ലബനനിലെ സായുധ സംഘമായ ഹിസ്ബുല്ല  ഇസ്രയേലിലേക്ക് റോക്കറ്റ് ആക്രമണം നടത്തി .  ആക്രമണത്തിന് പിന്നിലെന്ന് സ്ഥിരീകരിച്ചിട്ടുണ്ട്.  ഇസ്രയേലിലെ ഷാരോൺ മേഖലയിലെ അറബ് നഗരമായ ടിറയില്ലാണ് റോക്കറ്റ് ആക്രമണമുണ്ടായിരിക്കുന്നത് . ജനവാസമേഖലയിലെ കെട്ടിടത്തിന് നേരെയായിരുന്നു ആക്രമണം.   

 ലബനനിൽ നിന്നായിരുന്നു മധ്യ ഇസ്രയേലിനെ ലക്ഷ്യമാക്കി മൂന്നു റോക്കറ്റുകൾ   പതിച്ചത്  . ആക്രമണത്തിൽ കെട്ടിടം പകുതി  തകർന്നു. ലബനനിൽ നിന്ന് വിക്ഷേപിച്ച റോക്കറ്റുകളിൽ ചിലത് പ്രതിരോധ സംവിധാനമായ അയേൺ ഡോം തകർത്തു. എന്നാൽ  മൂന്ന് റോക്കറ്റുകൾ ജനവാസമേഖയിൽ പതിച്ചു .

ടെൽ അവീവിൽ നിന്ന് ഏകദേശം 25 കിലോമീറ്റർ വടക്കുകിഴക്കായി വെസ്റ്റ് ബാങ്ക് അതിർത്തിയിലാണ് അറബ് നഗരമായ ടിറ.വ്യാഴാഴ്ച ലബനനിൽ നിന്നുള്ള റോക്കറ്റ് ആക്രമണത്തിൽ വടക്കൻ ഇസ്രയേലിലെ മെതുലയിൽ  ഏഴ് പേർ കൊല്ലപ്പെട്ടിരുന്നു.  

അതേസമയം, യുഎസ് പ്രസിഡന്റ് തിരഞ്ഞെടുപ്പ് നടക്കുന്ന നവംബർ 5ന് മുമ്പ് ഇറാൻ ഇസ്രയേലിനെ ആക്രമിച്ചേക്കുമെന്നാണ് റോയിട്ടേഴ്സ് അടക്കമുള്ള മാധ്യമങ്ങൾ റിപ്പോർട്ട് ചെയ്യുന്നത്. നിരവധി ബാലിസ്റ്റിക് മിസൈലുകളും ഡ്രോണുകളും ഉപയോഗിച്ച് ഇസ്രയേലിനെ ഇറാഖിന്റെ മണ്ണിൽ നിന്ന് ഇറാൻ വരുംദിവസങ്ങളിൽ തിരിച്ചടിക്കുമെന്നാണ് റിപ്പോർട്ടുകൾ.