തെരഞ്ഞെടുപ്പ് ദിവസം അമേരിക്കന് വോട്ടര്മാരെ 'കശാപ്പ്' ചെയ്യുമെന്ന് ഐഎസ്; ഇസ്ലാം മതവിശ്വാസികള് വോട്ടെടുപ്പില് നിന്ന് വിട്ട് നില്ക്കണമെന്ന് ആഹ്വാനം
വാഷിങ്ങ്ടണ്: തെരഞ്ഞെടുപ്പ് ദിവസം വോട്ട് ചെയ്യാനെത്തുന്ന അമേരിക്കന് ജനതയെ കശാപ്പ് ചെയ്യാന് ഇസ് ലാമിക് സ്റ്റേറ്റിന്റെ ആഹ്വാനം. അതേസമയം, വോട്ടെടുപ്പില് നിന്നും ഇസ്ലാം മതവിശ്വാസികള് വിട്ട് നില്ക്കണമെന്ന് ഇസ് ലാമിക് സ്റ്റേറ്റ് ആവശ്യപ്പെട്ടതായി അമേരിക്ക ആസ്ഥാനമായുള്ള ഭീകരവാദ നിരീക്ഷണ സംഘം അറിയിച്ചു.
'ഭീകരര് നിങ്ങളെ കശാപ്പ് ചെയ്യുമെന്നും ബാലറ്റുകള് തകര്ക്കുമെന്നും' ഐഎസിന്റെ അല് ഹായത്ത് മീഡിയ സെന്റര് പുറത്തിറക്കിയ പ്രസ്താവനയില് പറയുന്നതായി എസ്ഐടിഇ ഇന്റലിജന്സ് ഗ്രൂപ്പിന്റെ ഡയറക്ടര് റിറ്റ്സ് കാത്ത്സ് ട്വിറ്ററില് കുറിച്ചു. 'ദി മുര്താഡ് വോട്ട്' എന്ന ഏഴ് പേജുള്ള പ്രസ്താവനയിലാണ് ഐഎസ് ഇത്തരത്തില് മുന്നറിയിപ്പ് നല്കിയിട്ടുള്ളതെന്ന് യുഎസ്എ ടുഡെ റിപ്പോര്ട്ട് ചെയ്തു.
ആക്രമണങ്ങളെ മതപരമായ വാദങ്ങളുന്നയിച്ച് ന്യായീകരിക്കാന് ശ്രമിക്കുന്ന ഐഎസിന്റെ പ്രസ്താവനയില്, റിപ്പബ്ലിക്കന്-ഡെമോക്രാറ്റിക് പാര്ട്ടികള് തമ്മില് വ്യത്യാസങ്ങളില്ലെന്നും ഇസ്ലാം മതത്തിനെതിരെയും മുസ്ലീമുകള്ക്കെതിരെയുമാണ് ഇരു പാര്ട്ടികളും നയങ്ങള് രൂപീകരിക്കുന്നതെന്നും സൂചിപ്പിക്കുന്നു. തെരഞ്ഞെടുപ്പ് ദിവസം ആക്രമണം നടത്തി മാധ്യമ ശ്രദ്ധ നേടുകയാണ് ഐഎസ് ലക്ഷ്യം വയ്ക്കുന്നതെന്ന് റിറ്റ്സ് കാത്ത്സ് സൂചിപ്പിച്ചു.
പ്രസ്താവനയില് റിപ്പബ്ലിക്കന് സ്ഥാനാര്ത്ഥി ഡൊണാള്ഡ് ട്രംപിന്റെ ചിത്രം നല്കിയിട്ടുണ്ട്. കൂടാതെ, ഡെമോക്രറ്റിക് വൈസ് പ്രസിഡന്റ്ഷ്യല് നോമിനി ടിം കെയ്ന്, യുദ്ധത്തില് കൊല്ലപ്പെട്ട ഇസ് ലാം വിശ്വാസിയായ സൈനികന്റെ പിതാവ് കിര് ഖാന്, എന്നിവരുടെ ചിത്രങ്ങളും പ്രസ്താവനയിലുണ്ട്. തെരഞ്ഞെടുപ്പിനെ തുടര്ന്ന് വന് സുരക്ഷാ സജ്ജീകരണങ്ങളാണ് അമേരിക്കയില് ഒരുക്കിയിട്ടുള്ളത്.
അമേരിക്കന് പ്രസിഡന്റ് തെരഞ്ഞെടപ്പിനു തലേന്ന് അല് ക്വയ്ദയുടെ ആക്രമണം ഉണ്ടായേക്കാമെന്നും ന്യൂയോര്ക്ക്, ടെക്സാസ്, വിര്ജീനിയ എന്നിവിടങ്ങളില് ജാഗ്രത പാലിക്കണമെന്നും പ്രാദേശിക അധികൃതര്ക്ക് അമേരിക്കന് ഇന്റലിജന്സ് അധികൃതര് മുന്നറിയിപ്പ് നല്കി. കൃത്യമായ സ്ഥലം വിശദീകരിച്ചിട്ടില്ലെങ്കിലും ജോയിന്റ് ടെററിസം ടാസ്ക് ഫോഴ്സിനോട് കരുതിയിരിക്കുവാന് ഇന്റലിജന്സ് കേന്ദ്രങ്ങള് നിര്ദേശിച്ചതായി സി.ബി.എസ് ന്യൂസ് റിപ്പോര്ട്ട് ചെയ്തു. 
എഫ്.ബി.ഐ ഇതേപ്പറ്റി പ്രത്യേക പരാമര്ശമൊന്നും നടത്തിയില്ലെങ്കിലും കൗണ്ടര് ടെററിസം - ഹോംലാന്ഡ് സെക്യൂരിറ്റി വിഭാഗങ്ങള് അമേരിക്കയില് ഉണ്ടായേക്കാവുന്ന ഏത് ആക്രമണവും നേരിടാന് ജാഗ്രത പാലിക്കുന്നുണ്ടെന്ന് അവരുടെ പ്രസ്താവനയില് പറയുന്നു. ഫെഡറല്, സ്റ്റേറ്റ്, ലോക്കല് നിയമപലാകരുമായി ചേര്ന്ന് ഏതു തരത്തിലുമുള്ള ഭീഷണിയും തടയാന് എഫ്.ബി.ഐ ശ്രദ്ധിക്കുന്നുണ്ടെന്നും പ്രസ്താവനയില് കൂട്ടിച്ചേര്ത്തു. 
ഹിലരിയും ട്രമ്പും തമ്മിലുള്ള പോരാട്ടം ഒപ്പത്തിനൊപ്പമായി മാറിയ സാഹചര്യത്തില് കമ്പ്യൂട്ടര് ഹാക്കിംഗ് സംബന്ധിച്ച ആശങ്കകളും, റഷ്യയോ മറ്റേതെങ്കിലും രാജ്യമോ തെറ്റായ രാഷ്ട്രീയ വിവരങ്ങള് പരത്താനുള്ള സാധ്യതയും അധികൃതര് ഗൗരവത്തോടെ കാണുന്നുണ്ട്. വോട്ടിംഗ് ദിനത്തില് സൈബര് ആക്രമണമൊന്നും ഉണ്ടാകുന്നില്ലെന്ന് ഉറപ്പു വരുത്താന് ഫെഡറല് - സ്റ്റേറ്റ് അധികൃകര് സൈബര് പ്രതിരോധം ശക്തമാക്കിയിട്ടുണ്ട്
https://www.facebook.com/Malayalivartha
