ലെബനനിലും ഗാസയിലും ആക്രമണം വീണ്ടും ശക്തമാക്കി ഇസ്രയേല്‍. ഇന്നലെ നടത്തിയ ആക്രമണത്തില്‍ ഗായസില്‍ 53 പേരും ലെബനനില്‍ 21 പേരുമാണ് കൊല്ലപ്പെട്ടത്. ഉപരോധം ഏര്‍പ്പെടുത്തിയിരുന്ന വടക്കന്‍ ഗാസയിലുണ്ടായ മരണം, പരുക്ക്, നാശം എന്നിവയില്‍ യുഎന്‍ മേധാവി അന്‌റോണിയോ ഗുട്ടറസ് ഞെട്ടല്‍ രേഖപ്പെടുത്തി. അധിനിവേശ വെസ്റ്റ് ബാങ്കില്‍, നബ്ലസ് നഗരത്തില്‍ ചൊവ്വാഴ്ച നടത്തിയ റെയ്ഡിനിടെ ഇസ്രായേല്‍ സൈനികര്‍ 11 വയസ്സുള്ള പലസ്തീന്‍ കുട്ടിയെ വധിച്ചത് ഇപ്പോള്‍ സമൂഹ മാധ്യമങ്ങളില്‍ പടരുന്നു . IDF നു നേരെ വ്യാപകമായ ജന രോഷവും ഉണ്ട്.

ഇസ്രായേല്‍ പട്ടാള ടാങ്കുകള്‍ പോകുമ്പോള്‍ അതിനു നേരെ കുട്ടി കല്ലെറിഞ്ഞു എന്നാണു പറയുന്നത് . ആദ്യ വാഹനങ്ങളില്‍ പോയവര്‍ കുട്ടി കല്ലെറിയുന്നത് കണ്ടു എങ്കിലും അതത്ര കാര്യമാക്കാതെ ചിരിച്ചു കൊണ്ടുപോയി . പക്ഷെ അവസാന വാഹനത്തില്‍ വന്ന സൈനികന്‍ കുട്ടി കല്ലെറിയുന്നത് അണ്ടപ്പോള്‍ തോക്ക് എടുത്തു വെടി വയ്ക്കുകയായിരുന്നു .

ഇസ്രായേലി പട്ടാളത്തിന് നേരെ കല്ലെറിഞ്ഞത് കുറ്റകരം തന്നെ ആണെങ്കിലും കേവലം 11 വയസ്സുമാത്രമുള്ള കുട്ടിയെ കൊന്നുകളയണമായിരുന്നോ എന്നതാണ് വ്യാപകമായി ഉയരുന്ന ചോദ്യം . റാമല്ല ആസ്ഥാനമായുള്ള ഫലസ്തീന്‍ ആരോഗ്യ മന്ത്രാലയം ഒരു പത്രക്കുറിപ്പില്‍ ആണ് ഇക്കാര്യം അറിയിച്ചത് .

ഒരു സിവിലിയന്‍ കാറില്‍ പഴയ നഗരത്തിലേക്ക് നുഴഞ്ഞുകയറിയ ഇസ്രായേല്‍ സൈന്യം താമസക്കാര്‍ക്ക് നേരെ വെടിയുതിര്‍ക്കുകയായിരുന്നുവെന്ന് പ്രാദേശിക ഫലസ്തീന്‍ വൃത്തങ്ങള്‍ പറയുന്നത് . വീടിനുള്ളില്‍ നിന്ന് ഒരു യുവാവിനെ സൈന്യം അറസ്റ്റ് ചെയ്തതായും പിന്നീട് ഇസ്രായേല്‍ സൈന്യം നഗരത്തിലേക്ക് സൈനിക ശക്തികളെ അയച്ചതായും ജനം പറയുന്നു. ഏതായാലൂം ഇസ്രായേല്‍ സൈന്യത്തിനിപ്പോള്‍ കലി കയറിയിരിക്കുകയാണ് .

