ഹമാസ് താവളം തുര്‍ക്കിയിലേക്ക്, ജൂതപ്പക ആളിക്കത്തുന്നു ; അടിച്ചുവാരിക്കൂട്ടി കത്തിക്കാന്‍ I D F
ഹമാസിനെ തീവ്രവാദ സംഘടനയായി തുര്‍ക്കി പരിഗണിക്കുന്നില്ല .ഹമാസ് ഒരു തീവ്രവാദ സംഘടനയല്ല', മറിച്ച് 'മുജാഹിദീന്‍' ങ്ങളുടെ ഭൂമിയെയും ജനങ്ങളെയും സംരക്ഷിക്കാന്‍ യുദ്ധം ചെയ്യുന്ന ഒരു വിമോചന ഗ്രൂപ്പാണ്, എന്നാണു തുര്‍ക്കിയുടെ വാദം . ഖത്തറില്‍ നിന്ന് ഹമാസ് പുറത്തായപ്പോള്‍ രണ്ടു കയ്യും നീട്ടി സ്വീകരിച്ചിരിക്കുകയാണ് തുര്‍ക്കി . ഹമാസിന്റെ മുതിര്‍ന്ന അംഗങ്ങള്‍ കഴിഞ്ഞയാഴ്ച ഖത്തറില്‍ നിന്ന് തുര്‍ക്കിയിലേക്ക് പോയതായി അറബ് നയതന്ത്രജ്ഞനെ ഉദ്ധരിച്ച് ടൈംസ് ഓഫ് ഇസ്രായേല്‍ റിപ്പോര്‍ട്ട് ചെയ്തു. ഗാസയിലെ യുദ്ധം അവസാനിപ്പിക്കാന്‍ മധ്യസ്ഥത വഹിക്കാനുള്ള ശ്രമങ്ങളില്‍ നിന്ന് പിന്മാറുകയാണെന്ന് ദോഹ അറിയിച്ചതിന് പിന്നാലെയാണ് നടപടി.
'നിങ്ങള്‍ക്ക് ഇവിടെ സ്വാഗതം' എന്ന് ദോഹ ഹമാസിനോട് പറഞ്ഞതായി ഇസ്രായേലിന്റെ KAN പബ്ലിക് ബ്രോഡ്കാസ്റ്റര്‍ അടുത്തിടെ റിപ്പോര്‍ട്ട് ചെയ്തതിന് പിന്നാലെയാണ് ഇത് സംഭവിച്ചത്, കൂടാതെ, വെടിനിര്‍ത്തല്‍ കരാര്‍ അംഗീകരിക്കാന്‍ വിസമ്മതിച്ചതിന് ഹമാസിനെ പുറത്താക്കാന്‍ യുഎസ് ദോഹയില്‍ സമ്മര്‍ദ്ദം ചെലുത്തുന്നതായും റിപ്പോര്‍ട്ട് ഉണ്ടായിരുന്നു. എന്നാല്‍ പൊളിറ്റിക്കല്‍ ബ്യൂറോ അംഗങ്ങള്‍ ഇടയ്ക്കിടെ തുര്‍ക്കി സന്ദര്‍ശിക്കാറുണ്ട്. ഹമാസ് പൊളിറ്റിക്കല്‍ ബ്യൂറോ തുര്‍ക്കിയിലേക്ക് മാറിയതായി സൂചിപ്പിക്കുന്ന അവകാശവാദങ്ങള്‍ സത്യമല്ല എന്നുമാണ് , തുര്‍ക്കി 'നയതന്ത്ര വൃത്തങ്ങള്‍ വ്യക്തമാക്കുന്നത് . ഖത്തറില്‍ മീറ്റിംഗുകള്‍ നടത്താത്ത സമയത്ത് വിദേശത്തുള്ള ഹമാസിന്റെ നേതൃത്വം തുര്‍ക്കിയിലാണ് കൂടുതല്‍ സമയം ചെലവഴിക്കുന്നതെന്ന് ഒരു അറബ് നയതന്ത്രജ്ഞന്‍ പറഞ്ഞതയാണ് റിപ്പോര്‍ട്ട് . പലസ്തീന്‍ ഗ്രൂപ്പിന്റെ പല പ്രവാസി നേതൃത്വങ്ങളുടെയും കുടുംബങ്ങള്‍ അവിടെ താമസിക്കുന്നതിനാല്‍ തുര്‍ക്കി ഹമാസിന് ഒരു പ്രായോഗിക ഓപ്ഷന്‍ ആണ്.
