ഒരു ഇന്ത്യന് വിജയഗാഥ, ഇന്ത്യയ്ക്ക് വേദനയുണ്ടാക്കുന്ന ഇത്തരം സംഭവങ്ങള് ആവര്ത്തിക്കില്ല, ദേവയാനി സംഭവത്തില് അമേരിക്ക ഖേദം പ്രകടിപ്പിച്ചിച്ചു
ന്യൂയോര്ക്കിലെ ഇന്ത്യന് ഡെപ്യൂട്ടി കോണ്സല് ജനറലായ ദേവയാനി ഖൊബ്രഗഡെയെ അറസ്റ്റ് ചെയ്ത് വിലങ്ങു വയ്ക്കുകയും വസ്ത്രം അഴിച്ച് പരിശോധിക്കുകയും ചെയ്ത സംഭവത്തില് അമേരിക്ക ഖേദം പ്രകടിപ്പിച്ചു. യുഎസ് സ്റ്റേറ്റ് സെക്രട്ടറി ജോണ് കെറിയുടെ ഇന്ത്യയുടെ സുരക്ഷ ഉപദേഷ്ടാവ്, ശിവശങ്കര് മേനോനെ വിളിച്ചാണ് ഖേദം പ്രകടിപ്പിച്ചത്. സ്റ്റേറ്റ് ഡിപ്പാര്ട്ട്മെന്റ് വക്താവ് മേരി ഹാര്ഫാണ് ഇക്കാര്യം പത്രക്കുറിപ്പിലൂടെ അറിയിച്ചത്.
തങ്ങളുടെ ഉറ്റ സുഹൃദ് രാഷ്ട്രമായ ഇന്ത്യയ്ക്ക് വേദനയുണ്ടാക്കുന്ന ഇത്തരം ദൗര്ഭാഗ്യകരമായ സംഭവങ്ങള് മേലില് ആവര്ത്തിക്കില്ലെന്നും കെറിന് പറഞ്ഞു.
അതേസമയം അറസ്റ്റിലായ ഇന്ത്യന് നയതന്ത്രജ്ഞ ദേവയാനി ഖോബ്രഗഡെയെ ഇന്ത്യ യു.എന്. ദൗത്യസംഘത്തിലേക്കു മാറ്റി. പൂര്ണ നയതന്ത്ര പരിരക്ഷ ലഭിക്കുന്നതിനുവേണ്ടി അവരെ സംഘത്തിലെ സ്ഥിരാംഗമാക്കും.
ഇന്ത്യ ഇക്കാര്യത്തില് ശക്തമായാണ് പ്രതികരിച്ചത്. നയതന്ത്രജ്ഞയോടു ക്രൂരമായി പെരുമാറിയ സംഭവം പാര്ലമെന്റിന്റെ ഇരുസഭകളും ചര്ച്ചചെയ്ത് യു.എസ്. നടപടിയെ നിശിതമായി വിമര്ശിക്കുകയും സര്ക്കാരിനു പൂര്ണ പിന്തുണ പ്രഖ്യാപിക്കുകയും ചെയ്തു.
സംഭവെത്ത പ്രധാനമന്ത്രി മന്മോഹന്സിംഗ് അപലപിച്ചു. ദേവയാനിയെ വിട്ടയയ്ക്കാതെ ഇനി പാര്ലമെന്റിലേക്കു പോകില്ലെന്ന് വിദേശകാര്യ മന്ത്രി സല്മാന് ഖുര്ഷിദ് വൈകാരികമായി പ്രതികരിച്ചു.
കഴിഞ്ഞ വ്യാഴാഴ്ചയാണ് ദേവയാനിയെ പൊതുസ്ഥലത്തു പരസ്യമായി വിലങ്ങുവച്ച് അറസ്റ്റ് ചെയ്തത്. നഗ്നയാക്കി പരിശോധിച്ചതിനു പുറമേ ഡി.എന്.എ പരിശോധനയും നടത്തിയിരുന്നു. ദേവയാനിയെ വിവസ്ത്രയാക്കിയത് യു.എസ്. മാര്ഷല് സര്വീസ് സ്ഥിരീകരിച്ചു. ഇതു പതിവുരീതിയാണെന്നും അപാകതയില്ലെന്നുമാണ് അവരുടെ നിലപാട്.
ഇന്ത്യയെ സംബന്ധിച്ച് ഇത് അങ്ങേയറ്റം വൈകാരികമായ വിഷയമാണെന്നും അതുകൊണ്ട് അറസ്റ്റും അതിലേക്കു നയിച്ച സാഹചര്യങ്ങളും വേണ്ടവിധമാണോയെന്നു പരിശോധിക്കുമെന്നും ഹാര്ഫ് അറിയിച്ചു. അമേരിക്കന് നടപടിയില് പ്രതിഷേധിച്ച് ഇന്ത്യയിലെ അമേരിക്കന് എംബസിയിലെയും കോണ്സുലേറ്റുകളിലെയും ഉദ്യോഗസ്ഥരുടെ നയതന്ത്ര പരിരക്ഷ നീക്കം ചെയ്തു ശക്തമായ നടപടികള് ഇന്ത്യ കൈക്കൊണ്ടിരുന്നു.
അമേരിക്കയിലെ ഇന്ത്യയുടെ ഡെപ്യൂട്ടി കോണ്സലാണെങ്കിലും കോണ്സലിന്റെ ചുമതല വഹിക്കുകയായിരുന്നു 39 കാരിയായ ദേവയാനി. മക്കളെ സ്കൂളിലാക്കി മടങ്ങുമ്പോഴായിരുന്നു അറസ്റ്റ്. ദേവയാനിയുടെ വീട്ടുജോലിക്കാരിയായ സംഗീത റിച്ചാര്ഡിന് വിസ ലഭിക്കാന് നല്കിയ അപേക്ഷയില് തെറ്റായ വിവരങ്ങള് കാണിച്ചുവെന്നും ഇവര്ക്കു നല്കിയ സേവന വേതനങ്ങളില് മാറ്റം വരുത്തിയെന്നുമുള്ള കുറ്റമാണ് ദേവയാനിക്കുമേല് ചുമത്തിയിട്ടുള്ളത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