.അധിനിവേശ വെസ്റ്റ്ബാങ്കില്‍ കഴിഞ്ഞ ഒരു വര്‍ഷത്തിനിടെ 165 കുട്ടികളെ ഇസ്രായേല്‍ സൈന്യം വധിച്ചതായി ഐക്യരാഷ്ട്രസഭ പറയുന്നു.
തെക്കന്‍ ലെബനനില തീരദേശ നഗരമായ സിഡോണില്‍ ഇസ്രയേല്‍ നടത്തിയ ആക്രമണത്തില്‍ എട്ട് പേര്‍ മരിക്കുകയും 25 പേര്‍ക്ക് പരുക്കേല്‍ക്കുകയും ചെയ്തതായി ആരോഗ്യമന്ത്രാലയം അറിയിച്ചു. യാതൊരു മുന്നറിയിപ്പുമില്ലാതെ ഒരു റസിഡന്‍ഷ്യല്‍ കെട്ടിടത്തെ ലക്ഷ്യമിട്ടായിരുന്നു ആക്രമണം. കെട്ടിടത്തിന്‌റെ നിരവധി നിലകള്‍ ആക്രമണത്തില്‍ തകര്‍ന്നു. രക്ഷപ്പെട്ടവര്‍ക്കായി രക്ഷാപ്രവര്‍ത്തകര്‍ തിരച്ചില്‍ തുടരുകയാണ്.

അതേസമയം ഖത്തറിന്‌റെ തലസ്ഥാനമായ ദോഹയില്‍ ഒരു വര്‍ഷം നീണ്ടുനിന്ന യുദ്ധം അവസാനിപ്പിക്കുന്നതിനുള്ള ചര്‍ച്ചകള്‍ പുനരാരംഭിക്കുന്നതിനിടെ നാല് ഇസ്രയേലികളെ പലസ്തീന്‍ തടവുകാര്‍ക്ക് കൈമാറാന്‍ ഗാസയില്‍ ഈജിപ്ത് രണ്ട് ദിവസത്തെ വെടിനിര്‍ത്തല്‍ നിര്‍ദേശിച്ചിട്ടുണ്ട്. ടെഹ്‌റാന്‍ യുദ്ധത്തിനായി നോക്കുന്നിലെന്നും എന്നാല്‍ ഇസ്രയേലിന്‌റെ സമീപകാല ആക്രമണങ്ങള്‍ക്ക് ഉചിതമായ മറുപടി നല്‍കുമെന്നും ഇറാന്‍ പ്രസിഡന്‌റ് മസൂദ് പെസെ്കിയന്‍ പറഞ്ഞു.

ലെബനനിലും ഗാസയിലും ആക്രമണം തുടര്‍ന്ന് ഇസ്രയേല്‍; ഗാസയില്‍ രണ്ട് ദിവസത്തെ വെടിനിര്‍ത്തല്‍ നിര്‍ദേശവുമായി ഈജിപ്ത്
ഇന്ത്യചൈന അതിര്‍ത്തി തര്‍ക്കം: സൈനിക പിന്മാറ്റം ഇന്ന് പൂര്‍ത്തിയായേക്കും; എത്രത്തോളം നിര്‍ണായകം?

ഒരു വര്‍ഷത്തിലേറെയായി ഗാസയില്‍ യുദ്ധം ആരംഭിച്ചതിനുശേഷം അധിനിവേശ വെസ്റ്റ്ബാങ്കില്‍ ഇസ്രയേല്‍ സൈന്യം പ്രവര്‍ത്തനങ്ങള്‍ ശക്തമാക്കിയിട്ടുണ്ട്. കിഴക്കന്‍ ജറുസലേം ഉള്‍പ്പെടെ അധിവിവേശ വെസ്റ്റ്ബാങ്കില്‍ കഴിഞ്ഞ വര്‍ഷം ഒക്ടോബര്‍ ഏഴ് മുതല്‍ ഇസ്രയേല്‍ സൈന്യം 732 പലസ്തീനികളെ കൊന്നൊടുക്കിയിട്ടുണ്ട്.