റദ്‌വാൻ സൈന്യം തമ്പടിച്ചിരുന്ന കേന്ദ്രങ്ങൾ തകർത്തതായി ഇസ്രയേൽ സേന. ഇസ്രയേൽ സേനയ്ക്കുനേരെ നേരിട്ട് ആക്രമണം നടത്തുന്ന ഹിസ്ബുല്ലയുടെ യൂണിറ്റാണ് റദ്‌വാൻ സേന. തെക്കൻ ലബനനിൽ റദ്‌വാൻ സംഘാംഗങ്ങളുടെ കമാൻഡ് പോസ്റ്റുകൾ, ആയുധശേഖരങ്ങൾ, ഭൂഗർഭ കേന്ദ്രങ്ങൾ എന്നിവ തകർത്തുവെന്നാണ് ഇസ്രയേൽ പ്രതിരോധ സേന (ഐഡിഎഫ്) അവകാശപ്പെട്ടത്. ഇവിടെനിന്ന് ആയുധങ്ങൾ പിടിച്ചെടുത്ത് സ്ഥലം ‘ശുദ്ധീകരിച്ച’തായി ഐഡിഎഫ് പറഞ്ഞു. കഴിഞ്ഞ ദിവസങ്ങളിൽ റദ്‌വാൻ സൈന്യവുമായി ഇസ്രയേൽ സേന പലതവണ നേരിട്ട് ഏറ്റുമുട്ടിയിരുന്നു.

ഹിസ്ബുള്ളയുടെ കമാൻഡ് ഘടനയെ തടസ്സപ്പെടുത്താനും അതിൻ്റെ പ്രവർത്തന ശേഷിയെ, പ്രത്യേകിച്ച് റദ്‌വാൻ ഫോഴ്‌സ് പോലുള്ള ഉന്നത യൂണിറ്റുകളുടെ പ്രവർത്തന ശേഷി കുറയ്ക്കാനുമുള്ള ഇസ്രായേലിൻ്റെ വിശാലമായ തന്ത്രത്തിൻ്റെ ഭാഗമാണ് ആക്രമണം.2008-ൽ കൊല്ലപ്പെട്ട മുൻ സൈനിക കമാൻഡറായ ഇമാദ് മുഗ്നിയയുടെ നാമധേയത്തിൽ നാമകരണം ചെയ്യപ്പെട്ട റദ്‌വാൻ ഫോഴ്‌സ് ഹിസ്ബുള്ളയുടെ ഏറ്റവും എലൈറ്റ് യൂണിറ്റായി കണക്കാക്കപ്പെടുന്നു,

പ്രത്യേക ഓപ്പറേഷനുകൾക്കായി ചുമതലപ്പെടുത്തിയതും സംഘടനയുടെ സൈനിക ഇടപെടലുകളിൽ മുൻപന്തിയിൽ നിൽക്കുന്നതുമാണ്.2006 ലെ രണ്ടാം ലെബനൻ യുദ്ധത്തിനു ശേഷം രൂപീകൃതമായ റദ്‌വാൻ സേന ഹിസ്ബുള്ളയുടെ ആക്രമണ ശേഷി ശക്തിപ്പെടുത്തുന്നതിനാണ്.തങ്ങളുടെ സൈനിക വിഭാഗത്തെ പ്രൊഫഷണലൈസ് ചെയ്യാനും ഇസ്രായേൽ സേനയ്ക്കും മറ്റ് എതിരാളികൾക്കുമെതിരെ സങ്കീർണ്ണമായ ദൗത്യങ്ങൾക്കായി പ്രത്യേക യൂണിറ്റുകൾ വികസിപ്പിക്കാനുമുള്ള ഗ്രൂപ്പിൻ്റെ ശ്രമത്തിൻ്റെ ഭാഗമായിരുന്നു ഇത്.ലെബനനിലും ഗാസയിലും ആക്രമണം വീണ്ടും ശക്തമാക്കി ഇസ്രയേല്‍. ഇന്നലെ നടത്തിയ ആക്രമണത്തില്‍ ഗായസില്‍ 53 പേരും ലെബനനില്‍ 21 പേരുമാണ് കൊല്ലപ്പെട്ടത്.