ അവകാശപ്പെടുന്നത്. മുന് സോവിയേറ്റ് യൂണിയന് രാജ്യമായ യുക്രൈന്, ഏഷ്യായൂറോപ്പ് വന്കരകളുടെ ഇടയിലുള്ള ഭൂഭാഗമാണ്. അതിനാല് തന്നെ യൂറോപ്പ്യന് യൂണിയനും പുറത്താണ് യുക്രൈന്റെ സ്ഥാനം. യുക്രൈനിന് നാറ്റോ അംഗത്വം ലഭിച്ചാല് അത് തങ്ങളുടെ അതിര്ത്തികളെ അസ്ഥിരമാക്കുമെന്ന ഭയമാണ് പുടിനെ യുക്രൈന് അക്രമിക്കാന് പ്രേരിപ്പിച്ചതും.
യുദ്ധത്തിനിടെ കനത്ത നാശം നേരിടേണ്ടിവന്ന യുക്രൈന് നാറ്റോ പ്രവേശനം നടന്നില്ലെങ്കിലും തങ്ങള്ക്ക് യൂറോപ്യന് യൂണിയനില് പ്രവേശനം അനുവദിക്കണമെന്ന് സെലെന്സ്കി ആവശ്യപ്പെട്ടു. യുദ്ധത്തിന് അല്പ്പം ശമനമുണ്ടായപ്പോള് യുക്രൈന്റെ ആവശ്യം അംഗീകരിക്കാമെന്ന് ഏറ്റിരിക്കുകയാണ് യൂറോപ്യന് യൂണിയന്. ഇതോടെ റഷ്യയുടെ അടുത്ത നീക്കമെന്തെന്ന കാതോര്ക്കുകയാണ് ലോകരാജ്യങ്ങള്. സെലെന്സ്കിയുടെ ആവശ്യത്തെ നാറ്റോ ഒരിക്കലും പരിഗണിച്ചിരുന്നില്ലെങ്കിലും യുക്രൈന് നാറ്റോയില് ചേരില്ലെന്ന് റഷ്യയ്ക്ക് ഉറപ്പ് വേണമായിരുന്നു. എന്നാല് സെലെന്സ്കി തന്റെ ആവശ്യം ഉന്നയിച്ചുകൊണ്ടേയിരുന്നു.
ഇതാണ് തങ്ങളെ യുക്രൈനെതിരായ സൈനിക നടപടിക്ക് പ്രേരിപ്പിച്ചതെന്നാണ് റഷ്യയുടെ വാദം. നാല്പ്പത്തിയഞ്ച് ദിവസത്തോളം യുദ്ധം ചെയ്തിട്ടും റഷ്യയ്ക്ക് യുക്രൈനില് കാര്യമായ നേട്ടങ്ങളൊന്നും ഉണ്ടാക്കാന് കഴിഞ്ഞില്ല. മാത്രമല്ല, റഷ്യയ്ക്ക് കനത്ത നാശവും ഈ യുദ്ധത്തിനിടെ നേരിടേണ്ടിവന്നു. ഇതോടെ യുക്രൈന്റെ വടക്ക് പടിഞ്ഞാറന് മേഖലയില് നിന്നും പിന്മാറിയ റഷ്യ യുക്രൈന്റെ തെക്ക് കിഴക്കന് മേഖലയിലേക്ക് ശ്രദ്ധ കേന്ദ്രീകരിക്കുകയാണെന്ന് യുഎസ് രഹസ്യാന്വേഷണ ഏജന്സികള് റിപ്പോര്ട്ട് ചെയ്തു. അതിനിടെയാണ് യുക്രൈന് ആഴ്ചകള്ക്കുള്ളില് യൂറോപ്യന് യൂണിയനില് ഔദ്ധ്യോഗിക അംഗമാകാമെന്ന് യൂറോപ്യന് യൂണിയന് മേധാവി ഉര്സുല വോണ് ഡെര് ലെയ്ന് പറഞ്ഞത്. ഇതിനായി യുക്രൈന് എല്ലാ സഹായങ്ങളും ഉര്സുല വാഗ്ദാനം ചെയ്തു.
യുക്രൈന്റെ യൂറോപ്യന് യൂണിയന് പ്രവേശനം റഷ്യന് പ്രസിഡന്റിനെ പ്രകോപിതനാക്കുമോയെന്ന് കാത്തിരിക്കുകയാണ് ലോകരാജ്യങ്ങള്. നേരത്തെ റഷ്യയുടെ അധിനിവേശകാലത്ത് ഏതെങ്കിലും രാജ്യം യുക്രൈനെ സൈനികമായി സഹായിക്കുകയോ, റഷ്യന് വിമാനങ്ങള്ക്ക് യുക്രൈന്റെ ആകാശത്ത് പ്രവേശനാനുമതി നിഷേധിക്കുകയോ ചെയ്താല് ആ രാജ്യം അക്രമിക്കുമെന്ന് പുടിന് ഭീഷണി മുഴക്കിയിരുന്നു.ഒരു രാജ്യത്തിന് യൂറോപ്യന് യൂണിയനില് അംഗത്വമെടുക്കണമെങ്കില് അതിന് വര്ഷങ്ങളുടെ നടപടി ക്രമങ്ങള് ആവശ്യമാണ്. നിരവധി തവണ അപേക്ഷകള് അയക്കുകയും മാനദണ്ഡ പരിശോധനകളും മറ്റ് ചര്ച്ചകള്ക്കും ശേഷമാകും ഈ അപേക്ഷ പരിഗണിക്കുക.
യൂറോപ്യന് യൂണിയനിലേക്ക് ബ്രസല്സ് മോള്ഡോവ, ജോര്ജിയ, യുക്രൈന് എന്നീ രാജ്യങ്ങളെ സ്വാഗതം ചെയ്യണമെന്ന് 2011 മുതല് യുക്രൈന് ആവശ്യപ്പെടുന്നതാണ്. ഒരു ഔദ്യോഗിക അംഗരാജ്യമാകാനുള്ള യുക്രൈന്റെ ആഗ്രഹം 2014 ലെ മൈദാന് വിപ്ലവത്തിന് ആക്കം കൂട്ടി.ഒടുവില് ഇത് റഷ്യയുടെ ക്രിമിയ പിടിച്ചെടുക്കല് നടപടിയിലേക്ക് കാര്യങ്ങള് എത്തിച്ചു. റഷ്യയുടെ യുക്രൈന് അധിനിവേശം യുക്രൈന്റെ അസ്തിത്വത്തെ മാത്രമല്ല, യൂറോപ്പിന്റെ മൊത്തത്തിലുള്ള സുരക്ഷയ്ക്ക് നേരെയുള്ള അക്രമണമാണെന്ന് സെലെന്സ്കി ആരോപിച്ചതിന് പിന്നാലെയാണ് യൂറോപ്യന് യൂണിയന് പ്രവേശനത്തെ അംഗീകരിച്ച് രംഗത്തെത്തിയത്.
https://www.facebook.com/Malayalivartha