യുദ്ധം അവസാനിക്കുന്നു; എല്ലാത്തിനും ഫുള് സ്റ്റോപ്പ്; യുഎന് മോസ്കോയില് കരഞ്ഞ് വിളിച്ച് സെലന്സ്കി; ഇത് ഏറ്റവും അവസാന ശ്രമം
ഉക്രൈന് പിടിച്ചെടുക്കാനുള്ള നീക്കം തുടക്കം മാത്രമെന്നും മറ്റു രാജ്യങ്ങള് പിടിച്ചെടുക്കാന് റഷ്യയ്ക്ക് പദ്ധതിയുണ്ടെന്നും ഉക്രൈന് പ്രസിഡന്റ് വ്ളോദിമീര് സെലന്സ്കി. ജീവിതത്തില് വിശ്വസിക്കുന്ന എല്ലാവരും ഞങ്ങള്ക്കൊപ്പം നില്ക്കണം, എല്ലാ രാജ്യങ്ങളും റഷ്യയ്ക്ക് മേല് പോരാടണം, യുദ്ധം ചെയ്യണം, റഷ്യയോട് പൊരുതാന് സഹായിക്കണമെന്നും സെലന്സ്കി അഭ്യര്ത്ഥിച്ചു.
അതേസമയം, തെക്കന് ഉക്രൈന് നഗരങ്ങള് പിടിച്ചെടുക്കാന് ആക്രമണം ശക്തമാക്കിയെന്ന് റഷ്യന് ഡെപ്യൂട്ടി കമാന്ഡര് റുസ്താം മിന്നെകയേവ് പറഞ്ഞു. അതേസമയം, അസോവസ്റ്റാള് സ്റ്റീല് കമ്പനിയില് റഷ്യ റോക്കറ്റാക്രമണം നടത്തിയതായി ഉക്രൈന് ആഭ്യന്തര മന്ത്രാലയം പറഞ്ഞു.
മരിയൂപോളില്നിന്ന് ജനങ്ങളെ ഒഴിപ്പിക്കാന് മനുഷ്യത്വ ഇടനാഴി ഒരുക്കണമെന്ന് യുഎന്നിനോട് ഉക്രൈന് ആവശ്യപ്പെട്ടു. യുഎന് സെക്രട്ടറി ജനറല് അന്റോണിയോ ഗുട്ടെറസ് പുടിനുമായി കൂടിക്കാഴ്ച നടത്താനിരിക്കയൊണ് ഉക്രൈന്റെ സഹായ അഭ്യര്ത്ഥന.
യുക്രൈന് യുദ്ധം അവസാനിപ്പിക്കാന് ഐക്യരാഷ്ട്ര സഭ ഇടപെടുന്നു. യു.എന് സെക്രട്ടറി ജനറല് അന്റോണിയോ ഗുട്ടെറെസ്, റഷ്യന് പ്രസിഡന്റ് വ്ലാദിമിര് പുടിനുമായി ചൊവ്വാഴ്ച കൂടിക്കാഴ്ച നടത്തും. മോസ്കോയിലെത്തുന്ന ഗുട്ടെറസ് റഷ്യന് പ്രതിരോധ മന്ത്രി സെര്ജി ലാവ്റോവുമായും ചര്ച്ച നടത്തും. യുക്രൈന്റെ കിഴക്കന് മേഖല ലക്ഷ്യം വെച്ച് റഷ്യന് സൈന്യം നീങ്ങുന്നതിനിടെയാണ് ഐക്യരാഷ്ട്രസഭയുടെ നിര്ണായക ഇടപെടല്.
അതേസമയം മരിയുപോളില് നിന്ന് ആളുകളെ ഒഴിപ്പിക്കാന് യുക്രൈന് ഐക്യരാഷ്ട്രസഭയുടെ സഹായം തേടി. റഷ്യന് യുദ്ധക്കപ്പല് മോസ്ക്വാ തകര്ന്നുണ്ടായ അപകടത്തില് ഒരാള് കൊല്ലപ്പെട്ടെന്നും 27 പേരെ കാണാതായെന്നും റഷ്യന് പ്രതിരോധ മന്ത്രാലയം ഔദ്യോഗികമായി സ്ഥിരീകരിച്ചു.
റഷ്യ യുക്രൈന് യുദ്ധം രണ്ടാം മാസത്തിലേക്ക് കടക്കുന്പോഴാണ് യുദ്ധം അവസാനിപ്പിക്കാന് ഐക്യരാഷ്ട്ര സഭ നേരിട്ട് ഇടപെടുന്നത്. ഒരുലക്ഷത്തോളം പേര് മരിയുപോളില് കുടുങ്ങിക്കിടക്കുന്നതായാണ് വിവരം.മരിയുപോളില് പുതിയ കൂട്ടക്കുഴിമാടങ്ങള് കണ്ടെത്തിയതായും റിപ്പോര്ട്ടുകളുണ്ട്. ഖാര്ക്കീവ് മേഖലയില് സൂക്ഷിച്ചിരുന്ന യുക്രൈന് ആയുധശേഖരം പിടിച്ചെടുത്തായി റഷ്യന് സൈന്യം അറിയിച്ചു.എന്നാല് മൂന്നാം ലോക മഹായുദ്ധത്തിലേക്ക് നീങ്ങാന് സാധ്യതയുള്ളതിനാല് റഷ്യയുമായി നേരിട്ടുള്ള സൈനിക ഏറ്റുമുട്ടല് നാറ്റോ ഒഴിവാക്കണമെന്ന് ജര്മ്മന് ചാന്സലര് ഒലാഫ് ഷോള്സ് പറഞ്ഞു.
യുക്രൈനുള്ള പ്രതിരോധ സഹായം സംബന്ധിച്ച് അമേരിക്ക മുന്കൈ എടുത്തുള്ള ചര്ച്ച അടുത്ത ആഴ്ച ജര്മ്മനിയില് നടക്കും.20 രാജ്യങ്ങള് ചര്ച്ചയില് പങ്കെടുക്കുമെന്ന് പെന്റഗണ് അറിയിച്ചു.അതേസമയം റഷ്യന് യുദ്ധക്കപ്പല് മോസ്ക്വാ തകര്ന്നുണ്ടായ അപകടത്തില് ഒരാള് കൊല്ലപ്പെട്ടെന്നും 27 പേരെ കാണാതായെന്ന് റഷ്യന് പ്രതിരോധ മന്ത്രാലയം ഔദ്യോഗികമായി സ്ഥിരീകരിച്ചു.
https://www.facebook.com/Malayalivartha
