തന്ത്രങ്ങള് ഫലിച്ചില്ല... ഇമ്രാന് പുറത്ത്.... പാക് ദേശീയ അസംബ്ലിയില് നടന്ന അവിശ്വാസ വോട്ടെടുപ്പില് പരാജയപ്പെട്ടതോടെ ഇമ്രാന് പ്രധാനമന്ത്രി പദം നഷ്ടമായി, അവിശ്വാസപ്രമേയം പാസായി മിനിറ്റുകള്ക്കകം ഇമ്രാന് ഔദ്യോഗികവസതി ഒഴിഞ്ഞു, പാക്കിസ്ഥാന് വേദിയില് അരങ്ങേറിയത് നാടകീയ രംഗങ്ങള്
അവസാന പ്രതീക്ഷയും നഷ്ടമായി.... ഇമ്രാന് പുറത്ത്.... പാക് ദേശീയ അസംബ്ലിയില് നടന്ന അവിശ്വാസ വോട്ടെടുപ്പില് പരാജയപ്പെട്ടതോടെ ഇമ്രാന് പ്രധാനമന്ത്രി പദം നഷ്ടമായി. പാക്കിസ്ഥാന് പ്രധാനമന്ത്രി സ്ഥാനത്തുനിന്ന് ഇമ്രാന് ഖാന് പുറത്തായി. ദേശീയ അസംബ്ലിയില് നിന്ന് ഭരണ കക്ഷി അംഗങ്ങള് വിട്ടു നിന്നു.
വോട്ടെടുപ്പില് 174 വോട്ടുകള്ക്കാണ് അവിശ്വാസപ്രമേയം പാസായത്. 342 അംഗ നാഷനല് അസംബ്ലിയില് 172 വോട്ടാണു വേണ്ടിയിരുന്നത്. അവിശ്വാസപ്രമേയം പാസായി മിനിറ്റുകള്ക്കകം ഇമ്രാന് ഔദ്യോഗികവസതി ഒഴിഞ്ഞു. പാക്കിസ്ഥാന് വേദിയില് അരങ്ങേറിയത് നാടകീയ രംഗങ്ങള്
വോട്ടെടുപ്പിന് തൊട്ടുമുന്പ് അസംബ്ലി സ്പീക്കറും ഡെപ്യൂട്ടി സ്പീക്കറും രാജി വെച്ചിരുന്നു .ഇടക്കാല സ്പീക്കറെ നിയോഗിച്ചാണ് നടപടികള് അവസാനിപ്പിച്ചത്. പുതിയ പ്രധാനമന്ത്രിയെ ഇന്നു തന്നെ തിരഞ്ഞെടുത്തേക്കും. പ്രതിപക്ഷനേതാവും മുന് പ്രധാനമന്ത്രി നവാസ് ഷരീഫിന്റെ സഹോദരന് ഷഹബാസ് ഷരീഫ് (70) പ്രധാനമന്ത്രിയാകുമെന്നാണു സൂചന.
അവിശ്വാസ പ്രമേയ നടപടികള്ക്കായി ഇന്നലെ രാവിലെ പാര്ലമെന്റ് ചേര്ന്നെങ്കിലും വോട്ടെടുപ്പു നടത്താതെ സമ്മേളനം രാത്രി വരെ നീട്ടി.. രാത്രി 9നു ചേര്ന്ന അടിയന്തര മന്ത്രിസഭാ യോഗം ഇമ്രാന് ഖാന് രാജിവയ്ക്കേണ്ടതില്ലെന്ന തീരുമാനമെടുത്തു പിരിഞ്ഞു. അതിനിടെ, സേനാ മേധാവി ഖമര് ജാവേദ് ബജ്വ ഇമ്രാനുമായി കൂടിക്കാഴ്ച നടത്തി. തുടര്ന്ന് പാര്ലമെന്റിനു പുറത്ത് സൈനികവ്യൂഹം നിരന്നു.വോട്ടെടുപ്പിനു സഭാ സ്പീക്കര് അനുവദിക്കാത്തതിനെത്തുടര്ന്ന് സുപ്രീം കോടതി ചീഫ് ജസ്റ്റിസ് ഉമര് ബന്ദ്യാല് അര്ധരാത്രി പ്രത്യേക സിറ്റിങ്ങിനു കോടതി തുറക്കാന് നിര്ദ്ദേശം നല്കി.
