കൊവിഡ് മഹാമാരി കഴിഞ്ഞാല്‍ ഇനിയെന്താണ് ലോകത്തെ കാത്തിരിക്കുന്ന ദുരന്തം എന്നതിന്. ദുരൂഹതാ സൈത്താന്തികര്‍ പറയുന്നത് അടുത്തത് മൂന്നാം ലോക മഹയുദ്ധമാണ് എന്നാണ്.. കോവിഡ് കാലം തീരുന്നതിനു മുന്‍പ് തന്നെ യുക്രെയ്‌നില്‍ റഷ്യ യുദ്ധം തുടങ്ങിയ തോടെ ഇത്തരത്തിലുള്ള ദുരൂഹതാ സിദ്ധാന്തങ്ങള്‍ ഒട്ടേറെയാണ് പ്രചരിക്കപ്പെടുന്നത്. ഇതിനിടയില്‍ യുഎസ് അധികൃതര്‍ 1500 പേജുള്ള യുഎഫ്ഒ റിപ്പോര്‍ട്ട് പുറത്തുവിട്ടത് കാര്യങ്ങളെ മറ്റൊരു തലത്തില്‍ ചര്‍ച്ചയാക്കിയിട്ടുണ്ട്. യുക്രെയ്ന്‍ റഷ്യ യുദ്ധം വരാനിരിക്കുന്ന പല യുദ്ധങ്ങളുടെ തുടക്കം മാത്രമാണെന്നാണു പല ദുരൂഹതക്കാരും ഇപ്പോഴും പറയുന്നത്. യുക്രെയ്‌നില്‍ റഷ്യ തിരിച്ചടികള്‍ നേരിടുകയാണ്. യുദ്ധം മൂലം പാശ്ചാത്യ രാജ്യങ്ങളടക്കം വലിയ ഉപരോധങ്ങളും റഷ്യയ്ക്കു മേല്‍ ചുമത്തിയിട്ടുണ്ട്.

ഇതില്‍ കോപാകുലനാകുന്ന റഷ്യന്‍ ഭരണാധികാരി വ്‌ലാഡിമിര്‍ പുട്ടിന്‍ അവസാനം ആണവായുധമോ മറ്റോ പ്രയോഗിക്കുന്നതിലേക്കു കാര്യങ്ങള്‍ ഉറപ്പായി നീക്കും എന്നാണ് ദുരൂഹതാ സിദ്ധാന്തക്കാര്‍ വാദിക്കുന്നത്. അങ്ങനെ സംഭവിച്ചാല്‍ അത് മൂന്നാമതൊരു ലോകയുദ്ധത്തിനാകും കാരണമാകുക എന്ന് അവര്‍ ഉറപ്പിച്ചു പറയുന്നു. ഇത്രയും ആയുധങ്ങള്‍ ഇല്ലാതിരുന്നിട്ട് ഒന്നാം ലോകയുദ്ധകാലത്തും രണ്ടാം ലോകയുദ്ധകാലത്തും ഭൂമിയില്‍ സംഭവിച്ചത് വന്‍ നാശനഷ്ടമാണ്. അപ്പോള്‍ പിന്നെ ആണവായുധങ്ങളുള്ള ഈ കാലത്ത് എന്തായാലും അതുണ്ടാകും എന്നും ഭൂമി ഇതുവരെ കാണാത്ത സര്‍വനാശത്തിനാകും ലോകം സാക്ഷ്യം വഹിക്കുക.