ഇതിനിടെ ഇസ്രായേല്‍ പ്രസിഡന്റ് ഐസക് ഹെര്‍സോഗിന് തങ്ങളുടെ വ്യോമാതിര്‍ത്തിയില്‍ പ്രവേശിക്കാന്‍ തുര്‍ക്കി അനുമതി നിഷേധിച്ചതയ വാര്‍ത്തകളും വരുന്നു . കോപ്29 കാലാവസ്ഥാ ഉച്ചകോടിയില്‍ പങ്കെടുക്കാന്‍ അസര്‍ബൈജാന്‍ തലസ്ഥാനമായ ബാകുവിലേക്ക് പോകാനാണ് ഹെര്‍സോഗ് തുര്‍ക്കിയോട് വ്യോമാതിര്‍ത്തി മുറിച്ചുകടക്കാന്‍ അനുമതി തേടിയത്. അനുമതി നിഷേധിച്ച വാര്‍ത്ത തുര്‍ക്കി ഔദ്യോഗികമായി സ്ഥിരീകരിച്ചു. സുരക്ഷാ കാരണങ്ങള്‍ ചൂണ്ടിക്കാട്ടി ഉച്ചകോടിയില്‍ പങ്കെടുക്കില്ലെന്ന് ശനിയാഴ്ച ഇസ്രായേല്‍ പ്രസിഡന്റിന്റെ ഓഫീസ് വ്യക്തമാക്കിയിരുന്നു.
ഗസ്സയിലെ ഇസ്രായേല്‍ ആക്രമണത്തെ തുടര്‍ന്ന് തുര്‍ക്കിഇസ്രായേല്‍ ബന്ധം വഷളായിരുന്നു. ഇസ്രായേലിനെതിരെ ശക്തമായ നിലപാടെടുക്കുന്ന നേതാവാണ് തുര്‍ക്കി പ്രസിഡന്റ് ഉര്‍ദുഗാന്‍. ഇസ്രായേലുമായുള്ള എല്ലാ ബന്ധങ്ങളും രാജ്യം വിച്ഛേദിച്ചതായി തുര്‍ക്കി പ്രസിഡന്റ് റജബ് ത്വയ്യിബ് ഉര്‍ദുഗാന്‍ പറഞ്ഞിട്ടുണ്ട് . ഗാസയില്‍ വംശഹത്യ തുടരുന്ന ഇസ്രയേലുമായുള്ള എല്ലാ ബന്ധങ്ങളും അവസാനിപ്പിക്കുകയാണെന്ന് ആണ്അദേഹം പറഞ്ഞത് . തന്റെ നേതൃത്വത്തില്‍ റിപ്പബ്ലിക് ഓഫ് തുര്‍ക്കി ഭരണകൂടം ഇസ്രായേലുമായി ബന്ധം തുടരുകയോ വികസിപ്പിക്കുകയോ ചെയ്യില്ലെന്നും ഉര്‍ദുഗാന്‍ പറഞ്ഞു. ഇസ്രയേലുമായുള്ള ബന്ധം വിച്ഛേദിക്കുന്ന കാര്യത്തില്‍ ഉറച്ച് നില്‍ക്കുന്നു. ഭാവിയിലും ഇതില്‍ മാറ്റമുണ്ടാകില്ലെന്നും എര്‍ദോഗന്‍ പറഞ്ഞു. ഗസ്സയില്‍ നടത്തുന്ന ആക്രമണങ്ങള്‍ക്ക് ഇസ്രായേല്‍ പ്രധാനമന്ത്രി ബെന്യമിന്‍ നെതന്യാഹുവിന്റെ ഉത്തരവാദിത്തം തെളിയിക്കാന്‍ തുര്‍ക്കി ആവുന്നതെല്ലാം ചെയ്യുമെന്നും എര്‍ദുഗാന്‍ പറഞ്ഞു. കഴിഞ്ഞ മേയില്‍ തുര്‍ക്കി ഇസ്രയേലിനുമേല്‍ വ്യാപാര ഉപരോധം ഏര്‍പ്പെടുത്തിയിരുന്നെങ്കിലും നയതന്ത്ര ബന്ധം തുടര്‍ന്നിരുന്നു. ഇസ്രയേലിലെ തങ്ങളുടെ സ്ഥാനപതിയെ കഴിഞ്ഞ വര്‍ഷം തുര്‍ക്കി തിരിച്ചുവിളിച്ചിരുന്നു.
