കഞ്ഞികുടിക്കാന് കണ്ണില് ചോരയില്ലാതെ... വരുമാനം കണ്ടെത്താന് കൊല്ലപ്പെട്ട ഭീകരരുടെ അവയവങ്ങള് ഐഎസ് വില്ക്കുന്നു
എണ്ണപ്പാടങ്ങളില്നിന്നുള്ള വരുമാനം കുറഞ്ഞതോടെ അവയവ കടത്തിലേക്ക് ഇസ്ലാമിക് സ്റ്റേറ്റ് (ഐഎസ്) ഭീകരര് കടക്കുന്നതായി റിപ്പോര്ട്ട്. സ്വന്തം സംഘത്തിലെതന്നെ കൊല്ലപ്പെട്ട ഭീകരരുടെ അവയവങ്ങളാണ് വില്ക്കുന്നത്. ഇതിനായി പ്രത്യേക മെഡിക്കല് സംഘത്തെ ഐഎസ് നിയോഗിച്ചതായും രാജ്യാന്തര മാധ്യമം റിപ്പോര്ട്ട് ചെയ്തു.
കൊല്ലപ്പെട്ട 20ലധികം ഭീകരരുടെ ശരീരത്തില്നിന്നും ഇതിനോടകം അവയവങ്ങള് നീക്കം ചെയ്തു. കിഡ്നി ഉള്പ്പെടെ മാറ്റിവയ്ക്കാന് കഴിയുന്ന എല്ലാ അവയവങ്ങളും ഇക്കൂട്ടത്തിലുണ്ട്. വന് തുകയ്ക്കാണ് വിദേശ ആശുപത്രികള്ക്ക് ഭീകരര് ഇവ വില്ക്കുന്നത്.
വരുമാനം കണ്ടെത്താന് ഭീകരര് മറ്റു മാര്ഗങ്ങള് തേടുന്നത് ഇതാദ്യമല്ല. നേരത്തെ, കനത്ത സാമ്പത്തിക പ്രതിസന്ധി ഉണ്ടായപ്പോള് മല്സ്യം, മാംസം വില്പന നടത്തിയും ഓണ്ലൈനിലൂടെ ലൈംഗിക അടിമകളെ വിറ്റും ഐഎസ് പണം കണ്ടെത്തിയിരുന്നു.
യുഎസ് സഖ്യകക്ഷികളുടെ വ്യോമാക്രമണത്തില് ഐഎസ് അധീനതയിലുള്ള നിരവധി എണ്ണപ്പാടങ്ങള് തകര്ന്നതായും ഇതുവഴി ഭീകരര്ക്ക് വന്തോതില് വരുമാനം കുറഞ്ഞെന്നുമാണ് വിലയിരുത്തല്. ഐഎസ് ഭീകരരുടെ പ്രധാന വരുമാന സ്രോതസാണ് എണ്ണപ്പാടങ്ങള്.
https://www.facebook.com/Malayalivartha