നേരിട്ടോ അല്ലാതെയോ ഉളള ഏത് ഭീഷണിയും നേരിടാന് സജ്ജമാണെന്ന് പാക് സൈനിക മേധാവി
ഏത് തരത്തലുള്ള ഭീഷണി നേരിടാനും പാകിസ്ഥാന് സജ്ജമാണെന്ന് പാക് സേനാമേധാവി ജനറല് രഹീല് ഷരീഫ്. ഉറി ആക്രമണവുമായി ബന്ധപ്പെട്ട് മേഖലയില് ഉണ്ടായിരിക്കുന്ന പ്രത്യേക സ്ഥിതിവിശേഷങ്ങള് നിരീക്ഷിക്കുകയാണെന്നും നേരിട്ടോ അല്ലാതെയോ ഉളള എത് ഭീഷണികള് നേരിടാനും തങ്ങള് സജ്ജമാണെന്നും ഷരീഫ് വ്യക്തമാക്കി.
റാവല്പിണ്ടിയിലെ സൈനിക കമാന്ഡര്മാരുടെ കോണ്ഫറന്സില് സംസാരിക്കുകയായിരുന്ന ഷരീഫ്. കഴിഞ്ഞ ദിവസം നടന്ന ഉറി അക്രമത്തെക്കുറിച്ച് പ്രതികരിച്ചില്ല. എന്നാല് പാകിസ്താന്റെ പരമാധികാരത്തിന് നേരെയുണ്ടാകുന്ന ഏതൊരാക്രമണത്തേയും നിഷ്ഫലമാക്കുമെന്നും അദ്ദേഹം കൂട്ടിച്ചേര്ത്തു. ശനിയാഴ്ച രാവിലെയായിരുന്നു ഉറി സൈനിക ക്യാമ്ബിന് നേരെ ഭീകരാക്രമണമുണ്ടായത്.
സംഭവത്തില് 18സൈനികരാണ് മരിച്ചത്. എന്നാല് ആക്രമണത്തിന് പിന്നില് പാകിസ്ഥാനാണെന്ന ആരോപണം പാക് സര്ക്കാര് നിഷേധിച്ചിട്ടുണ്ട്. ഇന്ത്യയുടെ ആരോപണം ശരിയല്ല. കാശ്മീരില് നടക്കുന്ന പ്രശ്നങ്ങളില് നിന്നും ശ്രദ്ധതിരിക്കാനുള്ള ഇന്ത്യന് ശ്രമത്തിന്റെ ഭാഗമാണ് ഉറി ആക്രമണമെന്നും പാകിസ്താന് പ്രതികരിച്ചിരുന്നു. വ്യക്തമായ രീതിയില് അന്വേഷണം നടത്താതെ ആക്രമണത്തിന്റെ ഉത്തരവാദിത്തം പാകിസ്ഥാന്റെ തലയില് വെക്കുന്നത് ദൗര്ഭാഗ്യകരമാണൈന്നും പാക് ആഭ്യന്തരമന്ത്രാലയം വ്യക്തമാക്കിയിരുന്നു.
https://www.facebook.com/Malayalivartha