2011 മുതല്‍ തുര്‍ക്കി ഹമാസിന് സുരക്ഷിത താവളമൊരുക്കുന്നു .ഹമാസിന്റെ ഡെപ്യൂട്ടി പൊളിറ്റിക്കല്‍ ചീഫായ സലേഹ് അല്‍അറൂരി , സിറിയന്‍ ആഭ്യന്തരയുദ്ധം പൊട്ടിപ്പുറപ്പെട്ടതിനെ തുടര്‍ന്ന് ഹമാസ് ബ്രാഞ്ച് സ്ഥാപിക്കുന്നതിനായി ഡമാസ്‌കസില്‍ നിന്ന് തുര്‍ക്കിയിലേക്ക് സ്ഥലം മാറി
1949ല്‍ ഇസ്രായേല്‍ രാഷ്ട്രത്തെ അംഗീകരിക്കുന്ന ആദ്യത്തെ മുസ്ലീം രാജ്യമാണ് തുര്‍ക്കി. തുര്‍ക്കിയിലെ ജൂത ന്യൂനപക്ഷത്തിന്റെ ഭാഗമായി മാറിമാറി വന്ന തുര്‍ക്കി സര്‍ക്കാരുകള്‍ ഇസ്രായേലുമായി ശക്തമായ ബന്ധം പുലര്‍ത്തിയിരുന്നു. ഇസ്രായേല്‍തുര്‍ക്കി ബന്ധം സുരക്ഷാ, പ്രതിരോധ സഹകരണത്തിന്റെ അടിസ്ഥാനത്തിലായിരുന്നു. 1996 ലും 1998 ലും തുര്‍ക്കി യുദ്ധവിമാനങ്ങളുടെ കപ്പല്‍ നവീകരിക്കാന്‍ ഇസ്രായേലിന് കരാര്‍ നല്‍കി . തുര്‍ക്കി ടാങ്കുകള്‍ നവീകരിക്കുന്നതിനായി 2002ല്‍ 700 മില്യണ്‍ ഡോളറിന്റെ കരാറും അങ്കാറ ഇസ്രായേലിന് നല്‍കി . 2000 കളുടെ തുടക്കം വരെ ഇരു രാജ്യങ്ങളും ഒരുമിച്ച് സൈനികാഭ്യാസങ്ങള്‍ നടത്തുകയും രഹസ്യാന്വേഷണ വിവരങ്ങള്‍ പരസ്പരം പങ്കുവെക്കുകയും ചെയ്തു. എര്‍ദോഗന്റെ കീഴില്‍ തുര്‍ക്കിഇസ്രായേല്‍ ബന്ധം വഷളായി
2010 മുതല്‍ ഗാസ മുനമ്പിലെ ശാഖയിലേക്ക് പണമിടപാടുകള്‍ കൈമാറിയിട്ടുണ്ട്. ഭീകരവാദത്തിന് ഫണ്ട് നല്‍കാന്‍ ഹമാസ് ഈ പേയ്‌മെന്റുകള്‍ ഉപയോഗിക്കുന്നു . ഹമാസിന് പണം സ്വരൂപിക്കുന്ന മറ്റൊരു തുര്‍ക്കി എന്‍ജിഒയെ നയിക്കുന്നത് ജിഹാദ് യാഗ്മൂര്‍ ആണ് . 2020ല്‍, വെസ്റ്റ്ബാങ്കില്‍ രണ്ട് ഇസ്രായേലികളെ കൊലപ്പെടുത്തിയ 2015ലെ ഹമാസ് ഭീകരാക്രമണത്തിന്റെ സാമ്പത്തിക സഹായിയാണ് യാഗ്മൂര്‍ എന്ന് യുഎസ് ഡിസ്ട്രിക്റ്റ് കോടതി തിരിച്ചറിഞ്ഞത് . തുര്‍ക്കി ബാങ്കായ കുവൈറ്റ് ടര്‍ക്ക് ബാങ്ക് 'ഹമാസിന് സാമ്പത്തിക സഹായം നല്‍കി' എന്ന് കോടതി വ്യക്തമായി വിധിച്ചു.
https://www.facebook.com/Malayalivartha
