ഫെയ്‌സ്ബുക്കില്‍ തെറ്റായ വിവരം പോസ്റ്റ് ചെയ്തതിന് യു.എസ്.എയിലെ നോര്‍ത്ത് കാരോലിനയില്‍ സ്ത്രീക്ക് 3.2 കോടി രൂപ (500, 000 യു.എസ്. ഡോളര്‍) പിഴ ശിക്ഷ വിധിച്ചു.

പഴയ സുഹൃത്ത് അവരുടെ മകനെ കൊന്നെന്ന തരത്തിലുള്ള പോസ്റ്റിട്ട ജാക്വലിന്‍ ഹാമണ്ട് എന്ന സ്ത്രീക്കാണ് നോര്‍ത്ത് കാരോലിനയിലെ കോടതി പിഴ ശിക്ഷ വിധിച്ചത്. പഴയ സുഹൃത്ത് ഡ്വെയ്ന്‍ ഡയല്‍ ചെയ്തപോലെ മദ്യപിച്ച് മകനെ കൊല്ലാന്‍ കഴിയുന്നില്ലെന്നായിരുന്നു ഹാമണ്ടിന്റെ പ്രസ്താവന.

ഒരു റേഡിയോ സ്‌റ്റേഷനിലെ ജനറല്‍ മാനേജരായിരുന്ന ഡ്വെയ്ന്‍ ഡയലിന്റെ മകന്‍ പത്തു വര്‍ഷം മുമ്പ് കൊല്ലപ്പെട്ടിരുന്നു. കൂട്ടുകാരനൊപ്പം കളിക്കുന്നതിനിടെ അബദ്ധത്തില്‍ തോക്കില്‍നിന്നുള്ള വെടിയേറ്റാണു മകന്‍ മരിച്ചത്. ഹാമണ്ട് ഡയലിനെ മറികടന്ന് ജനറല്‍ മാനേജര്‍ ആകാന്‍ ശ്രമിച്ചതോടെയാണ് ഇരുവരും തമ്മിലുള്ള സൗഹൃദം മുറിഞ്ഞത്.

ഡയലിനെ അപകീര്‍ത്തിപ്പെടുത്തുകയെന്ന ലക്ഷ്യത്തോടെ 2015 ലാണ് ഹാമണ്ട് പോസ്റ്റിട്ടത്. തുടര്‍ന്നാണ് ഡയല്‍ പഴയ കൂട്ടുകാരിക്കെതിരേ കോടതിയെ സമീപിച്ചത്.