ചൈനയുടെ ഭീഷണികളെ ചെറുക്കുക. ചൈനയെ നിലയ്ക്കു നിര്‍ത്തുക എന്നീലക്ഷ്യങ്ങളോടെ മുന്നോട്ട് കുതിയ്ക്കുന്ന രണ്ടു രാജ്യങ്ങളാണ് ഇന്ത്യയും അമേരിക്കയും. അതിര്‍ത്തിയിലും ഇന്ത്യന്‍ മഹാ സമുദ്രത്തിലും ഉയര്‍ത്തുന്ന ഭീഷണികളാണ് ചൈനയുടെ പൂര്‍ണമായ പരാജയം ഇന്ത്യ ആഗ്രഹിക്കുന്നതിന് കാരണം, ഇന്ത്യയെ പോലെ തന്നെയാണ് അമേരിക്കയും ആ പതനം ആഗ്രഹിക്കുന്നുണ്ട്. അതിന് കാരണം ആകാശ പോരും അനധികൃത ആയുധ നിര്‍മാണവും സാമ്പക്കീക മത്സരവുമൊക്കെയാണ്.

ഇവിടെ ഇന്ത്യയും അമേരിക്കയും ഒന്നിച്ചിറങ്ങിയാല്‍ ചൈനയുടെ പതനം വേഗത്തിലും സുഗമമായും നടപ്പിലാകും.. ഈ പതനം ലക്ഷ്യമിട്ട് ഇരു രാജ്യങ്ങളും ചര്‍ച്ചകള്‍ തുടങ്ങി...

ആദ്യ ഘട്ടമെന്നോണം ഇന്ത്യയുമായി സമുദ്ര സുരക്ഷ മുന്‍ നിര്‍ത്തി ചര്‍ച്ച സംഘടിപ്പിക്കാനൊരുങ്ങി യുഎസ്. ഇതിന്റെ ഭാഗമായി അമേരിക്കന്‍ സംഘം അടുത്തയാഴ്ച ഇന്ത്യയിലെത്തും. സെപ്റ്റംബര്‍ 5 മുതല്‍ 8 വരെയാകും സന്ദര്‍ശനം. അമേരിക്കന്‍ സംഘത്തെ ദക്ഷിണമധ്യ ഏഷ്യന്‍ കാര്യങ്ങളുടെ അസിസ്റ്റന്റ് സ്റ്റേറ്റ് സെക്രട്ടറി ഡൊണാള്‍ഡ് ലു ആകും നയിക്കുന്നത് . യുഎസ്ഇന്ത്യ സഹകരണം മെച്ചപ്പെടുത്തുകയാണ് ലക്ഷ്യമെന്ന് വൃത്തങ്ങള്‍ വ്യക്തമാക്കി.

ഇന്തോപസഫിക് മേഖലയെ സംരക്ഷിക്കുന്നതിലും പിന്തുണയ്ക്കുന്നതിലും ഇരു രാജ്യങ്ങള്‍ക്കും വലിയ പങ്ക് വഹിക്കാന്‍ കഴിയുമെന്ന് അമേരിക്കന്‍ സ്റ്റേറ്റ് ഡിപ്പാര്‍ട്ട്‌മെന്റ് പറഞ്ഞു. സഹകരണം വിപുലീകരിക്കാന്‍ കഴിയുന്ന വഴികള്‍ ചര്‍ച്ച ചെയ്യാന്‍ പ്രതിനിധി സംഘം മുതിര്‍ന്ന ഇന്ത്യന്‍ ഉദ്യോഗസ്ഥരുമായി കൂടിക്കാഴ്ച നടത്തുമെന്നും ഡിപ്പാര്‍മെന്റ് കൂട്ടിച്ചേര്‍ത്തു.

സ്ത്രീകളുടെ സാമ്പത്തിക ശാക്തീകരണം മെച്ചപ്പെടുത്തുന്നതിനായി വനിതാ സംരംഭകരുമായും യുഎസ് സംഘം കൂടികാഴ്ച നടത്തും. ആഗോള വിതരണ ശൃംഖലയുടെ ഹബ്ബായി മാറുന്നതിന് ഇന്ത്യയുടെ സഹായം ആവശ്യപ്പെടുമെന്നും ഇന്ത്യയുടെ സാമ്പത്തിക സാദ്ധ്യതകള്‍ എങ്ങനെ മികച്ച രീതിയില്‍ ഉപയോഗപ്പെടുത്താമെന്നും മുതിര്‍ന്ന സാമ്പത്തിക വിദഗ്ധരുമായി ചര്‍ച്ച നടത്തുമെന്നും ലു അറിയിച്ചു.