ഇന്ത്യന്‍ നയതന്ത്ര പ്രതിനിധി ദേവയാനി ഖോബ്രഗാഡക്കെതിരായ കേസ്‌; അമേരിക്ക അന്വേഷണത്തിന്‌ ഉത്തരവിട്ടു
ഇന്ത്യന്‍ നയതന്ത്ര പ്രതിനിധി ദേവയാനി ഖോബ്രഗാഡക്കെതിരെ സ്വീകരിച്ച നടപടി സംബന്ധിച്ച്‌ അമേരിക്ക ആഭ്യന്തര അന്വേഷണത്തിന്‌. ദേശീയ സുരക്ഷാ കൗണ്‍സില്‍, വിദേശകാര്യം, നീതിന്യായം എന്നീ വകുപ്പുകള്‍ സംയുക്തമായാണ്‌ അന്വേഷണം നടത്തുക. ദേവയാനിക്കെതിരായി സ്വീകരിച്ച നടപടിയില്‍ എന്തെങ്കിലും പിഴവ്‌ സംഭവിച്ചിട്ടുണ്ടോ എന്നതാണ്‌ അന്വേഷണ പരിധിയില്‍ വരികയെന്ന്‌ വാഷിംഗ്‌ടണ്‍ വക്താവ്‌ അറിയിച്ചു.
നേരത്തെ ദേവയാനിയെ അപമാനിച്ച സംഭവം പരിശോധിക്കാന്‍ ഇന്ത്യ വിദഗ്‌ധ സമിതിയെ നിയോഗിച്ചിരുന്നു. വിദേശകാര്യ സെക്രട്ടറി സുജാതാ സിംഗാണ്‌ രാജ്യാന്തര നിയമവിദഗ്‌ധരടങ്ങിയ സമിതിയെ നിയോഗിച്ചത്‌. ദേവയാനിയെ അറസ്റ്റു ചെയ്യാനുണ്ടായ സാഹചര്യവും അറസ്റ്റു ചെയ്‌ത സമയത്ത്‌ ദേവയാനിക്ക്‌ നയതന്ത്ര പരിരക്ഷയുണ്ടായിരുന്നു എന്ന വാദവുമെല്ലാം പ്രത്യേക സമിതി ചര്‍ച്ചചെയ്യും. ഇന്ത്യയിലെ യുഎസ് പ്രതിനിധികള്‍ക്ക്‌ നല്‍കിയിരുന്ന ആനുകൂല്യ ങ്ങള്‍ ഇന്ത്യ പിന്‍വലിച്ചതും അമേരിക്കന്‍ നയതന്ത്ര പ്രതിനി ധികള്‍ക്കെതിരേ നിയമ നടപടി കള്‍ സ്വീകരിക്കുന്നതിനെ ക്കുറിച്ചും സമിതി ചര്‍ച്ച ചെയ്യു മെന്നും സുജാതാ സിംഗ്‌ പറഞ്ഞു.
വീട്ടുജോലിക്കാരി സംഗീതാ റിച്ചാര്‍ഡിന്‌ മതിയായ ശമ്പളം നല്‍കിയില്ലെന്നും അവരുടെ വിസയ്‌ക്കായി തെറ്റായ വിവരങ്ങള്‍ നല്‍കിയെന്നും ആരോപിച്ച്‌ ഈ മാസം 12 നാണ്‌ ദേവയാനിയെ ന്യൂയോര്‍ക്കില്‍ അറസ്‌റ്റ്‌ ചെയ്‌തത്‌. അറസ്‌റ്റിലാകുമ്പോള്‍ ദേവയാനിക്ക്‌ ഐക്യരാഷ്‌ട്ര സഭയുടെ ഇന്ത്യന്‍ സംഘത്തിലെ ഉപദേശക എന്ന നിലയില്‍ പൂര്‍ണ നയതന്ത്ര പരിരക്ഷയുണ്ടായിരുന്നു. ദേവയാനിയുടെ അറസ്‌റ്റോടെ ഇന്ത്യ-അമേരിക്ക നയതന്ത്ര ബന്ധത്തില്‍ വലിയ വിള്ളലാണ്‌ ഉണ്ടായത്‌. ഇന്ത്യ പ്രശ്‌നത്തില്‍ എതിര്‍പ്പ്‌ ശക്തമാക്കിയതോടെ അമേരിക്ക സമ്മര്‍ദ്ദത്തിലായി. ഇതോടെ അന്വേഷണത്തിന്‌ ഉത്തരവിടാന്‍ അമേരിക്കന്‍ ഭരണകൂടം നിര്‍ബന്ധിതരാവുകയായിരുന്നു.
https://www.facebook.com/Malayalivartha
