'ഞങ്ങളറിയാതെ ഒരീച്ച ഇവിടെ പറക്കില്ല' എന്ന് സിപിഎമ്മുകാര്‍ വീമ്പു പറയാറുള്ള ഒരു ടിപ്പിക്കല്‍ പാര്‍ട്ടി ഗ്രാമത്തില്‍ ഉണ്ടായ. പിണറായിയുടെ ആ കൊമ്പൊടിക്കുന്ന സംഭവ വികാസങ്ങള്‍. പാട്ടിഗ്രാമത്തിലെ നിവനിലെ ദയനീയാവസ്ഥയെ ചൂണ്ടിക്കാണിക്കുന്നതാണ്. സിപിഎം എന്ന പാര്‍ട്ടിയുടെ ഇവിടുത്തെ പരമോന്നത നേതാവായ സംസ്ഥാന മുഖ്യമന്ത്രിയുടെ വീടിന്റെ വെറും 200 മീറ്റര്‍ മാത്രം അകലെ ഒരു സിപിഎമ്മുകാരനെ കൊന്ന കേസിലെ ആര്‍എസ്എസുകാരനായ പ്രതി ദിവസങ്ങളോളം ഒളിവില്‍ കഴിഞ്ഞതിന്റെ ദയനായവസ്ഥയും. കണ്ണൂര്‍ സിപിഎമ്മില്‍ സംഭവിക്കുന്ന വിള്ളലുകളും സംശയത്തോടെ എടുത്തു കാട്ടുകയാണ് കോണ്‍ഗ്രസ് നേതാവ് വിടി ബല്‍റാം..

സിപിഎം പ്രവര്‍ത്തകന്‍ പുന്നോല്‍ ഹരിദാസനെ വധിച്ച കേസിലെ പ്രതിയായ ആര്‍എസ്എസ് പ്രാദേശിക നേതാവ് നിജില്‍ ദാസിനെ സിപിഎം സംരക്ഷിച്ചെന്നത് വെറും ആരോപണം മാത്രമല്ല അതിലെ വസ്തുതകളും പുറത്തിടുകയാണ് വിടി. കണ്ണൂര്‍ പിണറായി പാണ്ട്യാലമുക്കില്‍ പൂട്ടിയിട്ട രയരോത്ത് പൊയില്‍ മയില്‍പ്പീലി എന്ന വീട്ടില്‍നിന്നാണു നിജിലിനെ പിടികൂടുന്നത്. മുഖ്യമന്ത്രി പിണറായി വിജയന്റെ വീടിനു സമീപമാണ് ഈ വീട് സ്ഥിതിചെയ്യുന്നത്.

പിണറായി വിജയന്റെ ഈ വീട് നോക്കിക്കാണാന്‍ പുറത്തുനിന്നു രണ്ടു പാര്‍ട്ടി സഖാക്കള്‍ വന്നുവെന്നതിന്റെ പേരിലാണ് ഒരുകാലത്ത് സിപിഎമ്മില്‍ വലിയ വിഭാഗീയതയുണ്ടായതും അതു വളര്‍ന്ന് ടി.പി.ചന്ദ്രശേഖരന്റെ കൊലപാതകം വരെ എത്തിയതെന്നും കേരളത്തിന്റെ ഓര്‍മയിലുണ്ട് എന്ന് വ്യക്തമാക്കുകയാണ് കോണ്‍ഗ്രസ് നേതാവും മുന്‍ എംഎല്‍എയുമായ വി.ടി.ബല്‍റാം .

മാത്രമല്ല മുഖ്യമന്ത്രിയുടെ വീടിന്റെ പരിസരം എന്ന നിലയില്‍ 24 മണിക്കൂറും പൊലീസ് ബന്തവസ്സും സിപിഎമ്മിന്റെ ശക്തമായ നിരീക്ഷണ സംവിധാനങ്ങളുമുള്ള ഒരു പ്രദേശത്ത് തന്നെ ആര്‍എസ്എസുകാരനായ പ്രതി ഒളിയിടം കണ്ടെത്തിയെങ്കില്‍ അതിനയാള്‍ക്ക് ധൈര്യം പകര്‍ന്നതാരാണ് എന്നു സമൂഹമാധ്യമത്തിലെ കുറിപ്പില്‍ ബല്‍റാം ചോദിക്കുന്നുണ്ട്.

