കേരളത്തിലെ സിപിഎമ്മിന്റെ ചരിത്രത്തില്‍ സാമ്പത്തിക തട്ടിപ്പിന്റെ പേരില്‍ പുറത്താകുന്ന ആദ്യമുഖ്യമന്ത്രിയെന്ന ഖ്യാതിയുമായി പ്രതിസ്ഥാനത്തേക്ക്. വീണ വിജയന്റെ അക്കൗണ്ടില്‍ കരിമണല്‍ കര്‍ത്ത നല്‍കിയ മാസപ്പടിയുടെ ഗുണഭോക്താവ് പിണറായി വിജയന്‍ തന്നെയെന്ന് തെളിയാന്‍ ഇനി മണിക്കൂറുകള്‍ മാത്രം. വീണ വിജയന്‍ പ്രത്യേക യാതൊരു സേവനവും ചെയ്തിട്ടില്ലെന്നും പിണറായി വിജയനുമായുള്ള അടുപ്പം ഒന്നുകൊണ്ടു മാത്രമാണ് വീണയുടെ അക്കൗണ്ടിലേക്ക് കോടികള്‍ കോഴ കൊടുത്തതെന്ന് കരിമണല്‍ കൊള്ളയിലെ പ്രധാനി എസ്.എന്‍.ശശിധരന്‍ കര്‍ത്തയുടെ മൊഴിയുടെ അടിസ്ഥാനത്തില്‍ പിണറായി വിജയനെ ഇഡി ഉടന്‍ ചോദ്യം ചെയ്യും. ഇന്നോ നാളെയോ ഇഡി പിണറായി വിജയന് സമന്‍സ് അയയ്ക്കും.

അടുത്ത ഘട്ടമായി പിണറായി വിജയനെയും മകള്‍ വീണയെയും ഒരുമിച്ചിരുത്തി ചോദ്യംചെയ്യും. ഇതിനു പിന്നാലെ രണ്ടുപേരെയും അറസ്റ്റു ചെയ്യും. കേരളത്തിലെ സിപിഎമ്മിന് തീരാക്കളങ്കമുണ്ടാക്കുന്ന നിലയിലേക്കാണ് കാര്യങ്ങളുടെ പിടിവിട്ട പോക്കുകള്‍. പിണറായി വിജയന് പ്രതിപക്ഷ നേതൃസ്ഥാനം മാത്രമല്ല എല്‍എല്‍എ സ്ഥാനവും നഷ്ടമാകാന്‍ പോവുകയാണ്. കോടികളുടെ മാസപ്പടി വാങ്ങിയ കേസില്‍ പിണറായിക്കെതിരെ പാര്‍്ട്ടി തലത്തിലും കടുത്ത നടപടിയുണ്ടാകും. വീണ വിജയന്റെ പേരില്‍ നിരവധി വ്യാജ കമ്പനികളുണ്ടെന്നും ്അവിടേക്കൊക്കെ പല കൊള്ളക്കമ്പനികളും കോഴ അയച്ചിരുന്നുവെന്നും മലയാളി വാര്‍ത്ത മുന്‍പ് റിപ്പോര്‍ട്ട് ചെയ്തിരുന്നു. ഇതു ശരിവയ്ക്കും വിധം വീണാ തായിക്കണ്ടിയുടെ പേരില്‍ നേരിട്ടും ്അവര്‍ക്ക് പങ്കാളിത്തം ഉള്ളതുമായി വിവിധ കമ്പനികളുടെ വിവരം പുറത്തുവരികയാണ്.
മുന്‍ മുഖ്യമന്ത്രി പിണറായി വിജയനെ സിഎംആര്‍എല്‍ എക്സാലോജിക് ദുരൂഹ സാമ്പത്തികയിടപാടുകളുമായി ബന്ധിപ്പിക്കാന്‍ പൂട്ടാന്‍ ഇഡിക്ക് ശശിധരന്‍ കര്‍ത്തയുടെ മൊഴി തന്നെ ധാരാളം മതിയാകും.

സിഎംആര്‍എല്‍എക്‌സാലോജിക് വിവാദസാമ്പത്തിക ഇടപാടിലെ തെളിവുകള്‍ ശേഖരിക്കാന്‍ എന്‍ഫോഴ്‌സ്‌മെന്റ് ഡയറക്ടറേറ്റ് നടത്തിയ പരിശോധനകളില്‍ പിടിച്ചെടുത്ത വീണയുടെ ഐഫോണ്‍, ചുവന്നപുറംചട്ടയുള്ള ഡയറിയിലെ ഒന്നു മുതല്‍ 9 വരെയുള്ള പേജുകള്‍, വിവരങ്ങള്‍ കുറിച്ച ഒരു ഷീറ്റ് പേപ്പര്‍ എന്നിവയാണു നിര്‍ണായക തെളിവുകളായി ഇഡി കണ്ടെത്തിയിരിക്കുന്നത്.. ബാങ്ക് നിക്ഷേപങ്ങള്‍ക്കു പുറമേ റെയ്ഡില്‍ പിടിച്ച പ്രമാണങ്ങള്‍ പരിശോധിച്ചപ്പോള്‍ കണ്ടെത്തിയ വീണയുടെ സ്വത്തും കണ്ടുകെട്ടുമെന്ന് അന്വേഷണ സംഘം വ്യക്തമാക്കിയിട്ടുണ്ട്.