എന്നാല്‍ വിശ്വാസ്യ യോഗ്യമല്ലെങ്കിലും. ഇതേ വാദക്കാര്‍ യുദ്ധത്തില്‍ മറ്റൊരു ട്വിസ്റ്റ് പ്രവചിക്കുന്നുണ്ട്. അങ്ങനെ ഒരു യുദ്ധമുണ്ടായാല്‍ ഈ ലോകം തന്നെ നശിക്കും. അതിനാല്‍ അതിനു മുന്‍പായി അന്യഗ്രഹജീവികള്‍ രംഗത്തെത്തി ആണവയുദ്ധനീക്കം തടയുമെന്നാണ് ഈ ദുരൂഹതാ സിദ്ധാന്തക്കാര്‍ പറയുന്നു. ബ്രിട്ടിഷ് സര്‍ക്കാരിന്റെ യുഎഫ്ഒ റിപ്പോര്‍ട്ടുകള്‍ തയാറാക്കിയ നിക്ക് പോപ്പാണ് ദുരൂഹതാ സിദ്ധാന്തക്കാരുടെ ഈ വിശ്വാസത്തെപ്പറ്റിയുള്ള ഇത്തരത്തിലുള്ള വെളിപ്പെടുത്തലുകള്‍ നടത്തുന്നത്. 1980 ല്‍ ബ്രിട്ടനില്‍ നടന്ന ഒന്നാണു റെന്‍ഡ്‌ലെഷാം സംഭവം. ബ്രിട്ടിഷ് വ്യോമസേനയുടെ രണ്ടു സൈനിക ബേസുകള്‍ക്കിടയിലുള്ള മേഖലയിലാണ് ഇതു നടന്നത്. പ്രദേശത്തുകൂടി പോയ യുഎസ് സൈനികര്‍ ഒരു ദുരൂഹമായ ലോഹവസ്തു ബേസുകള്‍ക്കിടയിലുള്ള സ്ഥലത്തേക്കു പറന്നിറങ്ങി അപ്രത്യക്ഷമാകുന്ന സംഭവം ഉണ്ടായി. ബെന്റ്‌വാട്ടേഴ്‌സ്, വൂഡ്‌റിജ് എന്നു പേരുകളുള്ള ഈ ബേസുകളില്‍ ആണവായുധങ്ങളുണ്ടായിരുന്നെന്ന് വലിയ അഭ്യൂഹമുണ്ടായിരുന്നു.

ഈ ബേസുകളില്‍ ഉണ്ടായിരുന്ന ആണവായുധം നിര്‍വീര്യമാക്കാനെത്തിയ അന്യഗ്രഹപേടകമായിരുന്നത്രേ ആ ലോഹവസ്തു എന്നാണ് ഇവരുടെ വാദം. ഇതേ പോലെയുള്ള സംഭവങ്ങള്‍ യുഎസിന്റെ മിനോട് വ്യോമസേനാത്താവളത്തിലും പോളണ്ടിലുമൊക്കെ സംഭവിച്ചിട്ടുണ്ടെന്നും ദുരൂഹതാ വാദക്കാര്‍ പറയുന്നു. ആണവയുദ്ധമുണ്ടായാലും അതുകൊണ്ട് തന്നെ രക്ഷിക്കാന്‍ അന്യഗ്രഹജീവികള്‍ വരുമെന്നാണ് അവരുടെ വിശ്വാസം.എന്നാല്‍ ഈ വിശ്വാസത്തിന് യാതൊരു അടിസ്ഥാനവുമില്ലെന്നുള്ളതാണ് വസ്തുത ഇക്കാര്യം നിക്ക് വ്യക്തമായി വാദിക്കുന്നുമുണ്ട്. അങ്ങനെ വരുമായിരുന്നെങ്കില്‍ അന്യഗ്രഹജീവികള്‍ ഹിരോഷിമയിലും നാഗസാക്കിയിലും വന്ന് അമേരിക്കയെ തടഞ്ഞേനെ. അതു സംഭവിച്ചില്ലല്ലൊ. ആണവ സ്‌ഫോടനം പോലെയുള്ള മാരക ആക്രമണ മാര്‍ഗങ്ങള്‍ വരാതെ സൂക്ഷിക്കേണ്ടത് ലോകരാജ്യങ്ങളുടെ കടമയാണെന്നാണു നിക്കിന്റെ അഭിപ്രായം.