ആ കുറിപ്പിന്റെ പൂര്‍ണരൂപം ഞാന്‍ വായിക്കാം:

'ഞങ്ങളറിയാതെ ഒരീച്ച ഇവിടെ പറക്കില്ല' എന്ന് സിപിഎമ്മുകാര്‍ വീമ്പു പറയാറുള്ള ഒരു ടിപ്പിക്കല്‍ പാര്‍ട്ടി ഗ്രാമമാണ് പിണറായി പാണ്ട്യാലമുക്ക്. അവിടെയാണ് ആ പാര്‍ട്ടിയുടെ പരമോന്നത നേതാവ് കൂടിയായ സംസ്ഥാന മുഖ്യമന്ത്രിയുടെ വീടിന്റെ വെറും 200 മീറ്റര്‍ മാത്രം അകലെ ഒരു സിപിഎമ്മുകാരനെ കൊന്ന കേസിലെ ആര്‍എസ്എസുകാരനായ പ്രതി ദിവസങ്ങളോളം ഒളിവില്‍ കഴിഞ്ഞത്!

പിണറായി വിജയന്റെ ഈ വീട് നോക്കിക്കാണാന്‍ പുറത്തുനിന്ന് രണ്ട് പാര്‍ട്ടി സഖാക്കള്‍ വന്നുവെന്നതിന്റെ പേരിലാണ് ഒരുകാലത്ത് സിപിഎമ്മില്‍ വലിയ വിഭാഗീയതയുണ്ടായതും അത് വളര്‍ന്ന് ടി പി ചന്ദ്രശേഖരന്റെ കൊലപാതകം വരെ എത്തിയതും എന്ന് കേരളത്തിന്റെ ഓര്‍മ്മയിലുണ്ട്.

മുഖ്യമന്ത്രിയുടെ വീടിന്റെ പരിസരം എന്ന നിലയില്‍ 24 മണിക്കൂറും പോലീസ് ബന്തവസ്സും സിപിഎമ്മിന്റെ ശക്തമായ നിരീക്ഷണ സംവിധാനങ്ങളുമുള്ള ഒരു പ്രദേശത്ത് തന്നെ ആര്‍എസ്എസുകാരനായ പ്രതി ഒളിയിടം കണ്ടെത്തിയെങ്കില്‍ അതിനയാള്‍ക്ക് ധൈര്യം പകര്‍ന്നതാരാണ്?

ഒന്നുകില്‍ ഇരുവശത്തേയും ഉന്നത നേതാക്കള്‍ അറിഞ്ഞുകൊണ്ടുള്ള സിപിഎം ആര്‍എസ്എസ് ബന്ധം, അല്ലെങ്കില്‍ കണ്ണൂര്‍ ജില്ലയിലെ സിപിഎം ഗ്രൂപ്പ് വഴക്ക്. ആ നിലയിലേക്ക് കൂടി അന്വേഷണം വ്യാപിക്കണം. ഇതാണ് ആ പോസ്റ്റ്

അതേസമയം സിപിഎം ജില്ലാ സെക്രട്ടറി എംി ജയരാജന്റെ ആരോപണങ്ങള്‍ തള്ളി ഹരിദാസ് വധക്കേസിലെ പ്രതിയ്ക്ക് സംരക്ഷണം ഒരുക്കിയ രേഷ്മയുടെ കുടുംബവു രംഗത്തു വന്നിട്ടുണ്ട്. പ്രതിയായ നിജിന്‍ ദാസിന് സംരക്ഷണം ഒരുക്കിയത് ക്രിമിനല്‍ ആണെന്ന് അറിയാതെയായിരുന്നു. സ്ഥിരമായി ഈ വീട് വാടകയ്ക്ക് കൊടുക്കാറുണ്ട്. പ്രതിയുടെ ഭാര്യയാണ് വീട് വേണമെന്ന് മകളോട് ആവശ്യപ്പെട്ടതെന്നും രേഷ്മയുടെ അച്ഛന്‍ പറഞ്ഞു.

രേഷ്മയും ഭര്‍ത്താവ് പ്രശാന്തും പണ്ടുമുതലേ സിപിഎം അനുഭാവികളാണെന്നും അവര്‍ മാത്രമല്ല ഞങ്ങളെല്ലാം പാര്‍ട്ടിയില്‍ വിശ്വസിക്കുന്നവരാണെന്നും ഇതുവരെ ബിജെപിയില്‍ പ്രവര്‍ത്തിച്ചിട്ടില്ലെന്നുമാണ് രേഷ്മയുടെ അച്ഛന്‍ പറയുന്നത്. നിജിനെ പരിചയപ്പെടുന്നത് പോലും വാടകയ്ക്ക് വീട് ചോദിച്ചതിന് ശേഷമാണ്. 'പിണറായി പെരുമ' എന്ന പേരില്‍ പരിപാടി സംഘടിപ്പിച്ചപ്പോള്‍ പാര്‍ട്ടി സഖാക്കളെല്ലാം താമസിച്ചത് ഇവിടെയായിരുന്നുവെന്നും രേഷ്മയുടെ അച്ഛന്‍ ഒരു മാധ്യമത്തോട് പറഞ്ഞു.