കരിമണല്‍ കൊള്ളയിലെ പ്രധാനി കര്‍ത്തായുടെ മൊഴിയും പണം കൈമാറിയതു പിണറായി മുഖ്യമന്ത്രിയായിരിക്കെയാണെന്നതും നിര്‍ണായകമാണ്. പിണറായി വിജയനു സമന്‍സ് നല്‍കാനുള്ള നീക്കത്തിലാണ് എന്‍ഫോഴ്‌സ്‌മെന്റ് ഡയറക്ടറേറ്റ്. പിണറായി വിജയനോടുള്ള വ്യക്തിബന്ധംകൊണ്ടാണ് അദ്ദേഹത്തിന്റെ മകള്‍ വീണയുടെ കമ്പനികള്‍ക്ക് പണം നല്‍കിയതെന്നും കമ്പനിയുടെ സേവനമൊന്നും സ്വീകരിച്ചിട്ടില്ലെന്നും എസ്.എന്‍.ശശിധരന്‍ കര്‍ത്താ മുന്‍പു നല്‍കിയ മൊഴി ഇന്നലെ പുറത്തുവന്നിട്ടുണ്ട്. സേവനമൊന്നും നല്‍കിയില്ലെന്ന കര്‍ത്തായുടെ മൊഴി വീണയും ശരിവച്ചെന്നും റിപ്പോര്‍ട്ടില്‍ പറയുന്നു. 66 ലക്ഷത്തിന്റെ നഷ്ടക്കണക്കും 5 ലക്ഷത്തിന്റെ ചെറിയ വിറ്റുവരവുമുള്ള, ദുര്‍ബല സ്ഥാപനമാണ് എക്‌സാലോജിക്കെന്നും സിഎംആര്‍എല്ലിന്റെ ഔദാര്യത്തിലാണു കമ്പനി മുന്നോട്ടുപോയിരുന്നതെന്നും ഇ.ഡി കണ്ടെത്തിയിട്ടുണ്ട്.

സോഫ്റ്റ്വെയര്‍ സേവനങ്ങളുടെ എന്ന പേരില്‍ 2.78 കോടി രൂപയാണു വീണയുടെ കമ്പനിക്കു നല്‍കിയത്. എക്‌സാലോജിക് നല്‍കിയെന്ന് അവകാശപ്പെട്ട സേവനങ്ങള്‍ക്കായി പിന്നീടു മറ്റൊരു ഐടി സ്ഥാപനത്തെ ഏര്‍പ്പെടുത്തിയെന്നും അതിനു വീണയ്ക്കു കൊടുത്തതിനെക്കാള്‍ വളരെ കുറഞ്ഞ തുകയേ വേണ്ടിവന്നുള്ളൂ എന്നും റിപ്പോര്‍ട്ടിലുണ്ട്.വീണയുടെ സ്ഥാപനങ്ങളായ എക്‌സാലോജിക്കിന്റെ അക്കൗണ്ടിലുള്ള 27,585 രൂപയും ലാക്കര്‍ ഇന്ത്യ കോര്‍പറേഷന്റെ 15.57 ലക്ഷം രൂപയും സ്വന്തം പേരിലുള്ള 1.37 ലക്ഷം രൂപയും മരവിപ്പിച്ചു. കോഴിക്കോട് ആസ്ഥാനമായ ലാക്കര്‍ ഇന്ത്യ കോര്‍പറേഷന്റെ അണിയറിയിലുള്ള വിവാദവ്യവസായിയാണെന്ന് ഇഡിക്ക് വിവരം ലഭിച്ചിട്ടുണ്ട്.കരിമണല്‍ കമ്പനിയുമായി ബന്ധപ്പെട്ടു ശശിധരന്‍ കര്‍ത്താ 182 കോടിയുടെ ക്രമക്കേടുകള്‍ നടത്തിയതായി ആരോപിക്കുന്ന സ്വത്തുകണ്ടുകെട്ടല്‍ റിപ്പോര്‍ട്ടിലാണു ടി.വീണയെയും പിണറായി വിജയനെയും പരാമര്‍ശിക്കുന്ന ഭാഗമുള്ളത്.

ചെളി നീക്കത്തിനെന്ന പേരില്‍ വ്യാജ ഗതാഗത ബില്ലുകള്‍ തയാറാക്കി തട്ടിയത് 139 കോടിയാണ്. 43 കോടി രൂപ ഓവര്‍ ഇന്‍വോയ്സിങ്ങിലൂടെയും കബളിപ്പിച്ചു. 182 കോടിയില്‍ 91 കോടി രൂപയും വകമാറ്റിയത് കര്‍ത്തയുടെ കുടുംബ കമ്പനി നിപുണ ഇന്റര്‍നാഷനല്‍ വഴിയാണെന്നും ഇഡിയുടെ റിപ്പോര്‍ട്ടിലുണ്ട്.

വീണയുടെ എക്‌സാലോജിക് കമ്പനിയും കരിമണല്‍ കര്‍ത്തയുടെ സി.എം.ആര്‍.എലും തമ്മില്‍ 2.78 കോടി രൂപയുടെ ഇടപാട് ആണ് നടത്തിയത്. എന്നാല്‍ ഏത് സേവനത്തിനാണ് പണം കൈപ്പറ്റിയതെന്ന് അന്വേഷണ സംഘത്തെ ബോധ്യപ്പെടുത്താന്‍ വീണയ്‌ക്കോ എക്‌സാലോജിക് കമ്പനിക്കോ സാധിച്ചിരുന്നില്ല. പിന്നീടാണ് പിണറായി വിജയനുമായുള്ള അടുപ്പത്തില്‍ പണം വെറുതെ കൊടുത്തതാണെന്ന കര്‍ത്തയുടെ നിര്‍ണായക മൊഴിയുടെ അടിസ്ഥാനത്തില്‍ പിണറായിയെ ഇഡി ചോദ്യം ചെയ്യാനൊരുങ്ങുന്നത്.