വന്‍ ഭൂകമ്പം.. മരണം 1000ത്തിലേക്ക്!! ഹെലികോപ്ടറുകള്‍ പോയെങ്കിലും രക്ഷാപ്രവര്‍ത്തനം നടത്താനാകുന്നില്ല, ആശുപത്രിയും ചികിത്സാസംവിധാനങ്ങളും പരിമിതം; അഫ്ഗാന്‍ തകര്‍ന്നടിഞ്ഞു..
അഫ്ഗാനിസ്ഥാനെ വിറപ്പിച്ച വന്‍ഭൂകമ്പത്തില്‍ മരണസഖ്യ ആയിരങ്ങളിലേക്കു കുതിക്കുമെന്ന് റിപ്പോര്‍ട്ടുകള്‍. ഇന്നുണ്ടായ വന്‍ഭൂചനത്തില്‍ ഇതോടകം അഞ്ഞൂറിലേറെപ്പേര്‍ക്ക് മരണം സംഭവിക്കുകയും മൂവായിരം പേര്‍ക്ക് ഗുരുതരമായ പരിക്കേല്‍ക്കുകയും ചെയ്തിട്ടുണ്ട്.
അഫ്ഗാനിലെ പകതിക പ്രവിശ്യയിലുള്ള നാലു ജില്ലകളിലാണ് ഭൂചനം വലിയ നാശനഷ്ടങ്ങളുണ്ടാക്കിയിരിക്കുന്നത്. ഇതേ പ്രവിശ്യയിലാണ് കൂടുതല്‍ മരണവും നാശനഷ്ടങ്ങളും റിപ്പോര്‍ട്ട് ചെയ്തിരിക്കുന്നതും. അയ്യായിരത്തിലേറെ കെട്ടിടങ്ങള്‍ ഭൂചലനത്തില്‍ നിലംപൊത്തിയതാണ് വിദേശ മാധ്യമങ്ങള്‍ റിപ്പോര്‍ട്ട് ചെയ്യുന്നത്.
റിക്ചര്‍ സ്‌കെയില്‍ 6.1 രേഖപ്പെടുത്തിയ ചലനത്തില്‍ അഫ്ഗാനിസ്താനിലുടനീളം വന്‍ നാശനഷ്ടങ്ങളാണുണ്ടായിരിക്കുന്നത്. പാക്കിസ്ഥാന്‍ അതിര്‍ത്തിക്കു സമീപം ഖോസ്റ്റ് നഗരത്തിന് 44 കിലോമീറ്റര്‍ മാറിയാണ് ഭൂചനത്തിന്റെ പ്രഭവ കേന്ദ്രം.
ഒട്ടേറെ ബഹുനില മന്ദിരങ്ങള്‍ തകര്‍ന്നുവീണു. കാബൂളില്‍ ഉള്‍പ്പെടെ കാലഹരണപ്പെട്ട കെട്ടിടങ്ങളാണ് ഏറെയുമുള്ളത്. കല്ലുകളില്‍ നിര്‍മിച്ച ഈ കെട്ടിടങ്ങള്‍ക്ക് നൂറു വര്‍ഷത്തിലേറെയാണ് പഴക്കം. താലിബാന്റെ കര്‍ക്കശമായ നിയന്ത്രങ്ങള്‍ വന്നതോടെ സ്ത്രീകള്‍ ഏറെയും വീടുകളില്‍ തന്നെയാണ് കഴിയുന്നത്.
അര മിനിറ്റോളം നീണ്ടു നിന്ന ചലനത്തില്‍ റോഡുകളും പാലങ്ങളും നിലംപൊത്തി. കെട്ടിട അവശിഷ്ടങ്ങള്‍ക്കുള്ളില്‍ ആയിരക്കണക്കിന് ജനങ്ങള്‍ കുരുങ്ങിക്കിടക്കുന്നതായാണ് പ്രാഥമിക റിപ്പോര്‍ട്ടുകള്‍ പറയുന്നത്.
പ്രധാന ദുരന്ത മേഖലകളിലേക്ക് ഹെലികോപ്ടറുകള്‍ പോയിട്ടുള്ളതല്ലാതെ രക്ഷാപ്രവര്‍ത്തനങ്ങള്‍ ആരംഭിച്ചിട്ടില്ല. ആശുപത്രി, ചികിത്സാസംവിധാനള്‍ ഗ്രാമീണമേഖലയില്‍ ഏറെ പരിമിതവുമാണ്. മലമ്പദേശങ്ങളാല്‍ ചുറ്റപ്പെട്ട അഫ്ഗാന്‍ അതിര്‍ത്തിയില്‍ നിലവിലെ സാഹചര്യത്തില്‍ രക്ഷാപ്രവര്‍ത്തനങ്ങള്‍ ഏറെ എളുപ്പവുമല്ല. അഫ്ഗാനില്‍ നിലവിലുള്ള താലാബാന്‍ ഭരണകൂടത്തോട് നയതന്ത്രബന്ധം പാശ്ചാത്യ രാജ്യങ്ങള്‍ക്കില്ലാത്തതിനാല്‍ അടിയന്തിര സഹായങ്ങള്‍ ലഭ്യക്കാനുള്ള സാധ്യത ഏറെ കുറവാണുതാനും.
തു ചലനങ്ങള്‍ക്ക് സാധ്യതയുള്ള സാഹചര്യത്തില്‍ ഇനിയും ദുരന്തത്തിന് വ്യാപ്തി കൂടാനാണ് സാധ്യതയെന്ന് വിദഗ്ധര്‍ വ്യക്തമാക്കുന്നു.
മരുന്നിനും ഭക്ഷണത്തിനും അടിയന്തിരസഹായത്തിനും താലിബാന്‍ ഭരണകൂടം ഇന്ത്യ ഉള്‍പ്പെടെ അയല്‍രാജ്യങ്ങളുടെ സഹായം തേടിയിരിക്കുകയാണ്. അഫ്ഗാനിസ്ഥാനിലുണ്ടായ ഭൂചനം പാക്കിസ്ഥാന്‍ തലസ്ഥാനമായ ഇസ്ലാമാദില്‍വരെ അനുഭവപ്പെട്ടതായി പാക്കിസ്ഥാന്‍ വാര്‍ത്താ ഏജന്‍സികള്‍ പറയുന്നു. പാക്കിസ്ഥാന്റെ അഫ്ഗാന്‍ അതിര്‍ത്തി പ്രദേശങ്ങളിലും ചെറിയ തോതിലുള്ള നാശനഷ്ടങ്ങള്‍ സംഭവിച്ചിട്ടുണ്ട്.
ലോകത്തില്‍ ഏറ്റവുമധികം ഭൂചലന ദുരന്തങ്ങള്‍ക്കിരയായിട്ടുള്ള രാജ്യങ്ങളിലൊന്നാണ് അഫ്ഗാനിസ്ഥാന്‍. പത്തു വര്‍ഷത്തിനുള്ളില്‍ വിവിധ ഭൂകമ്പങ്ങളിലായി ഏഴായിരത്തിലധികം പേര്‍ അഫ്ഗാനിസ്ഥാനില്‍ ഭൂചനങ്ങളില്‍ കൊല്ലപ്പെട്ടിട്ടുണ്ട്. ഓരോ വര്‍ഷവും ശരാശരി 600 പേര്‍ക്ക് അഫ്ഗാനില്‍ ഭൂചനങ്ങളില്‍ ജീവന്‍ നഷ്ടപ്പെടുന്നു.
https://www.facebook.com/Malayalivartha