ഇപ്പോള്‍ എന്തുകൊണ്ട് സി.പി.എം തള്ളിപ്പറയുന്നു എന്ന് അറിയില്ല. രേഷ്മയുടെ സുഹൃത്ത് വഴിയാണ് പ്രതിയായ നിജില്‍ ദാസിന് വീട് വാടകക്ക് നല്‍കിയത്. രേഷ്മയുടെ കൂടെ ജോലി ചെയ്യുന്ന ആളുടെ ഭര്‍ത്താവാണെന്ന് പറഞ്ഞാണ് വീട് വാടകക്ക് നല്‍കിയത്. രേഷ്മയുടെ ഭര്‍ത്താവിന് പാര്‍ടിയുമായി ഒരു ബന്ധവുമില്ലെന്ന് കണ്ണൂര്‍ ജില്ലാ സെക്രട്ടറി എം വി ജയരാജന്‍ നേരത്തെ വാര്‍ത്താ സമ്മേളനത്തില്‍ വ്യക്തമാക്കി. ഇതു തള്ളിയാണ് രേഷ്മയുടെയും ഭര്‍ത്താവ് പ്രശാന്തിന്റെയും കുടുംബം രംഗത്ത് വന്നത്.

ഫെബ്രുവരി 21നായിരുന്നു പുലര്‍ച്ചെ മീന്‍പിടിത്തം സിപിഎം പ്രവര്‍ത്തകനായ പുന്നോല്‍ ഹരിദാസനെ ബൈക്കിലെത്തിയ നാലംഗ സംഘം കൊലപ്പെടുത്തിയത്. സ്വന്തം വീടിന് മുന്നിലായിരുന്നു കൊലപാതകം. കേസില്‍ ഇതുവരെ ഏഴു പേരെ അറസ്റ്റ് ചെയ്തിട്ടുണ്ട്. ഇന്നലെ രാത്രിയോടെയായിരുന്നു നിജിന്‍ ഒളിവില്‍ താമസിച്ച വീടിന് നേരെ ബോംബ് ആക്രമണം ഉണ്ടായ സംഭവത്തില്‍ പിണറായി പൊലിസ് അന്വേഷണമാരംഭിച്ചിട്ടുണ്ട്.. ബോംബേറില്‍ വീടിന് കേടുപാടുകള്‍ സംഭവിച്ചിട്ടുണ്ട്. ജനല്‍ ചില്ലുകള്‍ അടിച്ചു തകര്‍ക്കുകയും ചെയ്തു. സിപിഎം പാര്‍ട്ടി കേന്ദ്രമായ പിണറായിയിലാണ് ഈ വീട് സ്ഥിതി ചെയ്യുന്നത്. ഇവിടെ പൊലീസ് സുരക്ഷ ശക്തമാക്കിയിട്ടുണ്ട്.

അതേസമയം, നിജില്‍ ദാസ് താമസിച്ചത് ആള്‍ത്താമസമില്ലാത്ത വീട്ടിലാണെന്നും സിപിഎം പ്രവര്‍ത്തകര്‍ പ്രതിയെ സംരക്ഷിച്ചിട്ടില്ലെന്നുമാണ് കണ്ണൂര്‍ ജില്ലാ സെക്രട്ടറി എം.വി ജയരാജന്‍ പറഞ്ഞിരുന്നത്. 'പ്രശാന്തിന് സിപിഎം ബന്ധമില്ല. ഒളിവില്‍ പാര്‍പ്പിച്ചത് ആസൂത്രിതമായാണ്. സഹായം ചെയ്ത സ്ത്രീ ഭക്ഷണം വരെ ഉണ്ടാക്കി നല്‍കി. ബോംബേറില്‍ പാര്‍ട്ടിക്ക് ബന്ധമില്ല. ഒളിവില്‍ താമസിച്ചത് ശ്രദ്ധയില്‍പ്പെടാത്തതിന് ആരെയും കുറ്റപ്പെടുത്താനാകില്ല. പ്രതി പിണറായിയില്‍ താമസിച്ചതില്‍ ആരെയും കുറ്റപ്പെടുത്താനാകില്ല. കൊലക്കേസിലെ പ്രതിയെ സംരക്ഷിച്ച പി.എം രേഷ്മയുടെ നടപടി ഗൗരവമുള്ള കുറ്റമാണ്. ഇവരും പ്രതിയും തമ്മിലുള്ള ബന്ധത്തില്‍ അസ്വാഭാവികതയുണ്ട്' എന്നായിരുന്നു ജയരാജന്റെ വാക്കുകള്‍.