സൈന്യത്തിന്റെയും സുപ്രീം കോടതിയുടെയും നിര്ണായക ഇടപെടലോടെ, അവിശ്വാസപ്രമേയ വോട്ടെടുപ്പ് നീട്ടിവയ്ക്കാനുള്ള ഇമ്രാന്റെ തന്ത്രം പാളി.പാക്കിസ്ഥാനില് സുരക്ഷ കൂടുതല് ശക്തമാക്കിയിട്ടുണ്ട്. ഒരു സര്ക്കാര് ഉദ്യോഗസ്ഥനും അനുമതിയില്ലാതെ രാജ്യം വിടരുതെന്ന് സര്ക്കാര് ഉത്തരവിട്ടതായി പാക് മാധ്യമങ്ങള് റിപ്പോര്ട്ട് ചെയ്തു.
രാത്രി പത്തരയ്ക്ക് മുന്പ് അവിശ്വാസം വോട്ടിനിടണം എന്ന സുപ്രീംകോടതിയുടെ വിധി അടിസ്ഥാനത്തില് രാവിലെ പത്തരയ്ക്ക് സഭ ചേര്ന്നെങ്കിലും പ്രതിപക്ഷം സര്ക്കാരിനെതിരെ രൂക്ഷവിമര്ശനവുമായി ബഹളം കൂട്ടിയതോടെ സ്പീക്കര് അസസ് ഖൈസര് സഭ നിര്ത്തിവെയ്ക്കുകയായിരുന്നു. അരമണിക്കൂറിനുള്ളില് വീണ്ടും സഭ ചേരും എന്നായിരുന്നു അറിയിച്ചിരുന്നത് എങ്കിലും സഭ പിന്നീട സമ്മേളിച്ചത് രണ്ടര മണിക്കൂറിനു ശേഷം.
അവസാന നിമിഷവും ഇമ്രാന് നടത്തുന്ന കള്ളക്കളിയുടെ ഫലമായാണ് വോട്ടെടുപ്പ് വൈകിക്കുന്നതെന്നായിരുന്നു പ്രതിപക്ഷത്തിന്റെ ആരോപണം. ചീഫ് ജസ്റ്റിസ് അര്ധരാത്രി ചീഫ് ജസ്റ്റിസ് സുപ്രീംകോടതിയില് എത്തിയതോടെ ഇമ്രാന് ഖാന്റെ നീക്കങ്ങള്ക്ക് വന് തിരിച്ചടിയും നല്കി.
അവിശ്വാസ പ്രമേയത്തില് ദേശീയ അസംബ്ലിയില് വോട്ടെടുപ്പ് നടക്കുമ്പോള് പുറത്ത് വന് സൈനിക വ്യൂഹമാണ് അണിനിരന്നിട്ടുള്ളത്. വിദേശ ശക്തിയുടെ ഇടപെടലാണ് ഈ അവിശ്വാസ പ്രമേയത്തിന് പിന്നിലെന്നാണ് ഇമ്രാന് ഖാനും അദ്ദേഹത്തിന്റെ പാര്ട്ടിയും ഉന്നയിരുന്ന പ്രധാന ആരോപണം.
അതേസമയം ഇടക്കാല പ്രധാനമന്ത്രിയായി ഷഹബാസ് തുടരുമെന്നാണ് സൂചനകള്. ദേശീയ അസംബ്ലിയില് അവിശ്വാസ പ്രമേയത്തില് വോട്ടെടുപ്പ് നടക്കുന്നതിന് മുമ്പേ സ്പീക്കറും ഡെപ്യൂട്ടി സ്പീക്കറും രാജിവച്ചിരുന്നു.
പാക്കിസ്ഥാന് പാര്ലമെന്റിന് പുറത്ത് ഇമ്രാന് അനുകൂലികളുടെ പ്രതിഷേധം നടക്കുകയാണ്. പാക്കിസ്ഥാന്റെ 75 വര്ഷത്തെ ചരിത്രത്തില് ആദ്യമായാണ് ഒരു പ്രധാനമന്ത്രി അവിശ്വാസ പ്രമേയത്തിലൂടെ പുറത്തുപോകുന്നത്.
"
https://www.facebook.com/Malayalivartha